2009年1月29日星期四

新年晚飯

舊年新年就唔岩時間無去阿媽度拜年, 非常掛住阿媽整既野食, 今年一於要去 !!

大蝦沙律頭盤 ~ 正 !! 好味過酒店果d ~~~
五柳煎"魚倉"魚 ~~
上海人過年實要吃既 " 烤夫"
雲吞雞 ~ 好耐無飲過咁好味既雞湯啦 ~~
"發財好市" ~~ d 蠔鼓好似美國生蠔咁大隻 ~~ 好好味 ~~

仲有3樣野唔記得影相, 就係 " 東坡肉", "齋" 同埋"臘味糯米飯" ~ 東坡肉是賣飛佛, 出面吃一舊又貴又唔好食, 阿媽整果d又真係無得彈, 其實有個"送" 我好掛住, 就係"鼓油汁豬扒", 呢隻野超好味, 送飯一流, 但無理由過年叫阿媽整....都係搵日叫佢整比我吃 ~

其實我越大越覺得我阿媽好叻, 因為佢一個人可以整8 個菜, 雖然一早整定, 翻熱再食, 你叫我整就唔知幾時有得食仲要對住張食譜... 所以有時我覺得自已都幾有口福架...成日都有好野食 :P

3 則留言:

  1. 見到auntie整d(食送)真係嚇左一驚, 不過由我識你開始我都知佢係一個勁人o黎, 三兩下手勢話咁快就整好d野食, 從你口中聽過佢唔少"正"菜la, 請問沙律係咪自製旦黃醬呀! 好在我都有幸試過佢既手勢je...hehe, 還有好懷念上海阿姨&阿叔(道名寺)手勢ar...

    回覆刪除
  2. 23珠真係勁勁勁呀~~我都好想有咁o既機會試佢o既手勢呀,媽媽,你都學返幾招啦,又或者爸爸都可以喎,佢煮嘢食都幾有慧根, 好!!一於等你地兩公婆煮比我食啦, keke...

    回覆刪除
  3. >> 大契,

    23珠真係好勁, 可惜一d 都學唔到...
    沙律醬佢話係卡夫白汁 + "念奶", 味道出奇好味, 又唔酸, 豬囉食左一大碗 !!! 我阿媽話唔好用奇妙醬, 佢話無咁好味 ~
    個沙律有薯仔, 蘋果, 哈蜜瓜, 大蝦...全部都是我鐘意食既野, 豬囉都係, 佢仲食晒d 生蕃茄, 岩晒佢何車 ~

    你一講道明寺我差d 噴飯 ~ 我整左証啦, 出年去啦下 ~

    細契, >>

    算啦 ~ 我學唔到架啦, 呢d 同天份有關, 我最多都係整下 cake....爸爸會好過我...

    回覆刪除