昨日再試整呢個日式芝士蛋糕 (卡夫芝士), 今次用返個六吋細模同埋原先個份量, 但唔知點解整出黎都係唔足6吋餅, 可能我用d雞蛋比較細隻, 焗完個邊今次無縮到, 高矮都係縮左少少, 但因為太少料, 所以個蛋糕都係好薄......但最滿意係個面, 因為色水岩岩好, 仲有個問題就係點解d芝士都係煮極都係唔溶, 我要用個籂先掂, 所以我估芝士味都係唔夠....因為我帶返工, 所以未試味....
今日下午同事試左 ~ 佢地話好味, 但唔夠芝士味, 入面今日無窿啦, 幾鬆軟, 我個人覺得岩岩好, 我鐘意唔太重芝士味, 所以我鐘意吃呢個餅 ~ 今次算成功啦 ~
媽媽....好o力呀!! 今次好成功啦, 我同你一樣都覺得芝士味夠喇, 我知你會再o黎焗蛋糕, 預祝你成功先!!
回覆刪除雖然唔知味道, 但睇落真係好靚喎, 預祝繼續成功 =)
回覆刪除