2008年6月30日星期一

老公生日蛋糕part II ~ 古典朱古力蛋糕

因為屋企人多, 又有兩個壽星, 驚蛋糕唔夠食, 於是再整多個, 呢個我本身好想食, 古典朱古力蛋糕, 好 rich 朱古力味... 在整既過程中發生小小意外...就係"冼"手, 飛左d蛋糕漿出黎, 好彩係少量, 如果唔係就前功盡廢啦 ~ 呢個蛋糕味道就緊係正啦, 但老人家就覺得太苦同埋實的的, 後生既就話可以再重d朱古力味...我用左 66%, 下次試用 70% , 呢個 cake 阿仔都鐘意食, 佢話呢個好味d ~

岩岩焗起, 中間爆開, 放涼後有d中央會"lub"陷一大片,並產生龜裂,是其特徵。


原先想鋪朱古力淋醬, 我驚太甜同埋失敗, 改用糖霜, 較果滿意 ~

兩個蛋糕合照 ~

老公生日蛋糕part I ~ 綠茶豆腐芝士蛋糕

28/6 是老公同大伯生日正日, 適逢唔知買乜野蛋糕好, 不如自已整啦, 所以就上網揾 Recipe...不如試下呢個"綠茶豆腐芝士蛋糕"
原先個蛋糕面係跟 recipe 果個咁, 但失敗左, 可能D綠茶奶無加魚膠, 所以沉晒....唯有想辦法補救個面....
最後...登登登...買左士多啤利遮住d 窿窿, 仲好靚添 ~ 攪掂 ~
至於味道, 爸爸話佢覺得芝士味太濃, 塊蛋糕底太薄....起初想加曲奇餅底, 佢又話驚太硬唔好味, 不過佢都話算係咁啦...下次唔好加芝士...咁即係變慕絲蛋糕 ??

2008年6月23日星期一

香蕉戚風蛋糕 ~ 附食譜


材料 :

蛋白5個

熟透香蕉 2 條

A 料 : 低粉135g, 泡打粉1/2茶匙, 梳打粉1/8茶匙, 鹽1/4茶匙

砂糖 : 80g

蛋黃4個水或牛奶: 125ml

沙律油 :60ml

可做一個8吋戚風
取自Tina 愛上做麵包 ~ http://www.wretch.cc/blog/starMom/2005892

做法 :

預熱焗爐170度

1. 香蕉用叉先壓成茸。
2. 蛋黃加奶及香蕉茸拌勻再加入沙律油,再將A料籂入拌勻。
3. 蛋白打發至起泡,再分3次加入砂糖,打發到企身。
4. 將1/3的蛋白霜加入(2)裏面,用膠刮拌勻後再將剩下的蛋白加入切底拌勻,入模。

拿起模dun兩下。入爐,焗30-45分鐘(如中圖覺得蛋糕面太焦,可蓋鍚紙)。

出爐後馬上倒扣。
份量比我想像中多, 因為我無8吋大模, 我用左一個5吋及4吋既戚風模同埋三個蛋糕仔模, 仲有一半料剩, 我無晒戚風模,唯有用一個長方形模再加一個6吋模先焗得晒, 所以如果下次再整要減半份量先得 ~味道方面我覺得唔夠蕉味, 可能我隻蕉唔太熟, 糖可以再加d, 口感都好鬆軟但中間都仲有d 濕濕地, 唔知點解, 要上網問下d 高手先得 ~ 今次都有80分啦 ~

2008年6月20日星期五

再戰芝士蛋糕



昨日再試整呢個日式芝士蛋糕 (卡夫芝士), 今次用返個六吋細模同埋原先個份量, 但唔知點解整出黎都係唔足6吋餅, 可能我用d雞蛋比較細隻, 焗完個邊今次無縮到, 高矮都係縮左少少, 但因為太少料, 所以個蛋糕都係好薄......但最滿意係個面, 因為色水岩岩好, 仲有個問題就係點解d芝士都係煮極都係唔溶, 我要用個籂先掂, 所以我估芝士味都係唔夠....因為我帶返工, 所以未試味....
今日下午同事試左 ~ 佢地話好味, 但唔夠芝士味, 入面今日無窿啦, 幾鬆軟, 我個人覺得岩岩好, 我鐘意唔太重芝士味, 所以我鐘意吃呢個餅 ~ 今次算成功啦 ~

2008年6月18日星期三

好奇怪的粒粒芝士餅

上星期日跟左契媽個 recipe 試整日式芝士蛋糕用芝士片做, 因為用左另一隻漢堡包既芝士, 唔溶 !! 所以焗完出黎都仲係一粒粒芝士, 同埋因為我加大個份量, 但又唔記得加多芝士既份量, 所以唔夠芝士味, 不過第一次整算係咁, 個蛋糕都有回扣, 細左好多, 但質感尚算ok, 經我問過契媽檢討時, 我知我有d 地方出左問題, 下次希望會再好d 。

東野圭吾 ~ 惡意

上兩星期去了中央圖書館借閱東野另一部作品 "惡意", 故事講暢銷書作家突然遭人殺害,起初不知道真兇是誰,睇到一半,知道兇手是誰但又不明白殺人動機究竟為何,最後意外之後還有逆轉,全書分別以犯人的自白, 刑警的自白和各證人的供詞作敘述,不看到最後絕對無法一窺全貌的本格推理著作。但我個人覺得最後的鋪排有點兒牽強,因作者將整個先前的假設完全扭轉時,兇手的動機變得沒有說服力,這處有點兒不完美,不過此書也值得一看。

2008年6月2日星期一

我的龜去了彩虹橋

下午收到家人告知, 我養的西部油彩龜已去了彩虹橋....情況太突然...原以為牠在睡覺, 但發現時已經沒有知覺了, 現只剩下東部油彩龜....短時間內都不會再買龜...
最後於 5月22日為牠拍的照片 .. 牠還很健康在晒太陽燈.....