2008年4月25日星期五

大出血之III




昨日終於睇埋呢隻桑田佳祐2007除夕演唱會加新大碟初回限定版, 入面收錄左桑田佳祐2007年出左幾張細碟既歌, 最重要個演唱會同樣精彩, 因為包括多首桑田個人 solo 既首本名曲如張學友改編左果首 ”望月”, 古巨基果首” 藍天與白雲”, 直頭無位可以skip, 現場效果氣氛一流, 比起 Southern all stars 對 band, 呢班 crew 既技藝比較好同埋後生d, 將音樂玩得好比較活潑, 二來舞台背景亦花了很多心思, 仲見到好多一家大細去睇, 可能桑田在日本的歌迷真是三歲到八十歲都有, 真係利害 !! 新碟CD 就未聽, 但主要係之前果d細碟歌, 無特別, 但如果係桑田既歌迷, 呢個Live DVD 絕對值得收藏 !

2008年4月24日星期四

大出血之II

另外一隻碟係想買好耐而又無機會買既就係 Southern all stars “Film Killer Street” & Live at Tokyo Dome 2005, 我之前睇係1998 年スーパーライブ in 渚園露天既演唱會, 已經係十年前既事… 現有機會睇下佢在室內開既演唱會。 呢隻係初回限定版, 有5隻DVD, 有兩隻係documentry 有關今次演唱會既片段, 兩隻是演唱會內容, 最後一隻係 Bouns DVD, 應該係 Video clips, 通常盤無既, 但價錢一樣, 有一本好厚既特刊, 5隻DVD用了一個硬盒入住, 非常精美, 盛惠 10500 yen… 自已計下幾多錢 , 不過好在姑仔幫我格價, 搵到間有10% discount , 好過無….講返隻碟先, 5隻碟加埋5個鐘, 當然又係睇唔晒, 頭兩隻我無睇到, 因為係 documentry, 我淨係睇演唱會內容, 好想 skip 但 skip 唔到, 因為個 run down 個 list 好正, 首首都好聽, 多數都係唱 Killer Street 入面收錄的歌曲, 舊歌有 : BIG STAR BLUES (ビッグスターの悲劇) / MY FOREPLAY MUSIC / 希望の轍 / YOU / 海 / 栞(しおり)のテーマ / BYE BYE MY LOVE (U arethe one) / Miss Brand -New Day /勝手にシンドバッド / TSUNAMI 等唔係太多, 但佢地既歌多到無可能唱得晒, 所以停唔到…不過氣氛無戶外演唱會咁好, 但有個特大 mon 搭夠, 不過整體都算滿意。

2008年4月22日星期二

大出血.....

家人去日本旅行, 自已無份去唯有叫佢地幫我買野, 分別係三隻香港買唔到既DVD, 但由於日元高企, 帶動埋d碟都好貴....但係無法啦, 難得可以買到....
第一隻 : Bank Band 的 "ap bank fes'07"
呢隻DVD係 Bank Band 即係由 Mr Children 的主音 櫻井和壽 和著名音樂人 小林武史 ( 也是 Mr Children音樂監製) 所組成的樂隊, 樂隊的目的主要為 環保組織 " ap bank" 所籌款. ap bank 是由 櫻井和壽,小林武史,坂本龍一 3位著名音樂人出資所成立的非謀利組織, 主要是推廣使用天然能源 取代現在使用的各類人工能源( 如石油,媒發電), ap 二字 可解作 artist power 或 alternative power, 組織除主要提供低息借貸給有志研究天然能源的團體或人士, 同時會收集或提供一些環保的建議給政府參考. 除了CD 外, 自2005 每年都會舉行名為 ap bank fes 為期3日的演唱會, 2007年度的演唱會剛在 7月舉行, 每年的演出都會得到大批有名的歌星支持, 今次出席的artist 有Bank Band ,GAKU-MC, AI, KREVA, 絢香, 大貫妙子, KAN, 加藤登紀子, コブクロ, 絢香× コブクロ, 氷室京介, ウルフルズ, Mr.Children, 我即時睇左 , 但成3隻DVD, 所以唯有跳黎睇, 都已經覺得非常精彩, 尤其櫻井和壽/Bank Bank 唱斉藤和義名曲「歌うたいのバラッド」同埋玉置浩二首「MR.LONELY」實在太正, 亦係令我買呢隻碟既原因, 另外KAN唱經典名曲「愛は勝つ」(張學友首壯志驕陽) 同埋コブクロ唱「蕾」都非常正, 我搵日要全部睇晒先得, 因為仲有好多Documentary, 三隻碟我諗夾埋6粒鐘, 有排睇 ~
另外仲有2隻DVD, 等我睇左再講...

2008年4月10日星期四

繼Star Wars 全集....


繼Star Wars 全集....前文話想買返套 Harry Potter + The Lord of Ring 全集, 可惜上次去無貨, 昨日再去果時發現已經返左貨, 但得番一套, 所以我就照幫朋友買住先, 另外仲比我見到有樣正野, 就係"宮崎駿"全集, 背面 show 左六套戲 $68, 唔理佢照買, 返到屋企發現入面有三隻碟, 第一隻內容係"高立的未來世界", "雷朋III世"....心諗死啦, 會唔會全部都係卡通片集唔係電影....好在第二隻同第三隻碟入面各有9套戲分別係"龍貓", "天空之城", "魔女宅急便", "風之谷", "飛天紅豬俠", "百變狸貓", "幽靈公主", "千與千尋", "哈爾移動城堡", "貓的報恩", "歲月的童話", "夢幻街少女", "細耳傾聽", "聽到海濤", "邻居的山田君", "再見瑩火蟲", 仲有d係n年前我都未出世既作品"太陽王子", "熊貓家族"等.....實在太正啦, 雖然質數似 VCD, 大部份係日文對白中文字幕, 有個別是廣東話, 有個別是普通話, 但無所謂, 因為$68係買一隻都唔得, 相信睇晒呢度d碟要一段時間....

Openrice 食評

近日update 左d食評在 openrice, 得閒可以去睇下 ~

http://www.openrice.com/restaurant/userinfo.htm?userid=33880

2008年4月3日星期四

Norah Jones Live in New Orleands 2003


一日行過灣仔298隔離碟鋪, 見到有 Norah Jones Live DVD 賣, D歌我未聽過, 但見都係$39, 於是買黎睇下, 不料, 原未裡面 Norah 唱 old time jazz, 好country 味, 唔係咁岩, 係後來果首歌I've Got to See You Again 叫好少少, 唱返自 style, 好彩都係 $39, 唔肉痛。
Tracks :


Cold Cold Heart
Nightingale
One Flight Down
Seven Years
Feelin' the Same Way
Come Love
Something Is Calling You
Come Away with Me
What Am I to You?
Painter Song
Lonestar
I've Got to See You Again
Bessie Smith
Don't Know Why

終於比我買到 !


身為一個忠實 Fans , 一定要儲齊偶像既野, 但因為當時唔捨得, 所以一直無買 Jay 2004無與倫比live既CD +七里香大碟 MV DVD, 因本來已經買了live DVD, 就唔想再買相同既野, 但諗諗下無得就咁買七里香大碟MV DVD, 但想買既時候發現已經絕左版無再出, Yahoo Auction抄到 $280, 當我絕望之際諗住要買日本版, 點知比我見到佢出番 !!! 勁開心, 最後用左 $119有 HK records買左, 跟住又走左落 HMV, 又有, 不過要 $155, 但我都買左頭文字 DVD $69, 我唔知係咪最平, 但我見唔係度度有, 所以我買左。

另外功夫灌籃出左啦, 其實我無去戲院睇呢套戲係因為我無信心, 唔同 "不能說的秘密", 因為我見到 ah Sa我就唔係咁想睇, 懶係青春愛情勵志片, 所以我都係等出碟。
好彩無去戲院睇, 故事情節單薄, 又抄” 少林足球”, 但又唔好笑, Jay扮 cool好過扮戇居 , 觀眾對像似乎比內地人睇多, 總括黎講我覺得個製作特輯好睇過套戲, “黃金甲”都好過佢, 如果你唔係 Jay Fans, 可以唔駛睇。

2008年4月1日星期二

大發現


星期日我經過灣仔道, 見到開左間碟鋪, 係賣 DVD 的, 我開頭諗住佢得韓劇同台劇, 點知日劇同埋外國電影, 片集都有好多, 大部份都係$48一套, 三套$120, 都幾扺, 最正我見到有 Starwar Episode I ~ VI 全集都係 $100, 係DVD9, 二話不說買左三套日劇同埋一套 starwars, 豬囉猛叫我放低套 starwars因為佢話我地已經有仲買, 我話唔同架, 呢套係 DVD, 之前買果d係 VCD, 同埋$100 都值得收藏, 佢係得兩隻碟, 包裝都 ok, 下次我會買埋 Harry Porter + The lord of ring set , 都係 $100 , 日劇我就買左神探伽利略, 點與線同埋爸爸想睇返 Engine, 但要買就快, 呢d鋪頭通常唔開得耐.