阿皮日誌

2009年2月10日星期二

台北自由行 ~ Day 3 ~ Part III

黎到西門町, 因為星期六, 咁岩有樂隊街頭表演, 是一隊全部都是17 歲既男仔組成 band, 叫 "Fun 4", 可以去佢地個 Blog 同佢地打打氣 ~
http://tw.club.yahoo.com/clubs/forFUN4
http://www.wretch.cc/blog/forFUN4

黎到西門町一定要吃 " 阿宗麵線" , 呢樣野實在太好味, 香港果d 完全唔係果回事, 雖然飽, 但都食返一碗先 ~

跟住我地去左 EZ' 5 睇 live show, 滅絕師太於早幾日表演左, 無機會睇到佢既演出, 真係可惜, 不過我地都諗住黎聽下歌 ~ 每位 NT700, 包2 杯無酒精既飲品, 都算抵 ~

http://www.ez5.com.tw/new/ 去之前請先買飛 ~

Saturday 表演有三位, 有吉巴奈, 黃中原同辛隆 ~ 表演於 20:45 先開始, 附近無野食, 於是去 Citycuper 求其食d 野算啦 ~

Foodcourt 有一擋小南門, 賣台灣野, 套餐 NT 110, 有魯肉飯, 有菜, 仲有豆腐花, 碗豆腐花仲大碗過飯.....
食飽飯, 行一陣就入場啦, 仲見到 "我很醜但我很溫柔" 既 "趙傳" 都有黎棒場 ~ 頭炮是吉巴奈 ~

吉巴奈-- 一個歌聲滿震撼力及爆發加的美麗女聲,最拿手的是英語歌曲.魅力直逼惠妮休斯頓,不容錯過的超級新星~比賽經歷:超級星光大道(星光四班PK賽)以一首白天不懂夜的黑PK成功 ~

把聲好好聽 ~ 我未睇晒星光大道4, 但佢真係好勁呀 ~ 點解人地是但搵個人都唱得好過香港d歌手架...

黃中原 - - - 找不到佢既資料, 只知道出過幾隻碟, 有d 似林志炫, 假音好勁...同埋佢都好識攪氣氛, 唱功也好利害 ~

辛隆 - 旺旺知道佢係邊個, 通常出現於綜藝節目中, 但本身是唱歌出身既佢, 唱歌都ok, 仲識模仿多個藝人既聲音 , 仲可以扮到 25 個咁多 ~

辛隆 - 辛隆自1998年站上EZ5舞台後就以多樣的表演方式展現出過人的才華，不論是深情款款的情歌或是奔放熱情的舞曲，都詮釋得淋漓盡緻！1999年更受邀至香港 Star East 為開幕演唱。2000年後更成功以模仿秀跨足主持界，成為家喻戶曉的全方位藝人

仲有隊 band 好正, 話彈乜歌就彈乜歌, 勁 ~ 隊 band 叫 Blue Corner ~

睇完 show 都成點鐘, 打的返酒店 ~~

EZ5音樂餐廳台灣, 台北市安和路二段211號886-2-2738-3995
(來電請於營業時間 pm 7:00-am 2:00)No.211, Sec. 2, An-Ho Rd, Da-an District, Taipei City 106, Taiwan (R.O.C.)

2009年2月9日星期一

台北自由行 ~ Day 3 ~ Part II

跟住我地去返去捷運木柵站, 去動物園行下, 其實我都黎過, 不過今次多左貓熊 ~~ 即係能貓, 佢地係"團團" & "圓圓" ~~

可惜入到去佢地訓左覺, 郁都唔郁 -_- " 所以我唯有同隻公仔影相啦 ~

睇完貓熊跟住仲有去睇下其他動物 ~~ 快速地遊覽一下個動物園 ~~

跟住我地就塔返車出去市區 ~ "支力支力" 地, 出去 High Tea 先 ~~

去左敦化果間小熊之家 ~

我地每人叫左一個花茶同埋點心, 是玫瑰花餅乾同朱古力蛋糕+雪糕 ~ 好味呀 ~~ high tea 完就去返西門町行街啦 ~

Cont'd .....

台北自由行 ~ Day 3 ~ Part I

第三日啦, 一起身落雨, 決定唔去平溪啦, 因為又唔想太趕, 所以一早我地轉軑去深坑吃豆腐 ~~

先行一轉睇下有乜野食, 先試 " 深坑豆腐雪糕 " , 個味有d "law law" 地, 佢話係咁個喎...都係正常果d 豆腐好味d ....旺旺食左個芝麻味, 都幾香芝麻味, 可以一試 ~

呢個就係深坑豆腐雪糕 ~

見到有花枝丸, 於是買左一串 ~ 好味 ~~

行完成條街呢間 "廟口老店"最多人, 於是入去吃深坑臭豆腐 ~ 好辣 !!! 但好好味 ~

最後就係吃呢間 "金大鼎" 串燒烤豆腐, 在街頭最多人排隊果檔, 你可以揀夾香菜或者泡菜, 我當然揀左泡菜啦 ~

都幾好味, 但真係有d 飽啦 ~ 食唔落啦 ~

Cont'd ....

台北自由行 ~ Day2 ~ Part III

今日主要都係食, 下一站就係去士林啦, 我次次黎都要去, 因為呢度d 野食同埋係咁多個夜市最正的 ~

由於岩岩吃完, 所以我都唔係幾食到野, 我揀左 " 大餅包小餅" 我次次黎都未試過, 今次終於試到~~ 我叫左肉鬆味 ~ 正 ~~

仲有大塊雞排 ~ 當然唔少得 " 愛玉冰" ~~~ 正正正 ~~~

驚熱氣, 返酒店前有西門町度買杯白苦瓜汁 ~ 賣野比我個男仔知道我地是香港黎既, 即刻同我地操流利廣東話, 原來佢係馬來西亞人 ~~

台北自由行 ~ Day 2 ~ Part II

買完 cake 去左六張犁 -- 阿蘇介紹果間 "明月湯包"吃小籠包 ~ 因為唔知道捷運邊個站出, 我地攪錯左, 行左好耐先搵到 ~~

佢有兩個鋪面, 我地去左新裝修果間 ~

由於唔係太肚餓, 只係叫左一客蟹皇湯包同埋招牌鍋貼 ~ 蟹皇湯包就非常之正, 超多汁個皮又薄, 不過個肉就可能比較瘦, 所以食落個餡比較乾, 個鍋貼就一般, 無乜特別, 無阿蘇講到咁跨張 ~

食完湯包, 我地去左行五分埔, 果度專賣衫, 好多是批發黎既, 價錢比較平, 但我無乜收獲, 因為無乜衫岩我 size ~~

行完就去左" 鬍鬚張 " 吃魯肉飯, 碗魯肉好香但無乜肉, 肥肉比較多 ~