Pumpkin Chiffon 【南瓜戚風】

今次這個南瓜戚風是我第一次做, 是阿姐生日, 想清清地再加上佢鐘意吃南瓜, 所以就整左呢個蛋糕啦 ! 由於時間的關係, 我用了現成的南瓜茸, 做出黎唔夠南瓜味, 如可以下次加d 新鮮南瓜粒粒會更好 ~

Paul Frank Banana Chocolate Cream Cake 【Paul Frank 香蕉朱古力忌廉蛋糕】

好耐無 update blog了, 要補翻之前既野啦 ! 今次是 11 月壽是 Ms Yellow 既生日 ! 是晚其實是兄弟姊妹飯, 我靜雞雞整左個蛋糕比佢, 一於比個 Surprise 佢 !

今次用在朱古力蛋糕, 中間夾了香蕉 ~ 出面還有 Paul Frank 個樣 ~~

多謝姊妹 Kimmy 買了好漂亮的 Happy Birthday colorful 蠟燭 ~~

雖然唧 cream 技術有侍改善, 但我覺得呢個蛋糕好好味 ~~ 好味過在街買 ~

彩繪芒果忌廉卷蛋

阿仔生日要求我整多個蛋糕帶返托管，於是整左呢個卷蛋！ 今次第一次整彩繪蛋糕, 都ok 喎 !

Spongebo Mango Cream Cake 【海綿寶寶芒果忌廉蛋糕】

第一次做唧cream蛋糕，是因為阿仔生日，呢個是BAPE version Spongebob,雖然不是太像，但我覺得好OK呀！

3D 立體鋼琴造型蛋糕 《3D Piano Cake》

今次是代公司 Boss 去學蛋糕班, 所以原先對呢樣蛋糕興趣不大, 但都想知點整個 Piano 出黎, 於是用左 working hours 黎學 ! 感覺好正 !

首先焗一個海綿蛋糕, 用焗盤就可以了 。

跟住栽出兩個三角鋼琴的型狀兩片。

在第一層塗上忌廉和放上生果。

生果有芒果, 奇異果和士多啤梨, 不要切太細粒以免出水。

舖生果時留返琴鍵位不要放生果。

將另一塊蛋糕切開琴鍵位位置, 造成一高一低, 再舖一層薄薄的忌廉。

用之前預備好的朱古力膠作鋼琴的圍邊。

切開朱古力膠數片將鋼琴圍住, 上面再鋪一層生果。

這是老師的製成品 !

這是我的製成品 ! 上面鋼琴蓋和鋼鍵分別用黑朱古力和白朱古力繪成 ~

香橙朱古力慕斯蛋糕 《Orange Chocolate Mousses Cake》

大契生日整左呢個蛋糕佢嘆, 我自已好滿意, 個橙味同朱古力好夾, 正 !!!

【班蘭雪芳蛋糕】- Pandan Chiffon Cake

是日到細契家中 gathering, 忽然想整雪芳蛋糕, 於是襯返細契, 整個綠色的班蘭雪芳蛋糕 ~

今次這個蛋糕用了8吋的份量, 沒有用新鮮的班蘭, 只用了班蘭香油, 所以班蘭味大家都話不夠, 但就夠晒鬆軟, 下次可落返多d ~~

另外還整了一個 6 吋的蛋糕

整了5個4吋的蛋糕作伴手禮

簡易芒果拿破侖

就是這個手掌般大的拿破侖 ! 材料好簡單 :

材料：芒果，酥皮,吉士,做法:酥皮上放上吉士,再加上酥皮,加芒果在上面即成。

有日見到 Couponana 有個團購優惠, 就是 “$150跟8度海逸酒店行政總廚學整西式甜品(原價$300)”, 我同契媽揀左學芒果拿破侖, 但一去到, 見到檯面已經有兩塊焗好的酥皮和一個芒果, 就有d 失望, 因為估唔到酒店呢個行政總廚是叫人地去超級市場買現成酥皮做拿破侖 !! 仲要焗好埋比你, 得手掌咁大個既拿破侖, 如果真是整比人生日就真是失禮死人 ! 由於本人在節食中, 所以沒有試味, 據阿仔報告, 味道是 ok 的, 但早知我地兩個夾埋 $300 去 Tony Wong 度買 cake 好過啦 !

再來 【乳香舒芙蕾乳酪蛋糕】~ Happy Birthday to Jenny

阿仔剛考完試, 終於鬆一口氣 ~ 但今個六月都幾忙呀 ! 因為好多朋友仔生日 ~~ 第一個就是珍妮 ~~

壽星要求要 Heart shape ~ 但我又無心型模, 原先想問朋友借, 但又吃唔到咁大個 cake , 所以去 $10 店買左heart shape紙模 ~ 效果都 ok 喎 ! 睇下有兩個肥o都o都的心在焗爐內 ~~出爐啦 ~~ 呢個是輕盈版的焗的 cheese cake, 真是好好味 ~~~ 又唔漏 ~~~ 我唔吃 cheese cake 都鐘意。

食譜請按 ~~ http://ahpeiblog.blogspot.com/2010/04/milky-souffle-cheese-cake.html

【椰子鳳梨慕斯蛋糕】 ~Kawai 生日快樂 !!

今次慶祝 Kawai Tam 生日, 整左個椰子鳳梨慕斯蛋糕 , 好有夏日氣氛 !!
同埸整多個 慕斯杯 ~~ 找來新鮮鳳梨幫忙拍照, 這個"香水菠蘿" 真是非常香, 成間屋都聞到 !

Kawai ~~ 又大一歲啦 ~~
個邊唔靚 ~~ 聽人講, 鳳梨做慕斯會出水, 所以一定要煮過d 鳳梨先得, 我是用急凍鳳梨蓉, 所以要加熱, 呢個餅無出水, 不過就唔夠魚膠...因為我計錯份量呀 ~~~
切開係咁既 ~~ 以下是原裝版本 ....

【豆腐戚風】~ 母親節快樂 !

母親節原先想整櫻花戚風, 但可能是母親節的關係, 鹽漬櫻花缺貨, 唯有整過第二樣 ~~ 都是好岩媽媽食, 清清地的豆腐戚風蛋糕啦 ~~

出爐啦 ! 整左2個細既 ~

這個是圓型底, 比較難甩模, 但都 ok ~

這個是大d 既, 用返徒手甩模法 ~~

切開的豆腐戚風蛋糕, 但吃過豆腐味其實都不太重, 今次用左啡蛋, 建議用白蛋, 咁就不會蓋過豆腐的味道。

【乳香舒芙蕾乳酪蛋糕】~ Milky Souffle Cheese Cake ~ 附食譜

這個蛋糕是為今個月生日壽星而整既 ~ 又簡單又好味 ~~

重點是今次用新焗爐整, 效果都不錯, 這但 milky soufflé cheese cake , 比一般 cheese cake 輕身同有奶香味, 因為是加忌廉和蛋白。

壽星 Ringo

壽星 Sharie

有 bear bear 熊既 cheese, 超可愛 ~~

壽星切餅 ~~

因為呢個 cheese cake 真係幾好味, 再加上食材是一次過用完唔會浪費, 附上食譜比大家參考 ~ (食譜來自【我愛乳酪蛋糕】)

材料 :
忌廉芝士 250g
砂糖 60g
蛋黃 2隻
淡忌廉 200ml
檸檬汁 1茶匙
脫脂奶粉 3湯匙
栗粉 3湯匙
裝飾糖霜少量
蛋白霜 :
蛋白5個
砂糖 30g


事前預備 :
1. 先將忌廉芝士放軟
2, 蛋黃從冰霜取出
3. 蛋糕模先塗上浴牛油 (請用甩底模)
4. 用三層錫紙包好蛋糕模, 防止入水
5. 焗爐預熱 160度

做法 :
1. 將忌廉芝士和糖打起, 攪至軟滑, 分兩次加入蛋黃 (一次落一隻), 再用攪拌機打勻。
2. 將淡忌廉分數次加入 (1) 拌勻, 再加人檸檬汁攪勻。接著加入薛過的栗粉和奶粉, 攪至沒有粒粒, 最後將所有材料過篩一次。
3. 打起蛋白霜 (蛋白加糖) 至八成企身, 將蛋白霜分3次加入 (2) 拌勻, 倒進蛋糕模, 並在烤盤上放上熱水, 以 160度焗 45 ~ 50分鐘。 (若途中乾水請再加水)
4. 出爐冷卻後放入雪櫃3小時以上才脫模, 最後灑上糖霜即成 ~

【草莓白朱古慕斯】 Strawberry white chocolate mousses

今次整呢個 cake都是跟 【幸福甜蜜の蛋糕點心DIY】裡面一個好靚既蛋糕，不過食譜就改良左, 之後會後補架啦 ~
上面果層是草莓果凍, 酸酸地, 同白朱古力 mousses 很對味 ~
因為個餅削左少少, 唯有用其他野黎遮醜啦 ~~~
原先個餅係咁既 ~~
今次是三月份壽星飯局, 我地去左東寶, 掛住吃無影相, 因為大好味啦 ~~ 多謝大家 !!

【食譜】
手指餅海綿蛋糕 :

材料 :
蛋白 45g
砂糖 15g
材料 A : 雞蛋 半個, 蛋黃 半個, 杏仁粉 18g, 砂糖 18g
麵粉 20g
糖粉 少許 (我沒有使用)

草莓泥

材料 :
草莓 75g
材料 B : 冷凍木莓 (我使用了 Raspberry) 15g, 砂糖20g, 水 9g, 玉米粉 3g,
魚膠片 : 3g
水 : 3cc

白朱古力慕斯

砂糖 40g
水14g
全蛋37g
蛋黃 45g
白朱古力 107g
魚膠片 4g (浸軟助溶)
已打起淡忌廉 190g

造法 :

1. 先預早一天做草莓果凍, 將草莓一粒切成3 ~4片的薄片, 然後和 B 材料一起放入鍋內煮2分鐘, 最後放入已助溶的魚膠片。
2. 在1個 12cm 的慕斯圈上鋪上保鮮紙, 並將煮好的果凍倒入模中, 放入雪櫃。

3. 凝固後將果凍的底作為面, 放在 15cm 的慕斯圈內(當然也要鋪好保鮮紙)。

4. 手指餅蛋糕, 先將材料A拌勻, 另外將蛋白和糖打起。

5. 將打起其中一半的蛋白加入A 料, 最後加入麵粉和 另一半蛋白, 用唧袋唧成兩個一大(15cm)一小 (12cm) 的圓型底座

6. 焗爐預熱 170度, 焗15分鐘。

7. 白朱古力慕絲, 先將砂糖和水煮至121度, 蛋和蛋黃打至杰身。

8. 將煮好的糖水撞入打起之蛋內, 成為沙巴翁。

9. 白朱古力坐溶, 加入"8", 再加入魚膠溶液。

10. 分兩次加入打起之淡忌廉。

組合 : 草莓果凍 --> 白朱古力慕斯 --> 手指餅蛋糕(12cm) --> 草莓--> 白朱古力慕斯 -->手指餅蛋糕 --> 一起放入雪櫃直至慕斯凝固, 倒轉脫模即成。

覆盆子朱古力慕斯蛋糕 【Cacao aux framboises】

今次encore 呢個覆盆子朱古力慕斯蛋糕, 因為阿花千金話好靚, 想試下, 於是我就再整, 不過今次整腰果花型 ~

上次整既時候朱古力 mousses 太硬, 想話改良朱古力 mousses, 點知今次仲硬 !!! 甩模時又唔靚, 激死 ~~~ 不過因為時間的關係, 無機會再做啦! 唯有頂硬上, 花千金, 呢度真係唔好意思啦 ~~ 下次再整好味既 cake 比你 ~~

花花準備左非常 colourful 的 happy birthday candles ~ 為個 cake 增添不少色彩 ~~

Anyway ~ 多謝花花餐飯 & 咁你累都要出黎同我慶祝 !!! Thanks !!!