【聖誕脆糖曲奇】

又到聖誕! 今年都是好多野想整, 但因為太忙既關係, 有d 想整的野都是整唔到, 今次適逢Thiess 回來香港過 Chrismas, 我地就出左黎吃飯, 今次就整左聖誕脆糖曲奇比大家做伴手禮 ! 好鐘意在心甜買既曲奇袋 ~ 非常靚 !!
今次做左好多款, D fox's 果汁糖用刀切細佢原來最方便, 不過因為我整餅時掛住講野, 所以唔記得落雞蛋, 自已試味就是硬左少少...不過希望收到禮物既你唔好介意 ~~ 祝大家聖誕快樂 !!!

澳門五星級+星之旅豪華遊

首先恭喜陳生陳太結婚週年快樂 ! 應陳氏夫婦的邀請, 我地一行10人, 一到濠江遊玩, 此行重點是放低d 細路, 盡情亨樂, 亦都好多謝陳生陳太悉心的安排, 令我地享受一個五星級之旅 ~

我地乘搭 13:00 的船, 在豪華候船室巧遇視帝 "柴九哥", 大人大姐的我地當然只是望望下, 點知見到有人要求同阿柴九哥影相, 我同 Brenda 當然唔執輸, 成個婆仔咁要求柴九哥同我地合照, 佢當然好 nice 咁同意我地的要求啦 ~ 真人比上鏡真是再瘦d !

到達左濠江之後, 我地先去酒店, 睇下間房先 ! 我地今次住既係新濠峰, 都是今年才開幕的新酒店 ~ 我地3 pair 人分別放底行李之後, 到陳生陳太住果間"總統套房" 參觀 ~

間總統套房大過豪宅, 相信都有3000 呎, 仲有一個好靚的廚房, 最靚是個化妝間, 彷如置身後台, 超 pro !

由於第一站是去做 Spa, 所以我都無帶相機, 沒有拍下套房同Spa 的設備, 有點可惜...

Altira 的Spa 很出名, 獲得Forbes五星殊榮, 今次有幸一試, 平時唔多做 Spa 既我, 都唔理咁多啦 !

我同大強安排左一間 Spa 房, 分別有兩個師傅同我地按, 其實我覺得有d 泰式 feel, 首先我地沖個涼, 可以焗蒸氣浴, 按摩池同各式的淋浴, 跟住我地先做腳, 黎一個磨砂, 然後就做 body massage, 舒服到訓著咁滯 ! 做完 Spa有茶點食, 有甜有咸, 仲有止咳涼茶提供 ~
做完 Spa 之後我地去威尼斯人睇ZAIA show, 其實即是睇外國人玩雜技, 有空中飛人, 拋圈, 跳彈床, 軟骨功等....最特別的是 background music 是現場 live band , 包括唱歌, 真係好 pro 呀 ~ 因場內也是嚴禁拍照, 所以乜都無影啦 ~ 睇完 show 我地返去酒店的意大利餐廳吃晚飯, 呢度是榮獲今年度澳門米芝蓮一星的餐廳 ~
大強話個羊扒好好味 ~

吃完晚飯我地去左 MGM 娛樂左一下, 斬獲$250 ~ 跟住我地去左Club Cubic 玩, 唱卡, 跳舞, 盡慶呀 !!
由於好夜至 sleep, 所以主人家細心地為我地安排左 Sunday Brunch, 由11:00 吃到 16:00, 呢個 brunch 同樣在Aurora, 特別在呢度既brunch 是香檳任飲, 鵝肝任食, 刺身仲好新鮮 ~ 仲有每人都有一個pasta, 非常好味, 但可惜吃唔落法式薄餅...希望下次有機會再試 ~~

最後奉上心大軟, 正 !!!

吃完 brunch 以高速時限到威尼斯人買野, 同買手信, 跟住搭船返黎, 落船時見到城城同謝婷婷, 城城直頭同我地一齊過 e-道呀 ~ 今次仲唔係星級之旅 !!

新模具+工具

聖誕將至, 早前行過 CitySuper, 已經有好多聖誕既整餅用具同埋飾物, 我見到就不其然想買啦, 除左 CitySuper 之外, 在中環既 Complete Deelite , 也是代理很多 Wilton的產品, 這家公司在美國很出名, 於1929年創立於美國芝加哥, 為一所專業的裝飾蛋糕的學校, 在Complete deelite 定期都有蛋糕班教你點樣 decorate 個蛋糕, 佢地當然是教你用 butter cream 同 fondant, 是一d好肥同好甜既野, 不過就可以整出多款的蛋糕裝飾, 尤其是3D 蛋糕, 因 fondant 能塑做唔同的形狀。除賣整蛋糕用品外, 佢地仲有大塊棒棒曲奇同埋 cupcakes 賣, 我見都有人專程上門買 cupcakes, 買用品的人反而比較少, 可能是價錢問題吧 ~ 原先見到呢個巨型cupcake 蛋糕模好想買, 但見到實物時, 呢個模叫做 giant cupcake, 真係好大, 我個焗爐應該放唔落, 價錢盛惠$380...即時打退堂鼓 !

買左本書, 是cake decorating的基本做法, 有介紹 butter cream, icing 的 recipe, 唧咀的介紹等。

大塊曲奇棒棒 ~

切蛋糕器, 以後切餅唔會歪啦 !

玫瑰花較剪

朱古力裝飾膠模

朱古力撻型膠模

聖誕曲奇模

聖誕印模

糖霜曲奇材料 ~ 12色色膏 + 蛋白霜
大出血....

Ball & Wing's 生日飯@ 龍門夜宴 【黑森林蛋糕】+【紅莓乳酪戚風蛋糕】

因為呢個月好多朋友生日, 適逢灣仔龍門大酒樓光榮結業, 就阿 ball & ah wing 生日, 我地就黎龍門吃龍門夜宴 ~ 因為當晚無餐牌, 只有叫套餐, 我地就叫左個套餐再加菜~

燒味併盤

八寶鴨

霸王雞

茄汁蝦

冬瓜茸羹

西蘭花帶子花姿片

大斑兩味

其實都唔平, 可能是因為就黎結業的原故, 不過我都拿走左訂位個牌要黎做紀念 ~ 跟住我地去左 Trafalgar 飲野, 我地去果度先切蛋糕 ~

ah wing 既紅莓乳酪戚風蛋糕

ah ball 既黑森林戚風蛋糕

壽星合照今次呢個蛋糕我我係首次徒手甩模, 好神奇之餘又幾好玩喎 ~

立體壽桃蛋糕

係呢個繁忙既11月, 好在阿仔功課都唔太忙, 都仲可以整到蛋糕, 今次呢個慶祝我公司阿姐大壽整既【立體壽桃蛋糕】, 又好彩比我買到芒果, 都算甜喎, 又唔貴喎 ~

呢個就係個壽桃既正面啦, 我都是第一次鋪杏仁膏, 叫做過得去啦....不過下次可以再好d ....
切開係咁既, 不過應該多返d 芒果, 但我又怕個蛋糕太高...anyway , 送阿姐生日快樂, 日日都咁開心同埋身體健康 !

香蕉Oreo軟芝士蛋糕

同一個birthday gathering, 我又整左另一個餅慶祝Ms yellow 既生日, 當然佢也是要吃佢最 like 既香蕉 ~~ 佢話想試 香蕉Oreo軟芝士蛋糕 , 於是我就整左 ~

不過可能唔夠實, 所以個蛋糕比較黏口 ~
雖然我自已麻麻地鐘意 cheese cake, 不過希望你鐘意啦 ! 另外果日真係辛苦晒啦 !!

香蕉榛子蛋糕

花花生日, 今次因應佢既要求, 整左個香蕉榛子蛋糕, 食譜參照 Vanlily 既 recipe

因為不是做圓型，所以朱古力淋面只做了表面, 則面我用香蕉砌了個圍邊。

但因為時間唔夠, 個淋面其實未 set 晒 , 所以有d 漏邊 ~
砌開個樣 ~ butter cream 比例多左d , 下次要預返岩, 不過好在太家都話好味 ~ 花花, 希望你鐘意啦 ~
Banana mousses 有剩, 整左個迷你版 ~ 請 Heaton 食, 佢話好好味呀 ~