阿皮日誌

2009年9月25日星期五

家有過動兒

呢排都好唔得閒, 因為 Heaton 小一開學後, 功課都好多, 連我平時最鐘意整餅都暫時閣置。
我其實一直都覺得由細到大, Heaton 都是坐唔定, 不太聽指示, 某程度可能家人過份溺愛, 無乜宗指, 導致佢比一般細路難攪, 所有人包括老師, 朋友都覺得佢活潑好動, 其實是百厭坐唔定, 學習上無乜大問題, 基於幼稚園時我地都唔太緊張佢的功課。不過K3 時老師都有建議我地去做一做評估, 因為覺得佢好衝動, 亦刻意安排比較乖的小朋友坐在其側邊.....我地都不以為意, 因為好多朋友都安慰我說, 男仔係咁架啦, 慢慢教啦咁, 未必係d 乜野事。

不過直至上左到小一, 我地就發現要正視呢個問題..因為返左幾日學老師就打比我, 話佢上堂好唔專心, 好衝動, 無法聽指示...等, 亦同K3 老師一樣, 建議我地帶佢去做評估, 因為咁樣話唔聽, 都非常影響佢既學習, 此時, 我感到好大既壓力, 因為Heaton 無論在家在校都是不太聽指示, 亦都是坐唔定, 其實都有需要正視呢個問題, 另一方面佢讀既係傳統的小學, 對學生的紀律要求亦好嚴格, 所以同爸爸商量後, 決定快快去做評估。
以下好多謝花花, Stella, Jenny, ivybibi, Nessa 比左好多有用既資料我, 令我可以咁快處理呢件事。

做完評估, 醫生都豪不猶疑咁話我知Heaton 是 ADHD 【專注力不足/過度活躍症】

《專注力不足/過度活躍症》的成因
《專注力不足/過度活躍症》是一種神經生理性的異常情況，醫學界至今還未找出其成因，但相信跟腦部疾病、腦部化學傳遞或物質失去平衡，以及家族遺傳等因素有關。
怎樣可以知道孩子是否患有《專注力不足/過度活躍症》？《專注力不足/過度活躍症》主要有三大徵狀：
專注力失調：
與同齡兒童相比，AD/HD兒童經常無法注意細節、容易因粗心大意而犯錯、在做功課或進行遊戲時難於維持專注力、無法留心聆聽別人與他說話、做事缺乏條理、不能完成指定工作，又或容易受外界干擾而使注意力分散等。例如某些AD/HD兒童在測驗時，做一、兩條題目後已不能集中精神，或會在玩筆、或常大意出錯(不應錯的都可能會出錯！)。而某些AD/HD兒童在做功課時，完成速度會比較慢，例如正常兒童用1 個多小時已可完成所有功課，但AD/HD兒童可能需要4-5小時才能完成! 所以AD/HD兒童會因未能完成而經常欠交功課，就算能完成，他們或會因忘記帶功課而不能遞交，甚至帶了功課回校也忘記交給老師。所以他們的成績會比較差。
活動量過高：
孩子在幼兒期已經比同齡兒童活動量高，AD/HD兒童一般都無法安靜下來，不少家長以為這些乃屬正常，所以一般都不會特別處理；當孩子入讀小學後，校規及其他環境限制會相對較嚴謹，兒童的ADHD徵狀便較容易被察覺，例如兒童會經常不停扭動身體、亂跑亂爬、無法安靜地參與活動，以及經常表現出精力旺盛等問題。
自制能力弱：
ADHD兒童會經常騷擾別人，他們的自制能力明顯低於同齡兒童，例如在答問題時，兒童會經常搶著說出答案、打斷別人談話，或於排隊時經常插隊或在輪候時騷擾他人。

以上既野, Heaton 其實都中左9成, 做評估時, Heaton 亦表現得非常無耐性, 甚至亂做....

醫生建議我地都要藥物+ 行為治療, 呢個亦都是最有效的方法, 雖然無得根治, 但有得控制總好過無得控制, 慶幸既係佢無其他經常陪伴 ADHD 一齊出現的障礙, 醫生仲話佢好醒添, 黎緊將會是長期的抗戰。

2009年9月1日星期二

小富豪點心班 ~ 蓮蓉曲奇 ~~

Heaton 參加左 Regal Hotel 的小富豪會, join埋呢個點心製作班, 今日做既係蓮蓉曲奇 ~~ 係咪覺得好奇怪 ? 因為師傅係米豬蓮中廚, 所以整曲奇都帶點中國色彩, 加蓮蓉做餡 ~~

師傅每人派左一d 已經搓好的曲奇同埋蓮蓉餡, 比大家任意發揮 ~~ 你睇 Heaton 幾專心 ~~

我都有幫手整架 ~ 我整左右上面果隻豬同下面隻貓, Heaton 都整左一隻豬同烏龜, 但唔知點解烏龜d手腳唔齊....

出爐啦 ~~ 都係豬仔最得意 ~

是日製成品 ~ 想睇多d 相請去 Facebook ~

2009年8月31日星期一

方大同 ~ Timeless Live 2009

好期待的方大同演唱會終於有機會睇到啦, 之前都錯過左佢既演唱會, 其實因為太多歌我其實唔太熟, 今次就唔同啦, 因為有橙月同埋 Timeless 呢兩隻碟, 應該能投入更多 ~
一出場就全埸企起身 ~

感覺 Khalil 好忙下 ~~ 又彈結他, 又電子琴, 又鋼琴 ~

由放是坐山頂位, 所以基本上無人阻住, 不過就要睇大電視啦 !! 最可惜是無唱"小小蟲"同"黑洞裡"...中間由Georgia On My Mind 開始比較悶..因為連住三首都是 timeless 的慢歌 ~ 最驚喜反而是唱 Stevie Wonder 果幾首歌 ~ 感覺好好 ~

Rundown on 28/8

(電吉) Bad
(木吉) 1234567
(電子琴) 如果愛
Kuang Chao
Nothing's Gonna Change my love for you(不插電)
春風吹

Billie Jean

Who is it
歌手與模特兒(木吉)
每個人都會(扮stevie wonder)
Superstition
Sir Duke(鋼琴)
南音
Love Song
Red Bean(吉他)
Georgia On My Mind(木吉)
Moon River
Wonderful Tonight
三人遊

愛我吧

黑白(跳舞)

Let's Stay Together (Al green)

公園

簡單最浪漫

拖男帶女(鳴謝)

未來

安哥(打鼓)

La bamba(電子琴+變聲器)

You are the sunshine of my life (落台握手)

Singalongsong

愛愛愛

鬆化榛子曲奇

今次整左d 榛子曲奇比朋友做伴手禮, 跟左Vanlily 的食譜, 因為之前阿仔契媽話雪唔實, 所以我就試下整啦 ~~

焗起左啦, 我今次用左 Gold Metal 的 bread flour 做既, 因為我唔見左包高筋粉..... 呢個食譜可以雪實, 不過實地比較鬆散, 要小心處理 ~

整好啦, 呢3 包是比旺旺, 花花同埋 ah cell

我覺得個袋好靚 ~

呢包係阿C既 ~~ 特别用個Clover 袋袋住 ~~

2009年8月19日星期三

死唔憤氣之【New York Cheese Cake】

繼柯打欠敗之後, 非常之唔憤氣, 決定換個食譜整多個黎試下 !!!!

今次跟左美味 DIY個食譜, 不過整4吋半 size, 費事整肥自已 ! 翌日帶返公司吃, 好在同事清晒兼話好味 !!! 好在 !!

2009年8月18日星期二

柯打 ~ 紐約芝士餅【New York Cheese Cake】 ~ 附食谱

又有柯打 ~ 今次想試下整文華 feel 既 New York Cheese Cake , 因這個朋友愛吃 cheese cake ~

個 sour cream 面鋪得唔靚, 但好在有個朱古力牌遮住 ~ 最後友人話我知朋友們對呢個 cake 既 comment, 就是太酸了, 應該是落過量的檸檬汁了... 知道你既朋友們都好期待, 不過真係唔好意思, 我會再試 !!!

食譜 :

材料：(份量 : 6吋蛋糕一個)
餅底 :
餅碎70克
牛油 35克

芝士餡
白朱古力20克
甜忌廉40克
忌廉芝士375克
砂糖60克
檸檬汁1/2個 (請改為1 茶匙)
蛋黃2只
檸檬青1/2個

忌廉檯面
酸忌廉57克
甜忌廉30克

制法：
餅底
◆ 蛋糕模底先掃油及少許麵粉
◆ 將餅碎和牛油熔液混合，倒入蛋糕模，用匙羹壓實
◆ 雪凍備用

芝士餡
◆ 白朱古力於熱水中座溶 (不可沾到水份)，備用
◆ 芝士用中速攪拌至軟，加入砂糖攪至滑面
◆ 加入檸檬汁，再逐一加入雞旦，拌云
◆ 甜忌廉打起；加入白朱古力溶液中一起打起，再拌入芝士糊中，攪勻 (可以用淡忌廉去代替甜忌廉, 將 d 淡忌廉打到 5 成時 , 加入適量個人口味的糖和少許 rum 酒 , 然後打到 7 成就得)

◆ 加入檸檬青，攪勻
◆ 放入模內（模內先掃油），然後入爐，爐火160℃，座於水中焗60分鐘

忌廉檯面
◆ 蛋糕出爐凍透後，餅面加上忌廉檯面；再放入焗爐 ◆ 爐火210℃，烤焗約4分鐘 (不用座水焗)

大契生日飯 with【Le Pomme】~ 蘋果 ~

大契生日當然要整個最靚既cake 比佢啦 ~ 仲要唔可以咁簡單 !

今次根據【幸福甜蜜の蛋糕點心DIY】裡面一個好靚既蛋糕, 見到就想整啦 ~ 事先在網上睇下有無 blog 友整過, 比我找到有 blog 友真的整過, 仲話個蛋糕甜得好緊要, 可能個食譜弄錯, 於是我在蛋糕份量的糖減了一半, 不過我仍是覺得甜...同埋好難切得靚, 因為都是笠痴痴的 ~