阿皮日誌: 2007

2007年10月24日星期三

2007年10月23日星期二

繁忙依然

已經踏入10月尾, 繁忙依然, 究竟幾時可以解脫, 真係好想唔做呢份工, 就比自已一個期限, 如果年尾都係咁, 我想都要再遞信先得, 因為真係好惡頂, 連我個拍擋都話年尾會走, 所以似乎年尾前都唔會有乜改變, 你地覺得點呢 ~~

2007年10月7日星期日

去我大佬屋企食飯

禽日阿媽打黎,叫我地一家去大佬屋企食飯,阿豬囉同表妹一齊合照

阿媽煮既菜 ~

油泡蝦

蒸魚

豉油雞

毛豆肉絲筍乾

蠔油雜菇

2007年9月7日星期五

我已經連續番朝九晚九幾日啦, 今晚仲要放23:00, 都完全未做過今日既野, 你地話點萛好? 仲要有人比說話你聽, 真係想死, 講老實話, 野就一定要做, 但仲要比人話, 個心真係好唔順, 究竟之前既決定係咪錯左??
新人應該都唔會做得長, 皆因大家都話佢怪, 但珍妮叫我決定, 我都唔知應該叫佢地請過個定係睇定D先, 我又唔知佢點諗, 不過睇個勢, 新同事都應該唔係咁enjoy 呢個job, 因為真係好厭惡下, 同埋2個人都係做唔晒D野, 我又好相快d甩身, 如果要等佢再請個人番黎, 又好難擔保一定好.

如果明天再比人話, 我就會慢慢dump, 橫豎都係, 做又話, 唔做又話... 唉, 受多人幾分錢財, 好似你命咁....
舒發完畢.

2007年9月2日星期日

新同事終於番工

上個week新同事終於番工，我無變得空閒，反而日日朝九晚九，做極都唔完，好鬼辛苦!!!!

但係個新同事可能做得太耐老電，已經係一名"油條"，並不"Smart"，我諗可塑性唔高，中途斷纜的機會好高。

珍妮已經比說話我聽話如果我覺得佢唔掂就唔好留佢，因為盞搞。我覺得一個week 未係好睇到實況同埋辦事能力，可能仲未同我地熟，佢都唔係好出聲。

我已經好辛苦，如果叫佢走，又要再等另一個，我都唔知點決定好，你地話呢 ?

亞細契，你人面咁廣，你可能識佢播，因為佢係IOS果陣是LHK的。

2007年8月28日星期二

Rock友

你睇下豬囉幾rock!:-o

2007年8月26日星期日

Dog cafe

星期六同 Jenny , Sharon 去左銅鑼灣間"Dogside Cafe" , 環境舒適，無狗味 (其實呢樣野好緊要)。原來都有好多人唔帶狗去 dog cafe 玩人地D狗, 呢隻就係註場的 "蕃茄"

呢隻係 Jenny 網友隻狗"吉吉"，佢好識望鏡頭架 ~

呢隻係"樂樂"，Jenny個仔，係咪好Rock呢 ~~

食日式Buffet ~

星期五去左銅鑼灣"一生"食日式buffet, Sharie 約左 Mimi, Anne, ah Lee, Joyce, CY 同埋Edmond, 都係我地以前一齊工作的同事，果度d野幾好食，又幾精緻，任食$198 + 10%, 最好係無限時，除非佢繁忙，如果唔係都唔會趕你走，感覺好味過上次去過間"大吉"，佢地話要一個星期前訂位，因為好多人去食架，下次有機會可去試下 ~~~

因為太耐無見，不停講野，都唔係食左好多野，由唔得閒影相~ 但我覺得d Sashimi 最好食。

話你知，我公司新黎個同事係叫 Angela Chow, 老電朋友們，你地有無人識佢呀 ~~~~~

有人請唱k

多謝阿偉!!! 真係高興，可惜個鼻唔生性，唱唔到歌乜濟 .... 呢張係失敗左果張自拍。

不過好多歌都唔識唱，但"姐卵"d歌又唔夠新，唱黎唱去都係果其幾首, 都唔知幾時先有多d 佢既歌。

呢張就ok啦，但有D紅眼 ~~

2007年8月21日星期二

Michael Jackson ~ Number one

昨日行過唱片鋪, 見到有DVD9既 Michael Jackson ~ Number one MV collection, 就買左黎睇, 由岩岩紅到近年, 佢真係完全變左另一個人, 我諗佢除左整容外, 個身體都應該係有事, 其實佢以前好地地, 又唔知造乜走去整容, 但其實我覺得佢個 body D 線條最怪, 好少跳舞既人無肌肉, 定還是佢真係太瘦, 好似有病咁 ???

不過我睇番佢以前d MV, 好似 Billy Jean, Beat it, Thriller 都好鬼經典, 如果比豬囉睇 Thriller, 我諗佢會訓唔到覺 !!!!