女人堅決不嫁六種男人

婚姻需要經營，怎麼經營確實很重要，但跟誰一起經營才更為關鍵，有些人就是你使出渾身解數去經營，結果未必能善始善終，因為我們往往會高估自己的能力。剛踏入婚姻的時候，我們太感情至上，幼稚的認為麵包會有的什麼都會有的，而結婚以後又變得太現實，在柴米油鹽醬醋茶的熏陶下，突然意識到過日子講究的是實實在在而非虛無縹緲的東西，從脫俗到變俗的過程越短，心理上的轉變就越大，這個婚姻的穩定性就越差。
女人在跟男人牽手婚姻的時候，都認定自己肯定會幸福， 有些人確實就這麼一路幸福下去了，而有些人就像掉進了深淵一樣進退不得，原因其實很簡單，就看你找沒找對人。當你決定要結婚的時候，先問一下自己面前的這 個男人，所見的一切是否都是自己想要的，如果明知道先天不足，一心想著靠後天去彌補，那你就是在賭，既然是賭那就有輸有贏。女人不要天真的認為手握一紙婚 書，就是拿到了改造男人的令箭，婚前男人的那些「毛病」，婚後不變本加厲已經算是好的了，改變太難，所以有些男人注定是給不了女人幸福的。

一，沒有固定收入，生活朝不保夕。
這種男人自己獨立生活都成問題，還談何顧得上妻兒老小，你若願意拚命工作去養著他，那很好，千金難買自己願意，只有你有足夠的勇氣和耐力，那什麼都不是問題;可你要是天真的想要用自己的付出或者說自己的艱辛去打動感化他，那麼你多半是打錯了算盤，別太把自己當回事，愛情在這種男人眼中，不一定會比菜包子值錢。
二，性格有缺陷。
性格缺陷，包括控制欲強、發火點低、考慮問題狹隘或暴力傾向等，其實這些缺陷基本上都是同時具備的，如果在戀愛的時候就是這樣，那麼別妄想在婚後會有改善，別對那句「打是親罵是愛」中毒太深，已經發現男人是這樣的人還嫁他，就是在犯賤。
三，有處女情結，而你不是。
男人的這種情結肯定在戀愛初期就表露無遺了，之所以在剛認識你的時候就告訴你，因為他就是怕你不是，有這種情結其實不能算是什麼錯，但如果你不是，那你還是知難而退吧，這種思想很根深蒂固，靠後天彌補根本就是天方夜譚。
四，滿口媽媽論。
這種男人永遠是媽媽的乖寶寶，不管大事小事都是媽媽說了算，婆媳關係本就很微妙，你若是個有主見的人，那麼嫁給這種男人就會很憋屈，因為他根本不具備獨立思考的能力，他永遠不會認為你是對的。
五，花心。
身邊妹紙一大堆，口口聲聲說你才是最重要的，遇到這種男人，先問問自己是否滿足於這個「最」，後面是不是代表還有第二第三重要的，你完全不介意嗎?這種男人答應娶你，你必定有過人之處，只是你不怕山外有山人外有人嗎?
六，比自己小五歲以上。
女 人在心理上本就比同齡男人要成熟些，如果差距在五歲以內，還不至於有太深的代溝，五歲以上就不太好說了，無形中的壓力會很大，況且男人大多是視覺動物，外 表上的差距會在中年突顯，心裡裝著一堆忐忑會不會活得太累呢?如果不幸碰到婚變，中年女人還能有多少重新來過的機會呢?

轉載自 : 文匯博客 » 摩羯王愛體育 » 日誌

無題

今日睇到報紙, 覺得呢個婚姻輔導員講得幾岩, 我覺得心裡面有野唔講唔理唔問唔攪清楚, 誤會只會越黎越深, 其實做人唔理是什麼角色, 都要有豁達的心胸, 往往拘泥一些無謂的事, 傷害別人也傷害自已。

轉載
婚姻求助升17% 三成新婚
(星島)2010年8月3日 星期二 05:30 (綜合報道)

香港公教婚姻輔導會在○九年四月至本年三月期間，共接獲近七百個求助電話，處理了二百二十九個有婚姻問題的個案，比去年同期上升約一成七。約四成求助夫婦因「角色期望」而產生問題，約兩成人則因為丈夫有婚外情，更有一成半因關係惡化分居。曾有年輕專業人士夫婦，因雙方自我意識很強，不願讓步，在新婚半年後便致電求助。

　　記者：羅嘉凝
　　資深婚姻輔導員陳彭杏嫻表示，中年夫婦常現婚姻危機，但亦有三成求助個案屬新婚夫婦。她說：「外間常以為新婚很甜蜜，但很多新婚夫婦會覺得結婚如同完成一個大工程，花費浩大，猶如破了產，故婚後就拼命努力工作賺錢。」而新婚夫婦的困擾主要是認為浪漫愛情不復再、常吵架傷感情、時間相處不足，以及認為另一半對自己期望太高。

　　曾接獲一對拍拖近三年、約三十歲的男女，在新婚半年後便須致電求助，表示「結婚仲衰過拍拖，婚後根本無愛情」。她指由於雙方都是年輕的專業人士，自我意識很強，不願讓步。丈夫不滿妻子不打理家中各事，妻子則希望有多點私人空間，又因每周要到男方的家飯聚而不滿。雙方又因工作而聚少離多，相處時間甚少。輔導會跟進個案半個月後，雙方又以工作繁忙為由，無再接受輔導。

　　再忙每周要約會一次

　　她建議，夫妻即使工作有多忙碌，一星期亦要約會一次；經常分享心中的樂事，並以平和的態度訴說心中的不滿；為不能滿足對方的期望而道歉；並經常檢討自己對婚姻及角色期望，以適應及享愛婚姻關係。她補充：「有些夫婦以為吵架傷感情，但為了避免吵架而隱藏心中的不滿，只會令雙方的分歧更大，其破壞性絕不遜於吵架。」

　　她又提醒，不論婚齡的長短，亦會有婚姻問題，若不解決，問題只會愈積愈深。曾有一對年逾六十歲的夫婦，結婚逾三十五年。妻子在幾年前提出離婚，理由是丈夫在多年來只顧工作，不理家事又不體恤她的辛勞，丈夫極力挽留亦不果。

　　另外，根據政府統計數據顯示，本港離婚數字由八一年的二千多宗，至○七年已飆升至一萬八千四百宗，去年才稍為回落至一萬七千宗；而去年有近一萬六千宗婚姻登記的其中一方或雙方屬再婚人士，佔五萬一千多宗婚姻登記數目的三成。

新模具+工具

聖誕將至, 早前行過 CitySuper, 已經有好多聖誕既整餅用具同埋飾物, 我見到就不其然想買啦, 除左 CitySuper 之外, 在中環既 Complete Deelite , 也是代理很多 Wilton的產品, 這家公司在美國很出名, 於1929年創立於美國芝加哥, 為一所專業的裝飾蛋糕的學校, 在Complete deelite 定期都有蛋糕班教你點樣 decorate 個蛋糕, 佢地當然是教你用 butter cream 同 fondant, 是一d好肥同好甜既野, 不過就可以整出多款的蛋糕裝飾, 尤其是3D 蛋糕, 因 fondant 能塑做唔同的形狀。除賣整蛋糕用品外, 佢地仲有大塊棒棒曲奇同埋 cupcakes 賣, 我見都有人專程上門買 cupcakes, 買用品的人反而比較少, 可能是價錢問題吧 ~ 原先見到呢個巨型cupcake 蛋糕模好想買, 但見到實物時, 呢個模叫做 giant cupcake, 真係好大, 我個焗爐應該放唔落, 價錢盛惠$380...即時打退堂鼓 !

買左本書, 是cake decorating的基本做法, 有介紹 butter cream, icing 的 recipe, 唧咀的介紹等。

大塊曲奇棒棒 ~

切蛋糕器, 以後切餅唔會歪啦 !

玫瑰花較剪

朱古力裝飾膠模

朱古力撻型膠模

聖誕曲奇模

聖誕印模

糖霜曲奇材料 ~ 12色色膏 + 蛋白霜
大出血....

一公升雪糕機

昨日睇到頭條日報, 舍粉有得換購"一公升雪糕機", 盛惠 $168, 價錢好抵呀! 我已經想買好耐, 但因為 Kenwood 果部都要 $300, 如果唔係成日整, 又驚浪費, 所以仲唔拿拿林買 ~

呢個 brima 牌子我用過朱古力甜品機同 blender 都 ok, 可能d 膠 (透明蓋) 就化學左d , 但小心d 用應該無問題。我繼而即刻去書局買左呢本 "我愛冰淇淋", 作者是"好吃戚風蛋糕輕鬆上手" 的福田淳子 ~ 入面的食譜我款款都想整 ~~

有香草雪糕 (雲呢拿)

各款雪芭 ~

蘋果批雪糕

士多啤梨雪糕

淨係雲呢拿雪糕都有好多種整法 ~ total 有 72 種雪糕, 雪芭同沙冰既食譜 ~

呢期仲買左另外兩本同一系列的書 ~ 一本是整 cupcakes , 另一本是整 puff ~ 但我仲未試整 ~~

小一放榜感想

攪左成年, 終於在6月6日有左結果, 阿仔亦都派到第一志願 - 聖若瑟小學 - 在其中的過程也想分享一下.

阿仔於K3 上學期, 已經籌劃小一派位的事宜, 早在讀幼稚園選校時我是一心想阿仔讀 軒尼詩官立小學", 因為呢間幼稚園同軒小關係好, 獲派機會也很高, 就算派唔到, 叩門機會亦高, 所以於幼稚園階段, 已經諗緊入軒小, 其中原因再延伸到上中學, 因為軒小同 QC 有直接關係, QC 亦會一定留返d 位比軒小的學生, 但當然成績要好啦...不過呢個都是我的期望...

所以在第一輪自行分配學位時, 我阿仔得15 分, 就是適齡學童10分+ 首名子女5分 = 15分, 咁好多人都有15分, 所以在第一輪未能派去軒小上午, 其實我地都參觀過學校, 各樣如校風同教學方針都滿意, 但其中一樣野我地覺得唔太好的就是校舍太細, 同埋可能會脫龍, 程度較淺等.... 所以如果第日的情況是這樣的話, 我又唔係咁想在大抽獎時揀呢一間, 因為太多未知的可能...

最後問左好多過來人同各方既意見, 再加上統一派位呢個奇怪的遊戲玩法, 所以我以最大的機會去率去試, 我既 sequence 係:

甲部 :
(1) St Joseph (跨區我諗唔到填乜, 所以都是填返本區是想入的)
(2) 華仁下 (地個個都話唔好填, 我就照填, 因為好彩派到既, 就唔會去乙部, 既然我都想派到, 所以咪照填...)
(3) 軒小上 (都要填返呢間, 雖然轉軚, 但始終好過其他)

乙部:
頭三個志願都是一樣, 12 網我只填左11 間, 反而之後果d 志願仲難填, 因為好多位淨果幾間可想而知無乜人想讀, 佛教黃焯奄自行分配時得4 個人, 見到都有d 驚。St jo 是全個校網最多位的, 有69個, 仲有無女仔同我爭, 相對華仁 28 個位, 我想乙部得返25 個位要爭, 唔好話25個, 分分鐘超過 250 個人填第一志願, 放第二其實也是徒然, 不過叫做試下博無乜人填下午班咁解...軒小上就得60個位, 不過有女仔爭, 機會無疑都是細左。

最後終於得償所願, 派到第一志願, 但我估多數是乙部中. 據了解, 阿仔好似無同學填呢間, 因大部份都是填軒小, 不過黎緊呢6年, 有排挨....

近排聽乜 ~ 日語編

期待已久既 ap bank fes'08 終於都到手啦, 今次d artist 都是超正既 , 有柚子 (ゆず）, Aska, Salyu, 鬼束ちひろ, 中村中, KAN, 大塚愛, 広瀬香美, 小田和正, RIP SLYME, GLAY, 絢香× コブクロ , 布袋寅泰等粒粒巨星, 當然唔少得 Bank Band 同 Mr. Children ~

玩足3日既 ap bank fes 見到d歌迷睇 live 就真係超開心, 亦有小朋友棒場, 令人驚喜既有Aska 唱經典名曲 "yah-yah-yah" 時黎個側手翻彈落台, 真係寶刀未老, 好野 !! 仲有呢首Mirror feat. Salyu / WISE, Salyu 把聲超海豚音, 個咀呈 "O" 型, 又唱得幾好聽!! 中村中既 "友達の詩" 好好聽, 點睇都唔似男人...仲有其他歌都好正, 覺得比 07 果個好睇, 呢套 DVD 都幾值得買既...

詳細曲目可參考呢個網 http://www.apbank-ecoreso.jp/08/dvd/index.html

呢期大 hit 既青山テルマ 出左張[LOVE! ～THELMA LOVESONG COLLECTION] 精選碟, 呢隻集合左佢最好聽既歌...佢把聲又真係幾好聽, 我最鐘意都係 "何度も”唔知點解我覺得好聽過　 Dairy 果隻碟 ~

aiko 最新 single "Milk / 嘆きのキス"有初出度時既 aiko 感覺, 唔經唔覺 aiko 已經出道左 10 年啦 ~ 我反而鐘意第二首"嘆きのキス" 同第三首 "なんて一日"

最後呢隻我未買既, 但將會買, 就是桑田佳祐既「昭和八十三年度！ ひとり紅白歌合戦」, 見到 星威閣有blu-ray 賣, 但要五百幾, 真係唔係咁捨得...其實這是桑田首次推出 AAA live 既 DVD ! 今次唱既係歷年經典紅白歌合戰既金曲, 有成 61 首歌, music station 介紹左佢唱歐陽菲菲首 "love is over" 仲著埋果件高過條柱既衫, 張開對翼, 好攪笑呀 ~ 不過我還是等緊佢出台版....

木村又黎啦 ~~

新一季既日劇, 收到風木村做主角, 仲要係偵探推理劇 !!!! 我最鐘意 !! 其他演員都好有睇頭, 如綾瀬遙及水嶋ヒロ (豬囉既偶像) , 好似話部份劇本是改編自東野圭吾既作品, 仲要係單元式, 所以勁似神探伽利略, 鐘意睇神探伽利略同埋 Hero 既朋友一定唔好錯過 ~~

故事講述九十九龍介（木村拓哉），本身是男公關，因事故腦部出現損傷，引致右腦變得發達，擁有超越常人的思考能力，於是成為了「腦科學家」，並加入了科警研（科學警察研究所），與同事由里和音（綾瀬遙）及捜查一課的林田虎之助（水嶋ヒロ），解決各種難解的謎題協助破案。

此劇將會於 5月23 日開始播放 ~

ipod shuffle 第三代

呢個產品, 算係我第一樣擁有既蘋果產品, 雖然我都買過第一代既 ipod shuffle, 但係是要黎送給人, 自已亦未曾玩過.... mac, ibook, iphone, ipod touch, ipod nano...etc 對我黎講都是有點兒奢侈, 但佢既 design 又真係幾型, 今次呢個 ipod shuffle 我覺得都算平, 大家都買得起之餘, 又可以感受一下新科技...

買左之後都無詳細睇佢點操作, 但機身得一個製, 就係開關, headphone 有個大細聲調較既按鈕, 就係咁多...我心想, 今次比人搵苯?? 咁平, 可能就係得咁多 function....但無理由咁低能, 無得 skip 歌, 焗你播乜就聽乜....仲有新功能 VoiceOver 都未得真正體會, 都係睇下個 overview 先講 ~

果然不是部機低能, 是我自已低能 -_-

所有 control 除了開關都是在 headphone 果粒製度, 只要按中間一下就會 pause, 再按一下就 resume, double click 就是 skip 歌, 長 hold 就是 VoiceOver function, 亦都非常佩服講出黎既歌曲資料非常流暢, 一d 都唔似將d 字夾埋黎讀, 好利害...不過咁, 唯一唔好既就係唔可以換 headphone, 因為乜都要靠個 headphone, 所以壞左就要買過個 headphone 先得啦...


轉載 : 【明報專訊】

相信很多人已聽聞Apple最新的iPod Shuffle備有4GB快閃記憶容量，比上一代多了一倍，可儲存達1000首歌。可是，新Shuffle的賣點是其發聲功能VoiceOver，它有點像快譯通的發聲詞典，當然經Apple設計及包裝後，功能更具創意，只要按下耳筒線上控制器兩秒，便會傳來正在收聽的歌曲及歌手名字。

14種語言發聲

這個Shuffle能辨認14種語文，即可發聲讀出14種語言，但可惜暫時沒有廣東話，只有普通話。記者試用後，覺得英語發音尚算自然，而普通話、法、德及意等語言，則有點生硬。
另外，新Shuffle設有Playlist，你大可編輯不同的song list，如健身、跑步、搭巴士或至愛歌曲選，而且操控簡易，只要按着耳筒的控制器中間位置，待發聲系統讀出歌曲及歌手名字後，便會「咇」一聲，然後便讀出歌曲目錄，讀至想選的目錄便按一下，就會播放那目錄的歌曲，對用家來說十分方便。

售價﹕$600（4GB，有黑白兩色）

我的生日禮物

又大一歲啦 ~ 而家一把年紀對生日呢樣野都無乜感覺啦, 可能已經唔想記住自已幾多歲啦, 而家有人問我或者填問卷時都要計下數先知自已幾多歲 ~ 不過我成日覺得自已好後生者 ~ :P呢個第一個 birthday cake @ fat angelo, 生日去食飯會送你一客蛋糕, 有幾個味, 有 Tiramisu, chocolate tiramisu 同埋 cheese cake 揀, 嚴格黎講全部都是 cheese cake, 所以我揀左未食過既 chocolate tiramisu, 好重酒味, 幾好食, 不過呢餐好飽, 食唔晒個 cake ~
姑仔送既 Kiehl's 洗面奶同青瓜水 ~ 正呀 ~~

大伯同Lisa 姐姐送既 Bodyshop Aqua Lily 套裝 ~ 正呀 ~~

老公請我食飯 & 送既 Birthday cake ~ Mango Cream Cake ~ 正呀 ~~

yellow 小姐送既 Zoe cake shop 's 蛋糕 ~ 係咖啡味 ~ 正呀 ~~

仲有公司同事請我食飯, send message 去 fb 同 SMS 比我既朋友, 雖然都唔係乜野名貴禮物, 但我都覺得大家好有心, 非常 warm ~ 在此再次多謝各位 ~~

姐卵型爆 look ~

姐卵有新戲開鏡 ~ 個做型型爆 !!!! 不過要等年尾先有得睇, 今次無梳起個頭啦, 應該順眼好多 ~ 不過出品人係吳敦 + 爛片王導演朱廷平...我見到呢個名就怕怕, 唔好期望咁高....

轉載 ~
周董、林志玲、陳道明 刺陵身價逾億

台灣長宏公司耗資一億人民幣（約台幣5億1,299萬元）拍的華語大片「刺陵」，確定邀大陸一級男星陳道明取代劉德華，片中和周杰倫、林志玲一起尋寶，3大巨星的片酬加起來，超過一億台幣。

台灣長宏公司不畏金融海嘯衝擊，繼「功夫灌籃」後再拍大片「刺陵」，演過張藝謀「英雄」的陳道明，確定加入演員陣容，飾演考古天才。長宏老闆吳敦表示，原本該角色屬意劉德華，但華仔說月底開拍的檔期不能配合（香港盛傳華仔4月要結婚），導演朱延平建議找黃秋生，但吳敦考慮確定陳道明是最夠份量演出的人。
陳道明挑戲嚴謹，吳敦拿劇本親自去北京他家，陳道明一看就喜歡，他的角色是捧著24個靈位要把寶藏埋起來，為什麼？陳道明說觀眾一定好奇，他演起來會特別帶勁兒。陳道明還建議吳敦大可刪除劇本中一些旁枝末節，讓吳敦豎大拇指讚他是「戲精」。
周董在新片「刺陵」的勁酷造型曝光。照片／長宏公司提供外傳陳道明一部電影片酬市價200萬人民幣，吳敦表示簽了保密條款，陳道明、周杰倫、林志玲的酬勞都不能說。幾經追問才稍微鬆口說，周杰倫和林志玲的片酬加起來是總預算的五分之一，換算約2,000萬人民幣（約台幣1億260萬元）。若周董的片酬是傳言中的港幣2,000萬元，那林志玲差不多是台幣2,000萬元了。
周董在片中演的喬飛是大漠飛鷹轉世，能在數秒內拆解各種東西；林志玲是25歲的小說家。吳敦說志玲看起來年輕，娃娃音出唱片也許不適合，演戲必是個人特色。她怕馬，周董有僵直性脊椎炎，都不能騎馬，改騎重機車。周董演完袁和平的電影對吳敦說：「我對功夫片更有把握了」，讓吳敦對「杰玲配」很有信心。

「刺陵」還在銀川的中衛沙漠搭建約一個足球場的客棧大景耗資50萬港幣，最後要被炸光光。影片預定3月22日在北京開鏡，12月15日全球同步公映。

P.S. 都係比較期待 "不能說的秘密II"

姐卵新劇"熊貓人"

收到風姐卵終於開拍電視劇 ~ 但唔係心目中果d , 而係科幻 feel 類似 batman....不過是 pandaman ~ 佢一開始就左中國宣傳, 可想而知佢既對象是大陸, 不是台灣...我驚好似功夫灌籃咁....唔識笑 + 老套 , 呢樣野唔希望會發生 ~ 姐卵 ~ 希望你加油呀 ~ 唔好令我失望呀 ~~

<<轉載>>

　　昨日，由周杰倫擔綱總導演的科幻偶像劇《熊貓人》在北京宣佈該劇2月25日開機，同時“熊貓人”的造型也首度在媒體上曝光。這個被現場記者質疑為“熊貓山寨版超人”的造型引發網友熱議。成都市大熊貓品牌推進工作協調小組辦公室有關人士表示，希望更多的公眾人物參與到大熊貓品牌的推廣工作中來。

　　周杰倫當導演 江語晨當演員

　　周董表示，其實拍攝《熊貓人》的想法在《功夫熊貓》之前就有了，只是一直沒有等到成熟的時機。而對於“熊貓人”，周董信心十足：“美國有超人、蜘蛛俠，我們也要打造令我們華人驕傲的‘熊貓超人’。”

　　《熊貓人》實際上有兩個英雄，一個是熊貓超人，還有一個是熊貓俠，周傑倫說：“這兩個英雄首先個性上不一樣，兩個熊貓人一個比較有錢，一個比較貧窮，但是非常樂於助人。熊貓超人的爸爸之前是一個慈善家，有一個綁匪挾持了一個兒童，熊貓爸爸跑去救他，犧牲了自己的生命。於是這個小孩用他爸爸的頭，以熊貓的姿態，當他未來的精神。所以之後他穿熊貓裝，在社會上打抱不平。另外一個角色是在動物園做清潔工。”說到這裡周董突然住口：“其實我真的講太多了！”周傑倫表示，自己將在片中出演一個警察局長，而緋聞女友江語晨也將加盟該片。

熊貓人造型很西方 周董說那叫國際化

　　在發佈會上，曝光了熊貓超人的造型。黑白兩色的熊貓頭盔乍一看上去有點像骷髏，而他的整體造型則完全是好萊塢式的超人形象。這個具有濃郁科幻色彩的中國超人，讓周董頗為得意：“他是有點不太一樣的感覺。他是披著圍巾的，他怕冷。因為我覺得很少英雄戴圍巾，圍巾還可以飄起來。”面對記者提出的“山寨”質疑時，周董只是表示，觀眾看了片子就不會這樣想了。
　　有記者問，為什麼這熊貓人的形像是細長的，不太像中國人的身材。周董說：“因為這個是發生在2030年的故事，這是科技版。”他坦言，自己也受到蝙蝠俠的影響，熊貓人結合了很多像蝙蝠俠、蜘蛛俠的優點：“但熊貓俠是一個很平凡的人，私下裏他是個鋼琴老師。這些很多東西我都是借鑒西方的電影和文化精髓，但還是有東方的東西在裏面，比如雙截棍在裏面也有體現，他拿竹子打，平時他喜歡喝竹筍湯。”
　　《熊貓人》如何體現中國元素？昨日記者致電《熊貓人》的製作人安景鴻先生，他說：“紅色的圍巾就代表中國風，熊貓本身已經很中國了，人們只要看到熊貓兩個字就知道是中國的英雄。”他強調：“傑倫的市場是全球的華人，我們不想打造一味地方性的英雄，我們希望外國人也知道中國的超人！”

　　成都方面：希望公眾人物多推廣大熊貓
　　記者就《熊貓人》的造型問題採訪了成都市大熊貓品牌推進工作協調小組辦公室相關負責人田華先生，他說：“對於利用大熊貓的形象進行文藝創作，從政府的角度無法界定，也無法制約，只要是正面的，善意的我們都擁護，都支援。其實我們一直都希望有更多的公眾人物參與到大熊貓品牌的推廣工作中來，至於有沒有其他的商業用途，現在不方便去求證，我們也不好多說什麼。”本報記者 潘媛

　　鏈結
　　《熊貓人》講述的是一個發生在2030年的故事。劇中，兩個充滿正義和挑戰的陽光男生，將化身“熊貓超人”和“熊貓俠”，護衛“光明市”的安全。將懲惡揚善、見義勇為的精神，投射給現實生活中的每一個人。

新年晚飯

舊年新年就唔岩時間無去阿媽度拜年, 非常掛住阿媽整既野食, 今年一於要去 !!

大蝦沙律頭盤 ~ 正 !! 好味過酒店果d ~~~
五柳煎"魚倉"魚 ~~
上海人過年實要吃既 " 烤夫"
雲吞雞 ~ 好耐無飲過咁好味既雞湯啦 ~~
"發財好市" ~~ d 蠔鼓好似美國生蠔咁大隻 ~~ 好好味 ~~

仲有3樣野唔記得影相, 就係 " 東坡肉", "齋" 同埋"臘味糯米飯" ~ 東坡肉是賣飛佛, 出面吃一舊又貴又唔好食, 阿媽整果d又真係無得彈, 其實有個"送" 我好掛住, 就係"鼓油汁豬扒", 呢隻野超好味, 送飯一流, 但無理由過年叫阿媽整....都係搵日叫佢整比我吃 ~

其實我越大越覺得我阿媽好叻, 因為佢一個人可以整8 個菜, 雖然一早整定, 翻熱再食, 你叫我整就唔知幾時有得食仲要對住張食譜... 所以有時我覺得自已都幾有口福架...成日都有好野食 :P

開工大吉 !

屋企經過連日黎既動工, 終於可以在新年前執好啦 ~ 成間屋唔同晒感覺寬敞左, 野少左..因為都掉左好多野...仲有新電視 ~~ 有高清睇 ~~ 真係好正呀 ~~~

新既一年就提醒自已幾樣野唔再做....因為真係浪費好多錢...

1.) 唔扭蛋
2.) 唔食開心樂園餐
3.) 唔再買無謂野

在此祝大家新年進步, 心想事成 !

小一統一派位交表啦 ~

煩左好耐既事終於要決定啦! 就係小一統一派位交表啦 !

個校網12真係好煩, 一係好多人爭, 一係就無人揀, 淨係頭三我都諗到頭爆, 因為呢區可以話係無二線既學校...最後問左好多朋友既意見, 同埋都係果句, 小朋友唔知無得比較的情況下, 程度高d 有着數, 真係讀唔掂先再諗...所以我都是揀左區內最搶手既男校, 一來無女仔同我爭, 二黎位是最多的, 三黎第一年是下午班,四黎有聯系中學, 五黎遲d 會轉全日制, 六黎希望阿仔佢打好基礎, 第時上中學無咁辛苦等十多個理由...遲下我辛苦d 都要...不過最重要是睇下阿仔運氣如何....

聖誕"後"群症

年年聖誕節後都病, 因為唔夠訓再加上勁熱氣, 所以又感冒, 好辛苦呀 ~~

最慘係唔知阿仔傳染左比我, 定係我傳左比佢, 因為佢聖誕節前已經起, 但除夕後佢仲發高燒...而家又傳比爸爸... 成家人病晒 ~~~

不過都買左樣野比自已 ~~ 就係 NDSi 啦 ~ 想買好耐架啦, 因為悶悶地, PSP d RPG game 又玩到訓著, 所以決心買左一部 ~ 我買左白色 , 因為好係無咁容易見到塵, 但今次是啞色面, 唔同 NDSL, 個黑色好似老套左d , 所以都是揀左白色 ~

新機照玩返 NDSL 既 game, 無分別, 多左隻眼, 可以影相, 但質素就比手機還差好多, 另外水機送 1000 point 比你上去任天堂網度 download game, 我首先是 download 左個 web browser 同埋 電子memo, 因為呢兩個都是 free 既 ~

呢兩日都係不停 download game....

La Maison du Chocolat ~ 馬卡龍

呢盒馬卡龍唔係我整, 但有幸吃到2 粒 ~ 6 粒/$120。

呢間坐落於 PP 入面既高檔朱古力店 La Maison du Chocolat , 入面賣既朱古力同糕點好似珠寶同藝術品咁, 都唔敢行入去望, 廚窗外望到價錢更加唔敢行入去。呢個馬卡龍食落去唔太甜, 中間夾左朱古力醬, 個餅既味道就唔講都唔係太知道係乜野味, 不過我估一粒是 Raspberry, 另一粒是 Cherry, 同事就吃左 Vanilla 味 同朱古力味... 不過另外一樣野仲好味...就係一餅黑朱古力, 入面有各款果仁, 橙皮, d果仁超好味, 又好香橙味, 不過要 $190 /100g, 真係貴過買水晶...

其實賣到 $20 一粒, 中間既工夫同材料都唔少, 所以其實都唔係唔值, 不過唔食又唔會有問題, 話晒$20 cheap cheap 地都仲買到個 lunch box....叫做食過就算啦...

Bit 仔霆

話說呢排阿仔鐘意改花名, 成日叫我改佢花名, 早排叫我以後叫佢 "吳好郁", 呢幾日又改名, 叫 "Bit 仔霆", 完全唔知點解, 不過佢即席畫左幅畫...話呢個就係 "Bit 仔霆"...

我知佢在學校都係咁改同學花名, 但話極佢都係咁...好唔尊重人...老師比左本書佢睇, 叫"尊重", 希望佢學識點樣尊重人同埋尊重人地個名...唉 ! 都唔知點教 ....

新版面 ~

哈哈 ~~ 係咪好有 X'mas 氣氛呢 ? 誠意推介呢個網 ---- > http://gbmaterials.oops.jp/



入面d 素材好正 ~ 我試左幾個都好靚, 你地都可以參考下 ~

《你污的七億呢?》

今日睇報紙見阿扁既報導 ─ 總統陳水扁因涉嫌貪污被收押，在獄中度第一天。陳水扁獲禮遇未鎖手銬，並入住單人囚房，須裸體半蹲接受肛門、生殖器等檢查，尊嚴掃地..... 有人見咁既情況將姐卵新碟其中一首歌改左歌詞黎形容佢, 非常攪笑, 所以我打左出黎比大家睇下 ~






原唱的 MTV ~

小室哲哉涉詐財1.5億 被捕落淚

小室哲哉是90 年代紅極一時既日本創作歌手兼監製, 當年可以話係紅霸日本樂壇, 但當年仲係o靚妹既我就唔係咁鐘意聽佢或者佢旗下歌手既歌, 因為我覺得佢d 歌有d 煩, melody 重覆又重覆, 果d dance beat 既野就黎黎去去都係咁, 但最唔明點解佢咁紅....咁耐以黎只是買過一張1992年佢自已出既 CD, 叫 Hit Factory, 入面係佢自已唱番佢寫比其他人既歌, 好似當時好紅既松田聖子首 "Kimono Beat", 仲有小泉今日子 "Good morning call" , 中山美穗的 "50/50" 等...., 後尾我先知呢d歌係佢作既, 但佢自已唱返就....所以我無再買佢d 碟, 其實到 Globe, 安室, TRF, 華原朋美等我無一個鐘意, 頂晒龍都係買過 TRF 一張精選碟, 因為我見人人都聽, 真係咁好聽 ? 最後發覺我其實唔鐘意聽呢類歌....

Hit Factory 隻碟封面 (我曾經見到有唱片鋪當它是死貨)

到 90 年代末期, 小室漸漸無乜人聽, 鬼咩, 呢類型既歌非常唔襟聽, 佢又無改變佢既風格, 所以愈來愈唔掂, 最後攪成咁. 不過就今次事件我覺得佢咁做好可惜, 佢好大喜功, 攪到之前賺返黎既老本無晒兼去呃人, 真係唔應該。

轉載 :
小室哲哉涉詐財1.5億 被捕落淚
【聯合報╱編譯高國珍／報導】

今日被押90年代紅極一時的日本流行樂製作人兼歌手小室哲哉，因涉嫌詐欺，4日被大阪地檢署收押。（法新社）

昔日風光90年代活躍於日本流行樂壇的小室哲哉（左），曾一手打造安室奈美惠（右）成為舞曲天后，如今卻被逮捕。（美聯社）

日本流行樂壇教父小室哲哉因涉嫌詐欺5億日圓（約台幣1.5億元），4日遭大阪警方逮捕，小室被捕時落淚並坦承犯行。

小室是日本流行樂壇最出名的製作人兼歌手，舞曲天后安室奈美惠就是他一手提拔的。小室被捕的消息震驚了日本樂壇。

小室2006年與兵庫縣蘆屋市一家行銷公司老闆簽約，協議以10億日圓出售自己創作的806首歌曲，對方履約先付出半數款項5億日幣作為訂金，但遲遲未能拿到版權轉讓書，後來才發現這些歌曲的所有權已不屬於小室，而屬於製作公司。小室交不出版權，對方要求歸還訂金，小室卻無力退還，對方怒而告上法院。

小室刻意隱匿音樂所有權歸屬，將歌曲賣給行銷公司，把得款用來償還龐大的贍養費及債務，終至落得被依「詐欺罪」起訴。

4日早上，大阪地檢處特別搜查部前往小室位於東京港區的豪宅，進行搜查並逮捕小室。同案被捕的還有兩名共犯，都是娛樂界資深人士。三人都已坦承犯行。

小室現年49歲，1984年大學時期就以TM Network團員身分出道，被塑造成音樂才子，90年代組成GLOBE樂團，事業達到顛峰，之後更與GLOBE樂團主唱KEIKO（本名山田桂子）結婚。

小室活躍於日本流行樂壇，曾一手把安室奈美惠打造成舞曲天后。據統計，他在90年代曾賣出1億7千萬張唱片，全盛時期1年的收入就高達20億日圓（台幣6億7000萬元）。他還曾為2000年的八國（G8）高峰會製作主題曲，把沖繩傳統樂器的聲音和他的招牌電子舞曲熔於一爐。

他的奢華行徑也令人咋舌，曾以2000萬日圓（台幣670萬元）包下飛機頭等艙，從日本飛往洛杉磯。

但是，近年來他未寫出暢銷歌曲，加上海外投資失敗，離婚後又須負擔巨額贍養費，讓他債台高築。

小室所屬的艾迴音樂公司表示，因為此案，原本GLOBE預定在本月26日和下月17日由日本艾迴音樂發行的「Get Wild」以及「Self Control」兩張單曲，還有官方網站、音樂下載等有關小室的部分全部喊停。