2008年9月1日星期一

迷你月餅 ~ 個罐都好迷你 ~

就黎中秋節啦, 度度都賣月餅, 比起細個果陣, 而家真係多左好多款選擇, 有傳統既蓮蓉月餅, 奶皇, 同埋多到數都數唔晒既冰皮月餅, 冰餅我最鐘意食大班果隻, 個皮好好味, 第二間都係差d 野, 今年已經試左芝味黑魚子, 白玉荔人, 芝士味我麻麻地, 但唔難食, 荔枝味就幾正, 我會再買其他幾隻味試下 :P
早前行過奇華, 想買個奶皇月餅試下, 見到有個懷舊月鐵罐餅盒, 仲要係迷你裝, 是奇華70週年版, 入面有一個迷你金黃蓮蓉月餅, 盛惠$24, 因為太得意, 於是買左返去 ~~
呢個盒令我諗起細個果陣, 因為屋企人買開奇華月餅, 仲記得以前係用紙盒裝的, 我就唔係太鐘意食, 因為當時榮華出左白蓮蓉月餅, 覺得白蓮蓉無咁甜, 同埋貪新鮮, 都是靠親戚朋友送禮先有得食榮華同恆香果d白蓮蓉月餅, 屋企d奇華我就好少食, 但屋企人成日話金黃蓮蓉先至香, 好香蓮子味, 細個既我就唔識欣賞, 而家當然唔同啦, 因為而家無乜邊間有黃金蓮蓉月餅賣, 而奇華自已都因應市場既需要出左白蓮蓉月餅啦....所以呢個70週年迷你月餅罐都要買返黎留念下 ~~

3 則留言:

  1. 嘩~ 果然夠經典, 你記得儲起個餅罐, 以前每家每戶都儲好多..哈哈! 想起細個真係冇而家咁多選擇, 只係有得揀冇黃, 單雙三四黃, 同埋食定唔食..hee hee, 邊似現在餅店又多年年都出唔同款式..真幸福!!
    講到冰皮大班真係一哥, 佢都係我至愛冰皮一族....阿契仔媽, 我地呢排成日都話當年...點搞...我地年齡去選傑青都重可以玩好多屆wor....不過大家都有共回憶想起都開心!

    回覆刪除
  2. 個餅罐真係好經典 ~ 我一定要儲起佢用黎擺無謂野, 好似d婆婆咁....
    傑青無我地份啦 ~ 只歎句..老啦, 成日話當年...

    回覆刪除
  3. 哈哈,原來你都鍾意LEE個咁經典既餅罐...
    我都極之喜愛...因為,我都係一個婆仔...
    今年我希望到蓮香酒樓到買月餅...因為,嗰罐都一樣咁經典...
    heeheehee

    回覆刪除