韓劇 - 【秘密花園】 景靚 soundtrack 正

劇情唔講啦, 因為好多人睇過 & 大概都知佢講乜, 主線都係一般偶像劇骨幹, 有錢仔配窮家女, 但多左d 新元素, 但我覺得最正的就是劇中的取景靚, soundtrack 又好聽, 尤其是男主角金朱元的家出面果塊草地, 真是正到無得頂, 好想去行下 ~

就是這片草地

兩人表白的時候

冬天雪景一樣咁靚

交換身體後羅琳教朱元功夫

玄彬唱既 - "那個男人" ~ 好聽呀 ~~

Toys Story 【You've got the friend in me】

近排我個仔日日沖涼都唱呢首歌, 但又唱錯歌詞, 所以整左呢版比佢方便一路睇 MTV 一路唱 ~

Lyrics | Randy Newman lyrics - You've Got A Friend In Me lyrics

【Chocolate heart shape box】 心型朱古力寶盒

首先祝大家情人節快樂 ~

又到情人節啦 ~ 不過年年都是無乜特別, 唔想同人迫, 留在家中是一個很好的選擇 ~
因另一半唔愛吃甜點, 所以簡簡單單整左個朱古力心型盒, 原先想整埋個蓋, 但唔夠材料, 所以只是整左個 bowl ~
入面全都是例模朱古力, 有心型, 星星, 和玫瑰花 ~ 第一次用個玫瑰花模, 好好玩同埋好得意, 效果幾理想 ~
為左個邊靚d, 加左白色朱古力做 lace ~ 靚晒 ~
昨晚行街都買左好多野, 在 muji 見到呢個迷你冬甩模, 好得意, 所以買左 ~ 另外在 citysuper 買左兩個朱古力模, 一個整球型朱古力波 (大個), 另一個是整鑽石型朱古力, 好想快d 試下 ~~~

【椰汁鯉魚年糕 Coconut Glutinous Cake】 ~ 附食譜

今年想整年糕, 整左個又有好意頭又得意的鯉魚年糕, 祝大家年年有餘, 新春大吉 ~~

食譜 :

份量可做小型鯉魚3條 或十二條迷你鯉魚

材料 ︰

•糯米粉 200克
•澄面 50克
•冰糖 200克
•椰漿 130克
•熱水 200克
•食用色粉 / 水浴性食用顏料 適量
用具︰

•蒸魚模
•蒸魚架
•打蛋器及毛掃

年糕製作︰

1.冰糖加熱水煮溶，待涼後加入椰漿
2.加入糯米粉及澄面，用打蛋器打至滑身
3.扣起少量面糊 ，加入食用色粉拌勻
4.模內掃上食油 (避免眼睛位置)，先用黑色糊點好眼睛蒸一至兩分鐘
5.眼睛定位後再將橙色糊不規則倒在模上
6.將椰汁糊注入模中
7.隔水蒸約一小時即可 (迷你魚只需蒸三十分鐘)

港樂聖誕夜

今次是因為得獎有免費門券觀看, 情況緊急之下, 家人無法陪同, 很多朋友都有約了, 最後找到樂樂陪我睇, 非常多謝她沒有叫悶離場。

但因為港樂今次人數不是太多, 音樂較細聲。另外英國指揮畢克特及女高音高伊音因希斯羅機場大雪被封故不能應邀到港, 所以曲目和指揮都改動了, 個人覺得聖誕氣氛不太夠 !

其中有一首是海頓的 Trumpet Concerto (即是 “禽晚夜…個上海婆鬧我…” ) , 港人聽到可能覺得很怪 ! 還是比較喜歡聽 “新年音樂會” ，因為我鐘意聽柴可夫斯基多一點。
雖然是免費門券, 但位置也不錯, 不過我都小睡了兩次 !! 哈 ! 因為太舒服了 ~ 點都好, 多謝港樂 !

指揮 : 林敬基

巴赫：第三管弦組曲

巴赫：第三布蘭登堡協奏曲

海頓：小號協奏曲

韓德爾 ：《所羅門王》：沙巴女王之進場

韓德爾：水上音樂組曲

太古港樂星夜交響曲

星夜交響曲是一個戶外免費的音樂會, 舊年錯過了, 有朋友看過說音樂會氣氛很好, 不容錯過 ！所以今年一早便留意有關這個音樂會的動態。

相約了哥哥, 姪女和朋友們, 當然少不了我們自已一家人, 今次音樂會的指揮是蘇柏軒 (Perry So), 是港樂的副指揮, 年青有為, 個人認為除了他以廿七歲之齡就可以做到副指揮外, 加上口才了得 (中英文都很掂) 真是前途無可限量 !!

表演曲目方面主要是東歐的作曲家作品, 只有一首蕭邦的鋼琴協奏曲例外, 是為慶祝蕭邦誕生 200週年所演奏的, 還有為人孰悉的‘羅密歐與茱麗葉’, 最後是 “1812 – Overture” 結幕, 其間 “發炮” 時配合發放的煙花, 氣氛真好 !! 是晚 Encore 是 “胡桃夾子” , 增添了一些聖誕氣氛呢 !

Rundown :

指揮 : Perry So

德伏扎克 《狂歡節》序曲

蕭邦 F小調第二鋼琴協奏曲

穆索斯基 (林姆斯基-高沙可夫配器) 《霍凡斯基之亂》：第一幕：前奏曲─莫斯科河上的黎明

浦羅哥菲夫 《羅密歐與茱麗葉》組曲選段：蒙太基與卡布列堤家族、少女茱麗葉、晨舞、化裝舞會及泰巴特之死

柴可夫斯基 《1812節日序曲》

今次音樂會過後, 港樂亦舉辦了一個名為 “ The Story under the sky” 的徵文比賽, 我亦有參 加, 有幸獲取了免費的港樂聖誕夜的入場券, 真幸運呀 ! ~

有幸初次欣賞到太古「港樂•星夜•交響曲」, 當晚天公做美, 吹著微涼的風, 在馬場的草地內與三五知已和親人躺在大草地上, 一邊觀愛星星, 一邊聽著悠揚的樂韻, 好不享受 ! 最喜歡是揮浦羅哥菲夫 《羅密歐與茱麗葉》組曲選段, 那份澎湃的激情懾入我的心靈, Perry 不愧是國際浦羅哥菲夫指揮大賽的冠軍人馬, 以他的年紀已有這樣的功力, 真是前途無可限量。

柴可夫斯基的《1812節日序曲》之後, 觀眾們情緒高漲, 歡呼聲不絕於耳, 最後安歌奏上一首胡桃夾子, 增添了節日的氣氛呢 !

【聖誕糖霜曲奇】

今年多左手襪仔

又到聖經啦, 我已經好耐無整餅, 因為實在太忙既關係, 不過今次去 Stella 家開 Christmas Party, 有好多小朋友, 又唔知送乜野比佢地, 所以今年都決定整聖誕糖霜曲奇 ~~

今次用左 Wilton 既 roll out cookie recipe, 知道外國人吃得好甜, 所以糖由 300g 改左做 150g, 甜味剛剛好 ~~

雪花

Christmas Tree

Ladies 們收到係已經急不及待要開黎吃, 個個都話好味 ~~ Happy :p

今次仲有 mini 薑餅人同 mini 聖誕樹

襪仔

Snowman 同聖誕花 ~

薑餅人

http://www.wilton.com/recipe/Roll-Out-Cookie-Recipe