SAS 的四大名曲

上人地個blog睇番SAS 既文章, SAS 都有四大名曲, 係邊四首呢, 其中一首就係1990出既單曲"真夏之果實", 樓下已經提到, 學友改編左成為"每天愛你多一些", 成為不朽的經典,當年做過唱片鋪既我, 每分鐘賣一隻學友既專輯"JC",我諗而家在 download唔買碟既年代已經無可能再發生, 其實較早前學友於1989年有張專輯叫"給我親愛的" , 首歌就係叫"給我親愛的",我覺得好好聽, 其實是改編 SAS 於1979既單曲いとしのエリー　, 呢首其實就是SAS第一首膾炙人口既名曲, 仲有Ray Charles 改編左, 當年真係無乜外國 artist 會改編日文歌,我當然是聽左學友果首先再聽返原唱, 學友改得好, 桑田佳祐都唱得好!
いとしのエリー　Ellie my love



第三首名曲又是有人改編左, 就係1992 年推出既 "涙のキッス", 比許志安改左做"喜歡你是妳", 又唱紅左, 呢首歌是 SAS 出道左14年出既雙單曲, 同年既專輯, "世に万葉の花が咲くなり" (世界萬葉花開) 入面有一半歌被改編, 其中有鄭秀雯既"叮噹", 古巨基"愛的解釋" 等...當時覺得點解一隻碟入面有咁多歌都改編為國粵語流行曲, 可想改編者都是覺得好聽先會改。
涙のキッス



第四首名曲, 都被人改編了, 就是 2000年出的單曲"Tsunami" (海嘯), 此曲被蘇永康改為"其實我很擔心" 亦是日本歷史上單曲銷售量第三高的作品, 亦証明桑田仲未江郎才盡.

Tsunami


SAS已經宣報無限期休業, 雖然都唔係第一次, 最近2005年出的專輯"Killer Street"對上果張是1998年既"櫻",足足是7年,好耐無柬專輯出版, 中其間有3張單曲沒有在收錄於專輯中, 只有收錄於2000年的精選專輯バラッド３ ～the album of LOVE～內, 如果你想擁有呢四大名曲, 咁呢隻碟有齊晒. 很期待8月6日出版, 可能是SAS 最後的單曲。