2009年3月24日星期二

禮儀師の奏鳴曲

好耐無去戲院睇戲啦, 因為都無乜戲令我想入戲院睇, 呢套 "禮儀師の奏鳴曲" 被受好評,仲攞左奧斯卡最佳外語電影, 日本片都未試過, 就算係都是70年代黑澤明既德蘇烏扎拉 Dersu Uzala(1975年)獲獎, 呢套戲電影節睇過, 講俄文既, 都唔算係日本片, 節奏慢到訓醒一覺仍是同一畫面, 相對黑澤明大師既戲, 我都是鐘意"羅生門"同"七武士"多d。

故事好簡單, 講述小林大悟(本木雅弘飾)飾演的東京交響樂團大提琴手,因樂團老闆不堪虧損宣佈解散,而被迫放棄演奏家之工作。
失業後,他和妻子美香(廣末涼子飾)回到山形縣的老家,讀報時看到「旅途協助工作」的徵人廣告,以為是導遊工作之下前往應徵,後來才知道對方徵的是禮儀師(入殮師),社長(山崎努飾演)半推半就之下被說服開始工作。本懷著排斥心理的男主角,不敢告訴妻子這份工作之餘,及後曾因此工作被妻子唾棄。但大悟慢慢透過工作,對生命產生更深體悟,也因此鼓起勇氣面對失落已久的親情。

套戲好流暢, 表達正接, 真摯感人, 有幾個位都不其然令人掉眼淚, 但有些地方又會引人發笑....戲院內不停有人發出攞紙巾既聲音, 人心肉做...因為套戲就係講緊人人都會發生既生離死別既故事....再加上久石讓既音樂...簡直無得頂 ~

好多影評話廣末是本片既敗畢...不過講老實話真係有少少....因為佢太似少女 feel 既少婦...有點兒低能....其實佢唔細啦...應該做返成熟d. 但戲中兩人感覺相襯, 但其實差成 15 年...可見本木雅弘 keep 得幾好, 70年代生既話一定識苦柿隊 (布川敏和, 本木雅弘 和藥丸裕英), 佢地既出現, 令到之後樂壇有好多呢d 組合...光Genji, Smap ...小虎隊...草蜢....不過本木就越老越型...26 歲拍左露毛寫真我都有買一本留念...佢真係幾型...
另外戲中我覺得社長做得最好, 因為做得好自然, 又表現到對戲中的工作果份真誠 ~
最後呢套戲真係幾值得睇.....

沒有留言:

發佈留言