我已經連續番朝九晚九幾日啦, 今晚仲要放23:00, 都完全未做過今日既野, 你地話點萛好? 仲要有人比說話你聽, 真係想死, 講老實話, 野就一定要做, 但仲要比人話, 個心真係好唔順, 究竟之前既決定係咪錯左??
新人應該都唔會做得長, 皆因大家都話佢怪, 但珍妮叫我決定, 我都唔知應該叫佢地請過個定係睇定D先, 我又唔知佢點諗, 不過睇個勢, 新同事都應該唔係咁enjoy 呢個job, 因為真係好厭惡下, 同埋2個人都係做唔晒D野, 我又好相快d甩身, 如果要等佢再請個人番黎, 又好難擔保一定好.
如果明天再比人話, 我就會慢慢dump, 橫豎都係, 做又話, 唔做又話... 唉, 受多人幾分錢財, 好似你命咁....
舒發完畢.
契仔媽, 我都同你講o左好多次唔好做到咁夜, 要比佢地知道workload係好大唔夠人用先得嗎! 你睇o下而家晚晚OT一日比一日夜工作一樣做唔晒又要比人話..你話何苦呢!! 工作好多時都唔係可以即日完成啦...自己係工作時間係認真工作冇偷懶咪已經完成你個任務, OT好多人都會開但唔可以好似而家咁樣,D人比說話你聽你咪叫佢落場試下做兩日lor, 話知佢死啦!公司又做, 返到屋企又有家務做, 又要睇下個仔...你邊有咁多時間, 你要顧下身體好wor, 日日咁夜走(豬囉)會好掛住你o架(媽咪)
回覆刪除我而家嚴重警告你唔好再做到咁夜, 你要搵晚出o黎同我食飯, 7點就要見到你..大家傾下計舒緩下啦...契媽請你又點話呀!!! 你好快快Call 我
既然覺得條友唔掂,你又覺得佢唔太enjoy呢份工,咁不如out左佢啦...無謂o徙大家時間,又幫唔到手反而要做到咁夜..!!媽媽,唔需要咁搏架,要比佢地知根本唔夠人用先得架嘛,佢地嘈嘈嘈,叫佢地接觸下d麻煩友再講野啦..!你自己都要休息下架,唔好成日OT咁夜...要陪豬囉...要陪我地架嘛...媽媽, SMILE!!
回覆刪除炒佢啦！同埋一齊做野唔夾好辛苦
回覆刪除嘩﹗我都feel到你唔多妥架喇﹗我好明白你嘅感受，我都認為唔好等，個人唔掂就丁﹗但如果你都係想try一try嘅，你試吓係咁俾嘢佢做先喇，再唔係就叫佢聽call，你唔聽﹗等佢辛苦幾日，反正你係咪都要跟佢手尾架喇﹗你可以揾我喎，只要你時間啱﹗家吓近吖﹗唔好迫得自己咁緊喇﹗d人好賤架，見你一向有責任感就會係咁當應份嘅，求其過得自己，咪鬼理d傻人講嘅嘢，就當佢無知﹗ot一個鐘經己好過份，仲要日日咁，叫佢食自己喇﹗我話嘅﹗
回覆刪除