2009年4月20日星期一

迷你果撻 & 彩虹果凍

呢個係親子班黎既, 因為阿仔鐘意食生果, 所以特別報既 ~ 兩樣都又易整又好味 ~ 呢個蒟蒻粉整既果凍易過借火, 想食乜野水果就切定, 放入蒟蒻粉糊中雪凍就得 ~ 小朋友個個都鐘意食 ~~
另外呢個迷你 fruit tart 都好味喎, 以後唔駛出去買比錢人賺啦 ~~

桂花馬蹄水晶卷 & 山楂鴛鴦卷

近排好多烹飪課, 因為是季初時報定的, 今次學整既係桂花馬蹄卷 & 山楂鴛鴦糕, 其實仲有樣山楂千層糕, 不過無特別影相, 因為是就咁睇只是一舊普通既山楂糕, 睇唔出有乜特別 ~呢條就係桂花馬蹄水晶卷 ~ 不過我唔鐘意食馬蹄 ~ 下次整我唔就唔落, 就咁桂花糕都好清好好味 ~~
呢個就係山楂鴛鴦卷, 就好似 酒樓食果d 芝麻卷咁, 下次可以試下自已整芝麻卷喎 ~

2009年4月16日星期四

近排聽乜 ~ 日語編

期待已久既 ap bank fes'08 終於都到手啦, 今次d artist 都是超正既 , 有柚子 (ゆず), Aska, Salyu, 鬼束ちひろ, 中村中, KAN, 大塚愛, 広瀬香美, 小田和正, RIP SLYME, GLAY, 絢香× コブクロ , 布袋寅泰等粒粒巨星, 當然唔少得 Bank Band 同 Mr. Children ~

玩足3日既 ap bank fes 見到d歌迷睇 live 就真係超開心, 亦有小朋友棒場, 令人驚喜既有Aska 唱經典名曲 "yah-yah-yah" 時黎個側手翻彈落台, 真係寶刀未老, 好野 !! 仲有呢首Mirror feat. Salyu / WISE, Salyu 把聲超海豚音, 個咀呈 "O" 型, 又唱得幾好聽!! 中村中既 "友達の詩" 好好聽, 點睇都唔似男人...仲有其他歌都好正, 覺得比 07 果個好睇, 呢套 DVD 都幾值得買既...

詳細曲目可參考呢個網 http://www.apbank-ecoreso.jp/08/dvd/index.html

呢期大 hit 既青山テルマ 出左張[LOVE! ~THELMA LOVESONG COLLECTION] 精選碟, 呢隻集合左佢最好聽既歌...佢把聲又真係幾好聽, 我最鐘意都係 "何度も”唔知點解我覺得好聽過  Dairy 果隻碟 ~


aiko 最新 single "Milk / 嘆きのキス"有初出度時既 aiko 感覺, 唔經唔覺 aiko 已經出道左 10 年啦 ~ 我反而鐘意第二首"嘆きのキス" 同第三首 "なんて一日"




最後呢隻我未買既, 但將會買, 就是桑田佳祐既「昭和八十三年度! ひとり紅白歌合戦」, 見到 星威閣有blu-ray 賣, 但要五百幾, 真係唔係咁捨得...其實這是桑田首次推出 AAA live 既 DVD ! 今次唱既係歷年經典紅白歌合戰既金曲, 有成 61 首歌, music station 介紹左佢唱歐陽菲菲首 "love is over" 仲著埋果件高過條柱既衫, 張開對翼, 好攪笑呀 ~ 不過我還是等緊佢出台版....





2009年4月14日星期二

朱凌凌 Juicy Ning 優噏演唱會

星期日晚同 Ms Yellow, 標先生同埋沙小姐去左睇朱凌凌 Juicy Ning 優噏演唱會, 之前一個月透過 facebook 既群組知道佢地攪演唱會, 即刻問有無人想睇, 估唔到咁多人想睇喎 ~ 正 ! 呢隊野是唯一 我鐘意既 local band, 因為佢地唔高深, 又攪笑, d 歌又幾好聽, 入場費 vip $160 包2盒野飲, 有得坐咁啦 ~ 今次既主題係 優up, 優 down ~ and moving all around ~
朱凌凌有五位成員 ~ 左起白只, 朱康, 朱謙, Chris , 佢地穿上好似茶餐廳既制服 ~

仲有阿卵 ~ 我最鐘意佢 ~ 超攪笑 ~

阿 chris 扮古巨基同陳德璋激似 !!

白只呢一刻扮邊個 ? Eason !! 佢仲有扮路芙, 笑爆咀 ~
個 show 由20:00 開始但 20:30 佢地先出黎, 因為佢地話咁先夠 rock !! Blue Jeans 都係咁...
不過個 show 唱到 00:00 , 非常抵 ! 因為佢地前後出左兩隻碟, 第一隻碟 Stage dive 同埋 don't touch my woman (single), 但 Stage dive 只唱了李白同李英愛, 其他都是新歌, 最新 EP "goodbye badbye" 都是得五首歌, live 入面有好多歌都是沒有收錄既, 仲有佢地好多攪笑既對話, 簡直是演唱會 + 畫劇共冶一爐 ~ 正 !!!
另外我最鐘意阿大佬教唱歌果首 "對她說", 歌詞十分正 ! 應晒 ! 另外朱康玩 beatbox , 白只同阿卵鬥 rap果首 "do you wanna give up" 都好正 ! 希望佢地可以越黎越掂, 下次我都會再捧埸既 !

2009年4月13日星期一

中山、番禺兩天遊 Day2 -Part II

重點黎啦 ~ 就係百萬葵園啦 ! 好在天公造美 ~ 個天有太陽 ~ 你睇 ~ 呢個就係櫻花樹啦 ~ 比想像 ok 啦 ~ 不過就細棵左d ....似桃花既 size ~
百萬葵園最多就係向日葵 ~ 好靚呀 ~~ 不過都唔係向晒同一個方向既....
仲有荷花池...不過也是得幾朵 ~
呢枝係咪梅花 ??
好多花粉既向日葵...

呢張好d啦 ~ 有向同一個方向 ~
園內仲有玫瑰園, 但薰衣草就無啦, 油菜花亦唔見有.... 園內有d 小豬仔, 都幾 cute 個喎 ~





就係呢個天后像 ~

有棵許願樹....

跟住我地就去最後一度地方, 就係南沙天后宮, 不過呢度無乜野睇, 得個天后像, 不過媽咪叫我地唔好上廟果度, 因為又是係咁叫人捐錢的...由於時間唔多, 我地都係留半個鐘左右就返上車, 跟住就去深圳, 完成今次既旅程 ~

中山、番禺兩天遊 Day2 -Part I

一早 07:30 morning call ~ 無鬧鐘都起到身, 因為好靜, 又幾好訓 ~~ 早餐係酒店自助早餐, 你睇下 ~ 張 tissue 係 tempo....杯coffe 係三合一果d , 不過d 味好怪, 都係飲茶好d...

早餐都幾多野食, 有炒麵, 炒米, 粥, 饅頭, 腸仔, 煎蛋, 三文治, 蕃薯仔....etc , 甜品有煎堆仔同南瓜煎軟餅, 食既野都ok唔錯喎 ~

食完早餐第一站又係 sell 你買野啦 ~ 就係蜜蜂博物館
原未呢d就係舊色蜂巢 ~ 好似係邊度見過....

其實主要都係 sell 蜜糖, 蜂皇漿, 花粉....我地都係乜野都無買但就食左過花粉燉蛋 ~ 都幾滑幾好味 ~

Cont'd .....

中山、番禺兩天遊 Day1 -Part III

是晚我地入住中山陽光半島酒店別墅, 但呢度附近是乜都無既, 因為d 設施好多都未整好, 環境唔錯, 每幢 house 設計都唔同, 睇下你好唔好彩, 我地果幢都幾靚, 亦都安排左我地6個人一間屋, 唔駛同其他團友 share ~ 有3間房, 不過得一個是套房, 其他兩個房就要共用一個 toilet, 同之前講既有d 出入, 好在我地都無乜所謂...個熱水爐就怪怪地, 要好有技巧先會有熱水.....

我地玩左成日都好眼訓, 同導遊講我地要食燒雞, 於是我地6 個人叫左三隻雞 ~~ 22:30 準時送到


哇 ~ 隻雞好 juicy ~~ 正 ~ 盛惠80 人仔一隻 。

Cont'd....

中山、番禺兩天遊 Day1 -Part II

跟住我地去左蘆薈園, 也是 sell 我地買野, 我地最後都係乜都無買, 只係吃左一碗糖水 ~

就係呢碗雪耳川貝燉蘆薈, 都幾好味 ~ 跟住我地去左雲錦布衣睇布雲南布衣族人既屋, 其實呢個都係都係其次, 主要 sell 我地買茶葉, 我同媽咪都有買...終於都洗左錢...
呢度就係個部落大廳 ~ 入到大廳, d 族人就沖茶比我地飲 ~
最好味就係d 花茶, 有淡淡既荔枝味 ~ 幾好飲 ~

d 札染布好靚呀 ~ 不過好貴 ~~
呢包係小佗茶, 係普洱既一樣 ~ 個袋好精美 ~

仲有甘桔食, 又幾好味喎 ~
由於帶領我地果個部族阿頭好攪笑, 亦都好直接咁 sell 我地d 買茶葉, 所以我地都買左 ~ 呢度係我地放底最多銀兩既地方 ~ 其他人唔多飲茶, 所以無買到 ~~
去完雲錦布衣, 又帶左我地去濠江鉅記買手信, 我地吃左一碗龜靈膏 RMB20 ~ 都幾抵, 買左少少食既野就走...然後地去左中山雅居樂果頭食晚飯 ~ 呢間野都幾好味喎 ~ 個秘製菠蘿飽幾正 ~~ 我地買左兩個菠蘿仔, 今晚宵夜 ~ 食飽飯就無活動啦, 因為我地住既酒店附近無野玩, 所以淨係叫左宵夜...

Cont'd......

中山、番禺兩天遊 Day1 -Part I

Easter hoilday 同我阿媽去左中山番禺兩天遊, 同行仲有 Sharie 同 William, Willam 家姐同埋佢個 friend ~

我地一早就要出發啦 ~ 係06:00 集合 ~ 超早, 不過可能車程要好耐, 所以早都要 ~

第一站係去寶樹堂, 同原定既行程有異, 兩日既行程對調左, 都未行就要去浸腳....

呢度就係寶樹堂, 出名燙火膏, 不過仲 sell 我地買藥油, 藥膏布, 面膜?? 仲有白首烏, 樣樣都幾百蚊, 真係超貴....無理由第一站就買晒d錢... 所以我地乜野都無買.... 但 William 都買左枝藥油 ~

佢有免費浸腳同按摩服務, 我同阿媽就唔按啦, 因為我地唔好, 亦費事比佢sell野既機會...浸完我地就走啦...不過涼涼地又幾舒服....

去完寶樹堂都已經係食 lunch 既時間, 我地去左一間食日韓自助餐既餐廳, d食物都算 ok 同埋種類都算多 ~
食完飯我地去摘飯後果, 就係士多啤梨啦, 不過呢個時候已經是尾聲啦, 所以士多啤梨唔多, 雖然任摘任食, 都唔摘得幾多, 但比我想像甜喎 ~

就係摘左呢幾粒者, 同係香港摘果d 差好遠....
Cont'd.....