Ball & Wing's 生日飯@ 龍門夜宴 【黑森林蛋糕】+【紅莓乳酪戚風蛋糕】

因為呢個月好多朋友生日, 適逢灣仔龍門大酒樓光榮結業, 就阿 ball & ah wing 生日, 我地就黎龍門吃龍門夜宴 ~ 因為當晚無餐牌, 只有叫套餐, 我地就叫左個套餐再加菜~

燒味併盤

八寶鴨

霸王雞

茄汁蝦

冬瓜茸羹

西蘭花帶子花姿片

大斑兩味

其實都唔平, 可能是因為就黎結業的原故, 不過我都拿走左訂位個牌要黎做紀念 ~ 跟住我地去左 Trafalgar 飲野, 我地去果度先切蛋糕 ~

ah wing 既紅莓乳酪戚風蛋糕

ah ball 既黑森林戚風蛋糕

壽星合照今次呢個蛋糕我我係首次徒手甩模, 好神奇之餘又幾好玩喎 ~

立體壽桃蛋糕

係呢個繁忙既11月, 好在阿仔功課都唔太忙, 都仲可以整到蛋糕, 今次呢個慶祝我公司阿姐大壽整既【立體壽桃蛋糕】, 又好彩比我買到芒果, 都算甜喎, 又唔貴喎 ~

呢個就係個壽桃既正面啦, 我都是第一次鋪杏仁膏, 叫做過得去啦....不過下次可以再好d ....
切開係咁既, 不過應該多返d 芒果, 但我又怕個蛋糕太高...anyway , 送阿姐生日快樂, 日日都咁開心同埋身體健康 !

香蕉Oreo軟芝士蛋糕

同一個birthday gathering, 我又整左另一個餅慶祝Ms yellow 既生日, 當然佢也是要吃佢最 like 既香蕉 ~~ 佢話想試 香蕉Oreo軟芝士蛋糕 , 於是我就整左 ~

不過可能唔夠實, 所以個蛋糕比較黏口 ~
雖然我自已麻麻地鐘意 cheese cake, 不過希望你鐘意啦 ! 另外果日真係辛苦晒啦 !!

香蕉榛子蛋糕

花花生日, 今次因應佢既要求, 整左個香蕉榛子蛋糕, 食譜參照 Vanlily 既 recipe

因為不是做圓型，所以朱古力淋面只做了表面, 則面我用香蕉砌了個圍邊。

但因為時間唔夠, 個淋面其實未 set 晒 , 所以有d 漏邊 ~
砌開個樣 ~ butter cream 比例多左d , 下次要預返岩, 不過好在太家都話好味 ~ 花花, 希望你鐘意啦 ~
Banana mousses 有剩, 整左個迷你版 ~ 請 Heaton 食, 佢話好好味呀 ~

七天 ~ 盧廣仲

繁忙的十月過去, 餅仍然是無時間整, 買了新的小說無心機睇, 唯一期待的就是呢張 CD ! 廣仲的第二張大碟 ~ 七天, 當中已經聽過迷你播放器中的內容, 主打歌 Oh yeah ! 節湊爽快, 帶點 rock & roll, 好鐘意!! 聽聽下覺得同另一首歌d feel 好似, 就是Sambomaster 的 "世界はそれを愛と呼ぶんだぜ " , 不過 melody 當然完全唔同。大碟內其他歌曲如七天, Ino, 吉米寶貝..等, 廣仲都曾在演唱會唱過, 所以一點都不陌生, I no 同吉米寶貝是大岩壁同淵明EP 中未有歌詞的曲目。另外風雨同再見勾勾我都好鐘意 ~

大家記得買佢隻 CD , 唔好只聽 mp3, 因為我發覺質數真是差得遠.....



第一主打歌 ~ Oh Yeah ! 後面場景同 "100種生活" 一樣, 大家可以留意下, 我覺得拍得好好 !



第二主打歌 - "I no" 廣仲第一次穿長褲拍 MV, 請留意啊 ~



呢首就係我話似Oh yeah 個 feel 果首, 其實是日劇"電車男" 的 ending song.