2008年8月30日星期六

日式金文畢芝士蛋糕


我鐘意食日式芝士蛋糕, 因為貪佢唔重芝士味, 有次同事帶左日本手信請我食, 是一舊舊的芝士蛋糕, 同平時伊藤家果d唔同, 好特別的芝士味, 並且好香口, 因為佢用左Camembert cheese, 呢隻芝士唔同一般忌廉芝士, 原是法國出產, 本身口感柔軟順滑,鹹味較重且帶有白黴的香氣,風味十分明顯,一般會用黎點蔬菜同蘋果配搭, 用黎做芝士蛋糕, 口味獨特, 但找不到食譜, 於是想試下自已買舊黎整, 但百佳見到總統牌要成 $98 一舊 ~ 太貴啦, 另一隻牌子細舊好多都要五十幾蚊...於是都無買黎試....有日行過吉之島見到一隻雪印出既 ~ 100g 賣$30 一盒, 呢個價錢好合理,買舊普通既 cream cheese 都要廿八蚊 ~ 而家呢個仲要係日本貨, 於是即刻買, 今日有機會整黎食 ~~ 不過個面有d 黑黑地, 唔夠靚, 於是加左糖霜掩飾一下.............


材料有金文畢芝士 (Camembert cheese), 雞蛋, 糖, 淡忌廉, 麵粉同栗粉
就係呢隻芝士勒 ~ 今晚雪凍個蛋糕, 聽日吃 ~~

2008年8月26日星期二

生八橋和果子 & 抹茶切餡餅

很久前有朋友帶來日本手信生八橋和果子, 吃過之後味道難忘, 個皮QQ的, 同紅豆餡非常夾, 可惜在香港要買黎食, 要去 citysuper 先有得賣, 仲好貴添, 所以都唔捨得買黎食。

八つ橋(八橋餅),是京都和果子的代表,主要材料是米粉,砂糖和玉桂。最初的八橋餅外型像箏琴,而八橋檢校是近代日本箏曲的始祖,為紀念他而得名。現在以三角形狀,內含紅豆餡料的生八橋餅最受歡迎。

在網上找不到 recipe, 適逢見到烹飪班竟然有得學, 於是立即報名 ~

個班連埋我個三個人咋, 可能無乜人知道呢個 “八橋和果子” 是什麼, 連另外兩個同學黎之前都唔知學整乜野, 話是以為係一粒粒透明的….

今堂是 Winnie 姐教的, 好耐之前都有跟佢學過中式甜品, 佢唔係乜野酒店大師傅, 但佢好有心機教人, 同埋佢真係乜都識…今堂又咁岩佢接受 AM730訪問, 整左好多野食, 我又未食飯, 真係有食神 ~ 岩晒 !!! 試左杏仁曲奇餅, 維多利亞蛋糕, 仲有藍莓芝士條 ~~ 好好味呀 ~~ 我唔食芝士蛋糕都覺得正…留意 AM730幾時 post 個 recipe 先…..
http://www.am730.com.hk/am_cooking.asp


2008年8月25日星期一

綠茶紅豆慕絲蛋糕 ~ 附食譜

老爺生日 ~ 當然又要整蛋糕, 諗左好耐都唔知整乜好, 問左家人意見, 話想吃紅豆綠茶味的蛋糕, 所以整左呢個自創的綠茶紅豆慕絲蛋糕 ~

綠茶雪芳蛋糕材料:

材料 :

蛋黃 3個
砂糖80g
菜油 50g
水 60ml
低筋麵粉 80g + 綠茶粉10g
蛋白4個

紅豆慕絲材料 :
淡忌廉 200ml
蜜紅豆150g
糖 20g
魚膠片 6g
水30 ml

首先焗左蛋糕先, 用一個6吋圓形模,

1.) 先將蛋黃, 1/3砂糖, 菜油, 水攪勻
2.) 分數次篩入低筋麵粉同綠茶粉於 (1) 內,
3.) 蛋白加 2/3 砂糖打起
4.) 將 (3) 分3次加入 (1)
5.) 放入預熱 180 度的焗爐焗40 分鐘, 出爐後倒扣待涼.
6.) 將綠茶蛋糕打橫切成兩片, 底面不要, 並切細小小外圍, 放一張牛油紙在底, 將一片蛋糕放在6寸圓形可甩底模或慕絲圈內待用
7.) 將魚膠片用30ml熱水開成魚膠液待用 (魚膠片請先浸凍水)
8.) 將淡忌廉加砂糖打至8成起, 加入蜜紅豆攪勻
9.) 分數次加入魚膠液至 (8)
10.) 倒進模內蓋過第一層蛋糕, 再放另一片蛋糕
11.) 再將剩餘的紅豆慕絲倒進蛋糕模內直至模邊
12.) 放入雪櫃雪 3 ~ 4 小時即成
家人食左話好好味 ~外表就有d平平無奇, 切開都幾靚架 ~ 阿仔平時唔食紅豆話d味怪, 今次佢出奇地話正, 食左1/4 個蛋糕, 都算是成功, 個餅偏甜, 所以我在份量中已減糖 ~ 味道都幾夾 ~ 今次都算是大成功 ~~

2008年8月23日星期六

新玩具 ~ Holga 120CGFN

想買好耐~ 果日去開紅磡, 順便去左宇宙買左部Holga 120CGFN, 見到好多色都唔知點, 但無我想要既桃紅色, 唯有買銀黑色, 因為好似pro D 同埋襟興d, 部機$360, 呢部是用120mm菲林, CGFN是因為這部是玻璃鏡同埋4色閃光燈, 另外買多個 135菲林 轉換器, 咁唔駛成日晒120菲林咁貴 ~不過老闆娘真係好好人, 不厭其煩咁教我點用, 抵佢咁多人幫趁佢 ~~
全部野+一筒120菲林 =$442 ~

時新快餐店 ~~ 終於試到

想試呢間被openrice喻 為最多好評既餐廳, 終於可以試下啦 ~ 我就買左雙層芝士漢堡加雞脾, 試下先....
$11 個飽, 但係真係好juicy , 好多汁, 好有牛肉味, 真係好味過老麥好多 ~ 再試下隻雞脾, 重好味 ~ 佢唔係炸得好勁, 唔乾, 都係好 juicy ~ 可惜位置實在太隔涉, 唔去開紅磡都幾難會經過 ~ 不過真係好好味, 阿仔契媽話d人仲好有禮貌添 ~唔怪之得咁多好評 ~


時新快餐店出面

扒餐Menu

ah cell 個飽 ~

咬左幾啖既雞脾 ~

2008年8月19日星期二

朱古力香蕉豆腐杏仁批



阿仔契媽生日 ~ 無理由要契媽整比自已整蛋糕架, 所以今次由我操刀, 決定整 RTHK-美味 DIY 之 ~ 朱古力香蕉豆腐杏仁批 !!!

見到就想食 ! 因為朱古力同香蕉好夾, 應該好好味 ~但叫我唧 cream 就慘啦, 好唔掂, 於是我彷效 Italian Tomato 果個 Banana Pie 既做法 ~ 唔需要好高既技巧 ~





我另外再加左朱古力裝飾同埋金箔, 去到餐廳切餅時, 個餅有d溶, 影響左個質感...但都好好味, 尤其是個餅底, 好鬆脆同埋好香~ 同場加演一個 Amigo 拿破倫蛋糕, 好好味但好飽呀 ~~~



在這祝阿仔契媽生日快樂, 身體健康 ~

2008年8月12日星期二

雙料朱古力鬆餅+朱古力牛油曲奇 (附食譜)

星期六整左雙料朱古力鬆餅+朱古力牛油曲奇

雙料朱古力鬆餅用左阿貓個食譜
朱咕叻小蛋糕 Chocolate Muffin http://www.leisure-cat.com/frm_1359.htm

材料(7cm Muffin模 5個)
無鹽牛油(室溫下回軟)50 克
砂糖 80 克 (我用左 65g)
蛋 1個
低筋麵粉 85 克
可可粉 15 克
泡打粉 1小匙
鹽 1 撮
牛奶 60毫升
核桃 5 片裝飾用 (我無落, 我加左入爐朱古力粒, 鐘意食就落多d)

製作
1.準備: * 先將所有粉類一起過篩。 *無鹽奶油在室溫下回軟。 *焗爐預熱到 170度。
2.牛油用打蛋器打鬆, 分 2-3次加入砂糖, 每次加入砂糖都要攪拌混合, 繼續打發至變白色。
3.加入蛋 和 鹽, 混合均勻。
4.牛奶和粉類分2次加入 步驟3, 迅速混合拌勻。
5.用湯匙將材料 "不" 入 muffin杯到7分滿, 將核桃放在上面用手輕輕壓。
6.放入170度焗爐, 焗30分鐘即可。


材料:

無鹽牛油(室溫下回軟)100 克
糖霜 75g
蛋25g (半個)
低筋麵粉 150 克
可可粉 10 克
製作
1.準備: *無鹽奶油在室溫下回軟。
2.牛油用打蛋器打鬆,加入糖霜打起成 cream 狀。
3.加入蛋攪勻。
4. 篩入麵粉用手搓勻
5. 將麵團分外兩等份, 另一份篩入可可粉搓勻
6.將兩個麵團搓成圓柱型, 跟往將兩條麵團扭在一起, 再搓成圓柱型。用牛油紙包住放入雪櫃 30 分鐘。
7. 拿出後切片, 1cm 厚左右放入已預熱170度的焗爐焗 15分鐘至金黃色即可 ~

2008年8月11日星期一

《太空奇兵•威E》


昨日一家人入左戲院睇戲, 阿仔就第一次入戲院, 我地就揀左呢套無乜對白既《太空奇兵•威E》, Pixar的出品我套套都有睇, 並且有買 DVD, (除左反斗車王 the cars之外), 呢套 wall-e 個機械人外形都幾吸引, 影評都幾好, 所以想去戲院睇, 雖然小朋友睇果陣唔悶, 但內容都要大人或者大個少少既朋友先睇得明, 戲中寓意已經說明左第時機械人唔會代替人類, 不過人類就退化到行都唔識行既地步...地球如果無晒綠色既東西, 亦都唔住得人...好重環保意識, 同埋由於對白少, 要表達既野就要靠觀眾吸收到幾多, 有d笑位都唔係個個人識笑, 不過絕對值得一睇 ~

轉載 : 編寫 來源:AOL香港
對白少得猶如默劇一樣,卻可能是本年度最浪漫感人的電影。《太空奇兵•威E》是迪士尼與彼思的大師級動畫傑作。以有限的對白,拍出一套觸動人心的動畫,還有誰會說動畫是小孩子的玩意?
故事講述機械人威E獨個在地球生活了七百年,每天都執行著清理垃圾的任務。

一天,一隻太空船的降落,遺留下機械人伊芙。威E被伊芙深深吸引著,但當威E與伊芙關係開始更進一步時,伊芙因為任務而隨太空船離開地球。為了伊芙,威E跟隨著太空船,並展開了一連串的求愛大冒險...

電影開首,看著威E獨個在四處遊走時,甚有《魔間傳奇》中,全城只剩下韋史密夫一個人的那份悲涼孤寂的感覺。七百年來,地球就只有威E和無數的垃圾。直至伊芙的出現,威E開始釋放出一份甜絲絲的感覺,將浪漫的氛圍充斥著整部電影。威E雖然只是一個機械人,卻比起人類更浪漫,更有感情(至少比戲中人類的感情更為豐富)。

在《太空奇兵•威E》中,人類與機械人,是一個非常有趣的對比。戲中的人類,由於太過依賴科技,都變成同一個模樣,而戲中的機械人卻花樣眾多,所流露的情感,都比人類更為生動。在戲中的人類,遠遠不及機械人可愛。

在戲中,威E帶給人類很多遺失了的事情外,亦告訴觀眾要珍惜還未失去的事情。戲中的人類,失去了地球,失去了感情,還失去了許多許多... 縱使這些事情,現實中我們還未失去,卻已經顯得不太重視。威E歷盡千辛萬苦,只希望可以拖著伊芙的手時,我們又有沒有遺忘了那份可以手拖著手的幸福?

雖然《太空奇兵•威E》對白不多,卻是一部非常浪漫動人的電影。極盡人性化的機械人,也可以談一場轟轟烈烈的戀愛。雖然電影沒有星光熠熠的配音陣容,但電影的質素卻不比任何一部迪士尼的經典遜色。不要再以為動畫只是適合小孩子的玩意,如果想在暑期看一部浪漫感人的電影,《太空奇兵•威E》絕對會是一個令人心醉的選擇。

2008年8月9日星期六

八號風球的熱香餅 ~ (附食譜)

打八號波, 無端端放一日假, 又無早餐食, 放是自已整左熱香餅 ~ hotcake ~
材料:
低筋麵粉 200g
泡打粉 2 茶匙
牛奶 200ml
雲呢那香油 少許
鹽 少許
蛋 一隻
糖 40g
溶牛油 40g

做法 :
1.) 先將牛奶加熱至 37度, 牛油煮熔備用
2.) 先將蛋加入糖, 鹽攪勻
3.) 篩入粉類, 加入牛奶於 (2) 攪勻
4.) 加入溶牛油攪勻

將麵糊放於平底鑊煎, 可以用有型狀的煎蛋模煎出你喜愛的模樣 ~ 我就咁煎圓形, 但唔靚....味道就幾好 ~

2008年8月8日星期五

久違了既 Lomo fisheye


早兩年買既 Lomo-fisheye第一代, 影完筒film都仲未晒, 於是決心攞去晒, 因為恐怕筒film走左光, 所以沖左底片先...好在有部份無走到光, 見到阿仔果陣得兩歲...好攪笑 ! 之前去Macau 影果d就得番一張晒到。

部fisheye 已經甩晒皮, 我索性meet左層皮變左架黑色機...不過影菲林成本太高同埋唔係間間相片鋪晒lomo相都靚, 所以都係要諗諗攞唔攞出黎玩...


但反而想買部 Holga 135BC 玩下. 玩120 film 太貴啦...得閒去Hunghom睇下幾多$先....

我個仔有個囝囝


話說我個仔成日話佢有個"新屋企", 我成日會問佢關於新屋企既野, 有時佢會話佢新屋企有好大個 "高達人" (高達機械人, 1:1 果隻), 又話有好多玩具啦...等等, 我問佢新屋企係邊 , 佢都會話在銅鑼灣, 但我叫佢帶我去參觀下既時候佢都會話果度好遠唔帶得我去云云...

由於近排佢成日扮 BB (行為倒退), 佢又話佢新屋企有個囝囝....(佢個小朋友), 我問佢咁你囝囝係邊個生出黎架 ~ 佢話係佢家姐...佢有個家姐係新屋企...但同佢生左個囝囝...我即刻同佢講兄弟姐妹係唔可以結婚同生bb, 佢立即問點解..都不知幾難答...最後都係解釋近親都係唔可以, 繼而佢話佢囝囝有個名...個名佢叫"姓名" ....我聽到後立即大笑 ~~ 實在太爆笑, 個名真係好有型下 ~~~ 笑到我收唔到聲....阿仔覺得好奇怪唔知我笑乜...我話唔好意思...我唔應該咁大反應...但真係好好笑囉 :P

2008年8月3日星期日

Mrs.Ng cookies (朱古力曲奇) & 咖啡戚風




忽然間好想食 mrs. fields 既曲奇...但成$9塊...不如自已整...


同場加演咖啡戚風 ~ 得我自已一個人吃 ~ 因為大強唔鐘意吃 ~






盧廣仲 100種生活


某日Facebook收到我二佬 send 比我既 youtube 片, 說 "好像很久没这种声音出现过...." 是一個叫盧廣仲既台灣歌手, 播稱聽完之後覺得我二佬講得好岩, 真係好耐無聽過呢d歌聲, 聲音好舒服, 音樂亦都好悅耳, 呢類歌永遠在本地的流行曲聽唔到, 雖然個樣好d似"御宅族"但個 look好岩佢, 反而更加襯佢呢個造型 同埋佢既聲音....於是走去 download 試聽 ~ 成隻碟都好正 ~ 於是我都係要買佢 隻碟聽下 ~ 但搵左d大唱片鋪如 HMV, 搖擺廊等都無得賣.....我要去到 188 商場內既CD鋪先搵到, 仲要得一隻......呢隻碟...絕對值得買 ~
轉載***
盧廣仲 首張創作專輯【100種生活】網路討論度最高的人氣學生歌手,與你一起體驗一百種生活一個被公車輾過的音樂鬼才一個用笑容和熱情追逐夢想的短褲少年一張充滿希望和感動的作品想要的生活怎麼有一百種? 一個青年的探索…
2008 新階段台灣新聲音帶來溫暖與感動一場車禍之後 因為大一時一次意外車禍住院使得盧廣仲開始接觸吉他,隔年他一舉奪下淡江大學金韶獎創作歌謠比賽--創作及獨唱冠軍,接著又拿下政大金旋獎創作組冠軍及最佳人氣獎,唱片製作人鍾成虎驚艷於盧廣仲融合音樂直覺與生活的創作,形容他是「被公車輾過的音樂鬼才」,決定與他合作。
陸續為盧廣仲製作了三張單曲,並進行一連串充滿創意與夢想的巡迴演唱,就在愛樂者口耳相傳之下,竟創造了三張單曲突破萬張的驚人成績。來自台南的淡江大學生 盧廣仲從小生長在充滿人文養份的古城台南,媽媽熱愛收藏西洋歌曲以及爵士樂黑膠唱片,耳濡目染下廣仲從小就能憑記憶唱出如惠妮休斯頓、麥可波頓、大人小孩雙拍檔等數十首英文老歌,也練就他自己獨特的"廣"式自由唱腔。就讀淡江大學之後,北上離家住在男生宿舍中,增加了他更多的生活體驗,車禍後接觸吉他更產生了創作的需求,開始創作屬於自己的音樂。同時也開始自己音樂疆界的探索。
在一次live house的演出中盧廣仲甚至突發奇想,演唱俄國知名男高音vitas的作品,讓聽眾驚為天人並在hit fm網站上造就超過二十萬次的點閱數,帶起一陣vitas模仿風潮。這就是盧廣仲沒有界線的自由風格和幽默!!我說廣仲ㄚ… 盧廣仲的音樂有種「動物性」的單純和天真,「他對吉他、音樂的理解,遠超過知識的範圍」,旺福主唱小民說「看到廣仲自彈自唱的那一天,肯定是我人生中的搖滾瞬間,我聽到的是一種新的力量的出現。他的歌聲可以讓你一下心曠神怡 一下蹦蹦跳跳 ,一下又一把鼻涕一把淚的」。
歌手陳綺貞形容「這傢伙真了不起!有些人要愛、要自由、要別人的尊重,他只要他的眼鏡、和一隻吉他,就什麼都有了」。五月天瑪莎,歌手梁靜茹也都對盧廣仲的聲音和創作給予高度的肯定。一步一腳印實現夢想的青年 從2006年底至今,盧廣仲經過一年多的走唱生活,從誠品tour、到舉辦過被警察伯伯開罰單的"搖滾早餐店巡迴"、聲援唱片行不景氣的"我愛唱片行巡迴"、二十多所大學吉他社熱情邀約的"我愛吉他社巡迴演出"、各大live house場場爆滿的盛況,近百場狀況奇趣的live表演,盧廣仲累積他的創作能量,將他的點滴生活紀錄在這張專輯中,用音樂說給你聽。現在 累積了近百場的live演出經驗,三張單曲總計破萬張的銷售量,樂迷熱切詢問的專輯總算漸漸孕育成形!!!!! *****





呢首係大強話最好聽既 ~ 我都覺得好正呀 ~