阿皮日誌

2008年4月3日星期四

Norah Jones Live in New Orleands 2003

一日行過灣仔298隔離碟鋪, 見到有 Norah Jones Live DVD 賣, D歌我未聽過, 但見都係$39, 於是買黎睇下, 不料, 原未裡面 Norah 唱 old time jazz, 好country 味, 唔係咁岩, 係後來果首歌I've Got to See You Again 叫好少少, 唱返自 style, 好彩都係 $39, 唔肉痛。
Tracks :

Cold Cold Heart
Nightingale
One Flight Down
Seven Years
Feelin' the Same Way
Come Love
Something Is Calling You
Come Away with Me
What Am I to You?
Painter Song
Lonestar
I've Got to See You Again
Bessie Smith
Don't Know Why

終於比我買到 !

身為一個忠實 Fans , 一定要儲齊偶像既野, 但因為當時唔捨得, 所以一直無買 Jay 2004無與倫比live既CD +七里香大碟 MV DVD, 因本來已經買了live DVD, 就唔想再買相同既野, 但諗諗下無得就咁買七里香大碟MV DVD, 但想買既時候發現已經絕左版無再出, Yahoo Auction抄到 $280, 當我絕望之際諗住要買日本版, 點知比我見到佢出番 !!! 勁開心, 最後用左 $119有 HK records買左, 跟住又走左落 HMV, 又有, 不過要 $155, 但我都買左頭文字 DVD $69, 我唔知係咪最平, 但我見唔係度度有, 所以我買左。

另外功夫灌籃出左啦, 其實我無去戲院睇呢套戲係因為我無信心, 唔同 "不能說的秘密", 因為我見到 ah Sa我就唔係咁想睇, 懶係青春愛情勵志片, 所以我都係等出碟。
好彩無去戲院睇, 故事情節單薄, 又抄” 少林足球”, 但又唔好笑, Jay扮 cool好過扮戇居 , 觀眾對像似乎比內地人睇多, 總括黎講我覺得個製作特輯好睇過套戲, “黃金甲”都好過佢, 如果你唔係 Jay Fans, 可以唔駛睇。

2008年4月1日星期二

大發現

星期日我經過灣仔道, 見到開左間碟鋪, 係賣 DVD 的, 我開頭諗住佢得韓劇同台劇, 點知日劇同埋外國電影, 片集都有好多, 大部份都係$48一套, 三套$120, 都幾扺, 最正我見到有 Starwar Episode I ~ VI 全集都係 $100, 係DVD9, 二話不說買左三套日劇同埋一套 starwars, 豬囉猛叫我放低套 starwars因為佢話我地已經有仲買, 我話唔同架, 呢套係 DVD, 之前買果d係 VCD, 同埋$100 都值得收藏, 佢係得兩隻碟, 包裝都 ok, 下次我會買埋 Harry Porter + The lord of ring set , 都係 $100 , 日劇我就買左神探伽利略, 點與線同埋爸爸想睇返 Engine, 但要買就快, 呢d鋪頭通常唔開得耐.

2008年3月25日星期二

烤爐印度餐廳

20/3 同大強, Ringo, Bono 去左 Bono 介紹既印度餐廳食野, 位置坐落在天后電器道室內街市上面, 大排檔風味但唔多人, 由印度人煮理, 我地叫左印度燒雞, 各款薄餅, 有蒜蓉味, 芝士味, 香蔥味及原味, 另外再叫左個牛油雞加辣, D汁好好味, 辣味亦剛剛好, 另外再叫左咖哩牛腩, 但味道頗中式, 另外再加多個鑊仔牛脷, 味道亦唔錯, D牛脷好入味, 原先呢味菜無汁, 不過我地叫佢加汁用黎送薄餅, D汁同咖哩牛腩差唔多, 我個人覺得加辣會好味D, 但有人唔食得咁辣, 所以我覺得牛油雞最好味, 大強同Ringo都叫左印度啤酒, 佢地話估唔咁好飲, 不過問過老細, 應該出面買唔到, 所以要飲唯有去食印度餐先得啦 ~

陶喆123木頭人世界巡迴演唱會2008

22/3 買左飛睇陶喆演唱會, 今次係同阿詩去睇, 亦係第一次睇佢既live, 之前我淨係睇過佢既 live DVD, 知道佢現場都好唱得, 我一向都有買佢既碟, 所以我買左最平果隻 $150飛.
今次個舞台係3面台, 我地都屬於 ”山頂既朋友”, 但對正舞台所以都睇得清楚, 但唯一唔好就係當但大 mon 播緊 video 果陣可以睇大 mon, 但無野播果陣黑晒無野睇, 又唔映下隊 band, 對於我地山頂既朋友跟本唔知個 artrist做緊乜, 雖然佢把聲好ok, 但唔夠互動, 佢有一 part係唱歐西懷舊金曲, 我知道有d本地人並唔受落, 有d人悶到訓著左添, …
是晚演唱會並沒有嘉賓, 主要由 Band中唱和音成員包辦, 其中一女和音仲百般武藝, 樣樣樂器都識, 包括 Trumpet, 小提琴, 結他等, 仲唱得, Band中包括來自各地既人士如星加坡, 馬來西亞, 美國, 台灣同香港, 陶喆唱左好多首經典歌曲, 但多數從新編曲, 唔聽到唱出聲果刻都唔知唱邊隻歌, 所以好多人會有悶既感覺, 因為好似未聽過首歌咁, 好彩” 普通朋友” 用番原裝 acoustic木結他版, 所以好好聽, 仲有佢果位外藉結他手 “ Jimmy Wilson” , 有睇佢演唱會既觀眾都識得佢 !
仲有度好好笑就係David請台上一名觀眾陪佢上台唱”流沙”, 點知請左個日藉美女, 識少少國語及廣東話, 但我諗佢英文唔係咁得, 因為後尾 David問佢” 你叫什麼名字?” 她沒有反應, 再用英文問” What’s you name ?” 果個女仔用普通話講 “我很高興!” David回應一句 “ I know this is not your real name….”勁搞笑 !
總括黎講都幾好睇, 但係緊係無 Jay咁好睇啦, 氣氛都好唔同, 不過下次再開我都會睇既 ~