姐卵 World Tour 2007

終於等到啦 !! 足足等左3年，我偶像終於來港開演唱會啦，就講翻11月得知呢個消息，都問朋友借信用卡預購，但當我打通個電話時，已經無晒$480 門券，唯有問下有無人羅到飛或者等公開發售。

到左公開發售果日，都非常驚險，話說果朝早Sharie 打SMS 比我聽到收音機話當日公開發售，我即刻唔知點算，於是問佢借張信用卡打電話去URBTIX 電話訂飛啦，點知打好耐都唔通，都係lunch 落太古買飛算啦，一到lunch 飛的落太古通利，好彩得幾個人排隊，應該仲有飛賣，我偷聽到前後都係買Jay concert, 仲諗住同期仲有劉華concert, 應該都好多人買，但比我想像中少。

差唔多輪都我果陣 ~ Shit !!! "不接受EPS購買門券"，我又帶唔夠錢，又無credit card, 諗緊唔知點算好，過左13:00 開始多人排隊，唔可能重新排過，於是打比在附近返工的Samuel , 但搵唔到佢，於是又打比ah wing, 但時間已經唔容許我再等，於是硬著頭皮叫後面個女仔幫我睇住個位，我以9秒9速度走返落地鐵度襟機，Samuel 打比我話去左西灣河食飯，但我已經襟緊錢，我再用9秒9跑返去通利，岩岩輪到我後面果個女仔，真係唔該晒佢，如果唔係佢幫我霸位，我買唔到等左3年既姐卵concert !!!!

最後我只買到$480 最後一行~~ 20 行，其他都已經內部應購晒，係呢到都要多謝Sharon 同買Danny , 無你地既幫忙我無可能買到另一場第一行既飛 !!!!! 真係唔該晒你地 !!!!!!

好期待終於等到果日，我分別睇12月7日 $480 (第一行)，同埋 12月9日 $480 (第二十行)

12月7日係第三場，當日家賓係許志安，唱左睛天，都幾好聽，最正當然係自彈鋼琴自唱部份，同埋真係超近的關係，好後悔無帶相機，最遺憾係無唱到青花瓷，心雨等，男拳媽媽唱得太耐，搞到好多人去toilet, 同埋我鐘意以前果隊男拳媽媽多D, 而家好idol feel, 唔知做乜。

12月9日係第五場，原先係尾場，但後來加左兩將場變左唔係尾場，嘉賓係柯有綸，更加唔知有乜歌，當日最正係唱左籍口，自彈自唱"蒲公英的約定"實在大正 !!!!!! piano solo 太好聽 !!!!
另外仲有accoutic 版既霍元甲 同埋雙截棍，十分正及完全變左第二首歌，真係好勁 !

其實真係想睇晒咁多場，但經濟不能負擔，亦實在費事比人話我太癲既關係，睇兩場都好滿足，期待下次再黎香港開演唱會同埋佢套"功夫灌藍 !!

好耐無update 個blog

好耐無update 個blog ，因為太忙，又掛住玩facebook , 個電腦有壞左，可為鬼煩，我過年前實換鬼左佢 !!!!!!

換電腦有乜可好提意呢 ？買套裝機好定砌機好 ？我已經唔想再諗買乜野parts, 因為好鬼煩
!!!!

姐姐跌左條雪條

今日阿仔畫班新作, 題目 ~ 姐姐跌左條雪條

繁忙依然

已經踏入10月尾, 繁忙依然, 究竟幾時可以解脫, 真係好想唔做呢份工, 就比自已一個期限, 如果年尾都係咁, 我想都要再遞信先得, 因為真係好惡頂, 連我個拍擋都話年尾會走, 所以似乎年尾前都唔會有乜改變, 你地覺得點呢 ~~

去我大佬屋企食飯

禽日阿媽打黎,叫我地一家去大佬屋企食飯,阿豬囉同表妹一齊合照

阿媽煮既菜 ~

油泡蝦

蒸魚

豉油雞

毛豆肉絲筍乾

蠔油雜菇

好鬼忙....

我已經連續番朝九晚九幾日啦, 今晚仲要放23:00, 都完全未做過今日既野, 你地話點萛好? 仲要有人比說話你聽, 真係想死, 講老實話, 野就一定要做, 但仲要比人話, 個心真係好唔順, 究竟之前既決定係咪錯左??
新人應該都唔會做得長, 皆因大家都話佢怪, 但珍妮叫我決定, 我都唔知應該叫佢地請過個定係睇定D先, 我又唔知佢點諗, 不過睇個勢, 新同事都應該唔係咁enjoy 呢個job, 因為真係好厭惡下, 同埋2個人都係做唔晒D野, 我又好相快d甩身, 如果要等佢再請個人番黎, 又好難擔保一定好.

如果明天再比人話, 我就會慢慢dump, 橫豎都係, 做又話, 唔做又話... 唉, 受多人幾分錢財, 好似你命咁....
舒發完畢.

新同事終於番工

上個week新同事終於番工，我無變得空閒，反而日日朝九晚九，做極都唔完，好鬼辛苦!!!!

但係個新同事可能做得太耐老電，已經係一名"油條"，並不"Smart"，我諗可塑性唔高，中途斷纜的機會好高。

珍妮已經比說話我聽話如果我覺得佢唔掂就唔好留佢，因為盞搞。 我覺得一個week 未係好睇到實況同埋辦事能力，可能仲未同我地熟，佢都唔係好出聲。

我已經好辛苦，如果叫佢走，又要再等另一個，我都唔知點決定好，你地話呢 ?

亞細契，你人面咁廣，你可能識佢播，因為佢係IOS果陣是LHK的。