3D 立體鋼琴造型蛋糕 《3D Piano Cake》

今次是代公司 Boss 去學蛋糕班, 所以原先對呢樣蛋糕興趣不大, 但都想知點整個 Piano 出黎, 於是用左 working hours 黎學 ! 感覺好正 !

首先焗一個海綿蛋糕, 用焗盤就可以了 。

跟住栽出兩個三角鋼琴的型狀兩片。

在第一層塗上忌廉和放上生果。

生果有芒果, 奇異果和士多啤梨, 不要切太細粒以免出水。

舖生果時留返琴鍵位不要放生果。

將另一塊蛋糕切開琴鍵位位置, 造成一高一低, 再舖一層薄薄的忌廉。

用之前預備好的朱古力膠作鋼琴的圍邊。

切開朱古力膠數片將鋼琴圍住, 上面再鋪一層生果。

這是老師的製成品 !

這是我的製成品 ! 上面鋼琴蓋和鋼鍵分別用黑朱古力和白朱古力繪成 ~

簡易芒果拿破侖

就是這個手掌般大的拿破侖 ! 材料好簡單 :

材料：芒果，酥皮,吉士,做法:酥皮上放上吉士,再加上酥皮,加芒果在上面即成。

有日見到 Couponana 有個團購優惠, 就是 “$150跟8度海逸酒店行政總廚學整西式甜品(原價$300)”, 我同契媽揀左學芒果拿破侖, 但一去到, 見到檯面已經有兩塊焗好的酥皮和一個芒果, 就有d 失望, 因為估唔到酒店呢個行政總廚是叫人地去超級市場買現成酥皮做拿破侖 !! 仲要焗好埋比你, 得手掌咁大個既拿破侖, 如果真是整比人生日就真是失禮死人 ! 由於本人在節食中, 所以沒有試味, 據阿仔報告, 味道是 ok 的, 但早知我地兩個夾埋 $300 去 Tony Wong 度買 cake 好過啦 !

新模具+工具

聖誕將至, 早前行過 CitySuper, 已經有好多聖誕既整餅用具同埋飾物, 我見到就不其然想買啦, 除左 CitySuper 之外, 在中環既 Complete Deelite , 也是代理很多 Wilton的產品, 這家公司在美國很出名, 於1929年創立於美國芝加哥, 為一所專業的裝飾蛋糕的學校, 在Complete deelite 定期都有蛋糕班教你點樣 decorate 個蛋糕, 佢地當然是教你用 butter cream 同 fondant, 是一d好肥同好甜既野, 不過就可以整出多款的蛋糕裝飾, 尤其是3D 蛋糕, 因 fondant 能塑做唔同的形狀。除賣整蛋糕用品外, 佢地仲有大塊棒棒曲奇同埋 cupcakes 賣, 我見都有人專程上門買 cupcakes, 買用品的人反而比較少, 可能是價錢問題吧 ~ 原先見到呢個巨型cupcake 蛋糕模好想買, 但見到實物時, 呢個模叫做 giant cupcake, 真係好大, 我個焗爐應該放唔落, 價錢盛惠$380...即時打退堂鼓 !

買左本書, 是cake decorating的基本做法, 有介紹 butter cream, icing 的 recipe, 唧咀的介紹等。

大塊曲奇棒棒 ~

切蛋糕器, 以後切餅唔會歪啦 !

玫瑰花較剪

朱古力裝飾膠模

朱古力撻型膠模

聖誕曲奇模

聖誕印模

糖霜曲奇材料 ~ 12色色膏 + 蛋白霜
大出血....

小富豪點心班 ~ 蓮蓉曲奇 ~~

Heaton 參加左 Regal Hotel 的小富豪會, join埋呢個點心製作班, 今日做既係 蓮蓉曲奇 ~~ 係咪覺得好奇怪 ? 因為師傅係米豬蓮中廚, 所以整曲奇都帶點中國色彩, 加蓮蓉做餡 ~~

師傅每人派左一d 已經搓好的曲奇同埋蓮蓉餡, 比大家任意發揮 ~~ 你睇 Heaton 幾專心 ~~

我都有幫手整架 ~ 我整左右上面果隻豬 同下面隻貓, Heaton 都整左一隻豬同烏龜, 但唔知點解烏龜d手腳唔齊....

出爐啦 ~~ 都係豬仔最得意 ~

是日製成品 ~ 想睇多d 相請去 Facebook ~

蝴蝶酥 【Palmier】

又去Winnie 姐度學野啦 ! 今次是學蝴蝶酥 ~ 好想試下自已整呀 ~ 不過原來整蝴蝶酥可以好簡單, 亦可以好唔簡單 ~

簡單就是買張酥皮返黎整, 唔駛煩, 唔簡單就要預早一日搓舊粉, 我地仲要搓足2個鐘....好攰呀 ~呢底整好, 開始入爐 , 蝴蝶酥要呈 "V" 型, 等佢可以有位脹起d酥皮 ~
好靚呀 ~ 好多個心型! 焗到一半時拿出黎掃糖水 ~ 今佢上色 ~
出爐啦 ~ 似唔似街買果d 呀 ?
呢款係玉桂味 ~

一共整左三款, 仲有一款是檸檬味, 我最鐘意檸檬味 ~

蘋果杯子蛋糕 及 蘋果金寶

今次去 Winnie 姐度是親子烹飪課, 仲同埋 Bella, 倩怡同浩然一齊學, 同上次父親節 cup cakes 差唔多, 今次係蘋果杯子蛋糕 ~ 首先將牛油, 糖打起, 加入蛋及自發粉, 最後加人青蘋果粒。

放入紙杯度, 就可以焗啦 ~
焗出黎又幾靚幾好味, 我同豬囉一人吃左一個先, 仲有4 個可以拿走 ~

另一款蘋果金寶其實就係蘋果批入面d 餡加金寶, 不過趁熱食好味d ~ 首先煮蘋果 ~
跟住放上金寶, 合桃, 就可以入爐。
焗完就可以食得 ~~

小朋友無野做等出爐, 你睇下 Heaton 係度做乜呢 ???

Happy Father's day ~ 父親節 cupcakes 仔

父親節同阿仔去左 Winnie 姐度親子班 ~ 整父親節 cupcakes ~ Heaton "畢" 雪糕 ? 不是, 係將d 蛋糕漿放入紙杯度 ~
預先設計一下個 cake 點整 ~
焗好啦 ~ 整左 6 個蛋糕仔 ~~
其中一個是有士多啤梨既 ~

呢個最靚 ~ 唧左朱古力 cream ~

得五個帶走 ?? 因為 Heaton 即場食左一個 ~~

腰果曲奇 + 腰果酥

又去winnie 姐度學曲奇餅, 今次就是澳門風味的腰果曲奇同埋泰式腰果酥 ~ 呢盤就係腰果曲奇 ~ 但唔記得影製成品個樣, 因為送晒比 Thiess , 兔仔同車妮佢地, 希望佢地鐘意食 ~~

呢個就是腰果酥焗緊個樣 ~ 原未要腰果鬆化, 先要泡熱水再焗乾, 咁就會好鬆脆 ~

焗起啦 ~~ 食到停唔到口 ~~

四款曲奇

又去 winnie 姐度學野啦, 今次係學幾款曲奇, 但其實我自已都整過好多, 之不過想要佢個 recipe, 所以都去學下啦 ~~

第一款係 ~ 香橙紅莓曲奇 , 味道好清新, 四款曲奇之中我最鐘意食呢隻 ~

第二款 ~ 川椒榛子曲奇 ~ 呢款就其實是曲奇四重奏的變奏版, 人地本身是朱古力榛子底加川椒, 今次呢個就並不是朱古力, 只不過是用左黃糖, 所以比較深色, 辣味亦唔多夠, 下次自已整可落返多d ~

第三款 ~ 五穀果仁曲奇 ~ 食落有d 係麥維他, 但我就不太好, 因為佢加左好多果仁, 好有趙口, 所以唔係個個鐘意, 不過感覺好似健康d ....

最後一款 ~~ 莫加杏仁曲奇 !~ 故名思義, 就是咖啡朱古力曲奇加杏仁, 但因為份量加多左朱古力, miss 又無加返咖啡味入去, 所以其實我是吃不到咖啡的味道....
期待下一堂的腰果曲奇 ~~