【Chocolate heart shape box】 心型朱古力寶盒

首先祝大家情人節快樂 ~

又到情人節啦 ~ 不過年年都是無乜特別, 唔想同人迫, 留在家中是一個很好的選擇 ~
因另一半唔愛吃甜點, 所以簡簡單單整左個朱古力心型盒, 原先想整埋個蓋, 但唔夠材料, 所以只是整左個 bowl ~
入面全都是例模朱古力, 有心型, 星星, 和玫瑰花 ~ 第一次用個玫瑰花模, 好好玩同埋好得意, 效果幾理想 ~
為左個邊靚d, 加左白色朱古力做 lace ~ 靚晒 ~
昨晚行街都買左好多野, 在 muji 見到呢個迷你冬甩模, 好得意, 所以買左 ~ 另外在 citysuper 買左兩個朱古力模, 一個整球型朱古力波 (大個), 另一個是整鑽石型朱古力, 好想快d 試下 ~~~

【椰汁鯉魚年糕 Coconut Glutinous Cake】 ~ 附食譜

今年想整年糕, 整左個又有好意頭又得意的鯉魚年糕, 祝大家年年有餘, 新春大吉 ~~

食譜 :

份量可做小型鯉魚3條 或十二條迷你鯉魚

材料 ︰

•糯米粉 200克
•澄面 50克
•冰糖 200克
•椰漿 130克
•熱水 200克
•食用色粉 / 水浴性食用顏料 適量
用具︰

•蒸魚模
•蒸魚架
•打蛋器及毛掃

年糕製作︰

1.冰糖加熱水煮溶，待涼後加入椰漿
2.加入糯米粉及澄面，用打蛋器打至滑身
3.扣起少量面糊 ，加入食用色粉拌勻
4.模內掃上食油 (避免眼睛位置)，先用黑色糊點好眼睛蒸一至兩分鐘
5.眼睛定位後再將橙色糊不規則倒在模上
6.將椰汁糊注入模中
7.隔水蒸約一小時即可 (迷你魚只需蒸三十分鐘)

【芒果布丁】

呢期除左菠蘿之外, 呂宋芒都好靚, 近排又買左 【我愛xx】系列的書 - 【我愛杯子小甜點】, 呢本書除左教布丁, 還有果凍, 慕斯...都是一杯杯的, 賣相整得好靚, 令我又想整下呢個芒果布丁 ~~

今次這個布丁是沒有果肉的, 所以阿仔不停投訴, 其實果肉是可以放的, 不過這個布丁的質地不是太實, 加了果肉可能會怪怪的, 但可自行加多點魚膠片也可以 ~~阿仔有份幫我過篩, 所以要求與製成品影張相 ~~

就是這本新書啦 ~ 阿仔話下次要試左上角果款 ~

這是書中製成品的模樣

【椰子鳳梨慕斯蛋糕】 ~Kawai 生日快樂 !!

今次慶祝 Kawai Tam 生日, 整左個椰子鳳梨慕斯蛋糕 , 好有夏日氣氛 !!
同埸整多個 慕斯杯 ~~ 找來新鮮鳳梨幫忙拍照, 這個"香水菠蘿" 真是非常香, 成間屋都聞到 !

Kawai ~~ 又大一歲啦 ~~
個邊唔靚 ~~ 聽人講, 鳳梨做慕斯會出水, 所以一定要煮過d 鳳梨先得, 我是用急凍鳳梨蓉, 所以要加熱, 呢個餅無出水, 不過就唔夠魚膠...因為我計錯份量呀 ~~~
切開係咁既 ~~ 以下是原裝版本 ....

【檸檬批】Lemon Pie

同事David 生日 ~ 因為方便的關係, 想整d 無咁複雜而我又未整過既野, 就是檸檬批 ~ 用左阿仔契媽提供的 recipe , 同事話吃落有d 酸, 我就覺得開頭第一啖就好酸, 之後都 OK , 可能檸檬汁份量要再調較下會好d ~

按此

不過好在夠酸, 所以唔漏 :p

【糖霜曲奇】+ 【蘋果卷】

今年 Chrismas 我地去左 uncle Samuel 屋企開 party, 順便同佢同埋 William 慶祝生日 ~

契媽整左朱古力慘餅 ~~ (相片由 Ringo 提供)

壽星要求, 我整左 Apple Stredul, 不過甜左少少 ....

上面整左有聖誕氣氛的糖霜, 不過翻熱後唔見左 !!!

整左兩個, 不過太多野食, 都是食剩一個 !

另外整左糖霜曲奇送比大家做聖誕禮物

我用左薑餅既食譜, 但無落薑粉

我整左好多款呀, 最受歡迎是雪花 ~ 多謝阿 Sharie 姐姐你舊年幫我買既模 ~ Thanks !!

蝴蝶酥 【Palmier】+ 玫瑰馬卡龍 【Rose Macaron】

又黎蝴蝶酥 ~ 唔係我整既 ~ 係花千金整黎請朋友食, 今次都整左原味, 玉桂同埋檸檬味 ~

同埋加映玫瑰馬卡龍, 今次個糊杰左, 所以有個尖尖...無咁靚仔 ~

所謂玫瑰味, 是用左玫瑰花茶的粉末, 所以有一陣玫瑰花茶的清香, 同埋中和左馬卡龍的甜味。 另外中間夾左朱古力軟心餡, 好味呀 ~ 做左 8 粒, 唔駛5分鐘已清貨 ~ 話都無咁快 ~ 不過我都是吃一粒就夠 ~~

煲呔酥~ 【Papillon】

繼蝴蝶酥後, 睇烹飪書見到呢款 "煲呔酥" 又好想試下, 於是買左現成酥皮整 !

可惜一開始的時間唔記得灑糖, 張酥皮癡住左, 所以唔夠煲呔...不過都幾好味, 食落同蝴蝶酥係一樣既 ~~
整左d 返公司請同事食 ~ 好有法國情調 ~~

大清貨之再戰馬卡龍 ~ 【紅茶馬卡龍】~ 附食譜

因為好烘焙材料買左都無時間整, 執執下野發覺好多都過左期唔用得, 所以睇下包日本進口既紅茶粉先 ~ 哇 ! 就黎到期唔好浪費, 快d 整左佢 ~

今次試整馬卡龍, 經過上次既失敗, 睇左好多食譜, 有d 好複雜唔想試, 想搵d 又簡單又唔會失敗的...終於比我搵到.....食譜稍後提供比大家 ~~~

用紅茶粉當然是整紅茶味 ~ 今次落左特幼杏仁粉, 唔駛篩得咁辛苦 ~~個面用風筒吹 10 分鐘左右就 ok 啦 ~~ 個面乾左可以入爐 ~~

用150度火焗15分鐘, 最尾3分鐘較少10度, 好靚既裙邊出左黎 ~ 個面無裂開啦 ~~
成盤都好成功 !

你睇幾靚 ~~ 呵呵 ~ 同埋呢個食譜唔太甜 ~ 我鐘意 !

食譜

材料 :蛋白 25g
砂糖 25g
糖霜 40g
杏仁粉 30g
紅茶粉 5g (可使用其他粉類成為其他味道如可可粉, 綠茶粉等…)

做法 :
1.) 先將蛋白及砂糖打起, 拿起時呈綾角狀

2.) 另外將糖霜, 杏仁粉及紅茶粉用細打蛋器混合

3.) 將 (1) 一口氣加入 (2), 用攪拌器拌至沒有粉狀

4.) 將麵團放入唧袋, 唧出2cm直徑的圓形

5.) 用風筒 (暖風) 在麵團上吹 10 分鐘或至觸摸時完全不黏手, 放入預熱到 140 度的焗爐內烘 15分鐘, 出爐後將兩片合上, 中間可夾入不同的餡料。

迷你果撻 & 彩虹果凍

呢個係親子班黎既, 因為阿仔鐘意食生果, 所以特別報既 ~ 兩樣都又易整又好味 ~ 呢個蒟蒻粉整既果凍易過借火, 想食乜野水果就切定, 放入蒟蒻粉糊中雪凍就得 ~ 小朋友個個都鐘意食 ~~

另外呢個迷你 fruit tart 都好味喎, 以後唔駛出去買比錢人賺啦 ~~

桂花馬蹄水晶卷 & 山楂鴛鴦卷

近排好多烹飪課, 因為是季初時報定的, 今次學整既係桂花馬蹄卷 & 山楂鴛鴦糕, 其實仲有樣山楂千層糕, 不過無特別影相, 因為是就咁睇只是一舊普通既山楂糕, 睇唔出有乜特別 ~呢條就係桂花馬蹄水晶卷 ~ 不過我唔鐘意食馬蹄 ~ 下次整我唔就唔落, 就咁桂花糕都好清好好味 ~~
呢個就係山楂鴛鴦卷, 就好似 酒樓食果d 芝麻卷咁, 下次可以試下自已整芝麻卷喎 ~

芒果水晶卷 + 芒果黑糯米卷 + 芒果糯米飯 + 芒果撈河

又去 Winnie 姐度學芒果甜品, 今次整左幾樣野 ~ 我都幾鐘意食芒果, 豬囉更加係佢既至愛 ~ 第一款係芒果水晶卷, 用海藻粉整成既透明水晶皮包住芒果肉同忌廉 , 另一款就係芒果黑糯米卷, 同樣用水晶皮, 但包住芒果黑糯米同椰汁, 好好味呀 ~~豬囉食晒所有水晶卷 ~

另一款就係出街成日食到既芒果糯米飯 ~ 好香 ~ 好好味 ~~ 原來煮椰汁要落鹽先唔會咸咸地 ~ 同埋會更加香 ~

仲有一款係芒果撈河 ~ 都是用海藻粉整既, 加左鮮奶, 變左白白地色, 整出黎真係超似河粉 !!!!

呢樣野非常易整, 返到屋企即刻 encore ~ 唔駛半個鐘就有得食 ~~ 正呀 ~~~

Winnie 姐個食譜 ~

親子復活蛋 + 可可脆米杯

又整復活蛋 ?? 係 ! 今次係親子班, 睇下豬囉幾專心 ~~

做咩呀 ~~ 梗係又偷食啦 ~ 朱古力既魅力我估無一個小朋友能夠抗拒 ~

而家 Winnie 姐分緊d 脆米比小朋友 ~

Bella 做乜悶悶不樂呀 ?

整好啦 ~ 等佢乾 !~

脫模了 ~~~

呢個脆米杯果然又簡單又好味喎 ~~

復活蛋 & 復活節蛋糕

其實我點解要報呢個 course ? 復活蛋都係其次, 其實想知道乜野係復活節蛋糕 ~ 今次又去左 Winnie 姐度學 ~~呢個就係 Easter Cake 啦 ~ 入面有杏仁粒粒 ~
今次仲學到個朱古力淋面 ~原未也不太難 ~~

上面加幾粒松露朱古力同埋d 糖仔 ~ 攪掂 ~ 又幾好味喎 ~ 好美式既一款蛋糕 ~ 正!!
同埋加演復活蛋數隻 ...... 純粹比阿仔吃...好味過 kinder...