破案天才福山雅治、柴崎幸【嫌疑犯X的獻身】對決

「所有現象都可以解釋的。」《神探伽俐略》中，天才物理學家湯川學（福山雅治飾）說。
「不是，不是這樣的。這個世界是有東西不可以解釋的。」新進警察內海薰（柴崎幸飾）說。
「有什麼是科學不可解釋的？」湯川問。
「比方說，愛。」內海薰說。
「愛？」湯川問。

神探伽利略電影版就快有得在香港睇啦, 睇完電視劇之後都十分期待, 等唔切的情況低下, 睇左原著本書, 覺得好好睇, 我估電影中會加插福山雅治、柴崎幸一同查案的劇情外, 會擦出更多火花 ~~ 我覺得由提真一飾演的石神非常合適, 香港要到聖誕先有得睇 ~

轉載 :

福山雅治、柴崎幸主演的超人氣日劇【破案天才伽利略】系列將推出電影版，【破案天才伽利略】日劇改編自日本當代知名推理小說家東野圭吾(【白夜行】、【手紙】)的得獎推理小說【偵探伽利略】。東野圭吾以偵探「湯川」為主角的【偵探伽利略】系列小說共有三部，分別為：【偵探伽利略】、【預知夢】及【嫌疑犯X的獻身】。【偵探伽利略】已改拍成日劇【破案天才伽利略】，【嫌疑犯X的獻身】則改拍成電影，【嫌疑犯X的獻身】原著小說「容疑者Xの獻身」銷量累計320萬本，並獲得「第六屆本格推理小說大獎」，被視為是東野圭吾的最佳作品。
富士電視台的日劇【破案天才伽利略】在日本上映時創下平均超越20%的超高收視率，【嫌疑犯X的獻身】由日劇【白色巨塔】西谷弘執導，除了福山雅治及柴崎幸等日劇原班人馬之外，又加入【Always幸福的三丁目】、【舞妓哈哈哈】堤真一和【扶桑花女孩】影后松雪泰子兩位演技派紅星，卡司超級堅強，10月4日在日本上映後不僅蟬連日本三週票房冠軍，而且口碑迅速沸騰，台灣將於12月24日聖誕檔期盛大獻映。

【嫌疑犯X的獻身】在日本開片兩天票房達5.4億日元(約1億7400萬台幣)，第二週的週日(10月12日)票房成績超越第一週週日票房百分之二，票房不降反升，走勢凌厲。電影上映10天(10月4日至10月13日)，票房衝破18億日元(5億8000萬台幣)，觀影人次達140萬人，富士電視台估計總票房將可達50億日元(16億台幣)。

【嫌疑犯X的獻身】是福山雅治大銀幕的處女作，他飾演一位大學物理學的敎授湯川學，雖然他在學術及運動上的表現優秀，但性格古怪，做什麼事皆以理智為先；所以當他跟個性衝動、總是憑直覺行事的女刑警內海薰(柴崎幸 飾)一同處理辣手的案件時，擦出不少火花。

故事大綱刑警內海薰(柴崎幸 飾)接獲一件謀殺案，卻查不出死者身份，只好請帝都大學的天才物理學教授湯川學幫忙，湯川在查案期間，發現死者的前妻花岡靖子(松雪泰子 飾)有一位鄰居石神哲哉(堤真一 飾)，石神是湯川大學時代的舊識，當年石神被譽為百年難得一見的數學天才，如今卻只是一名不起眼的高中數學教師，而湯川相信石神跟本案有密切的關係…。當物理學天才湯川遇上了與數學天才石神，兩人將如何展開天才的大對決？湯川要如破解這宗完美的謀殺案？

官方網上面仲有個 game 是湯川教授同石神一齊研究的 4色定理, 是指每個畫出來的地圖都可用4種不同的顏色上色, 大家可以試下玩 ~
http://yougisha-x.com/4color/index.html

情迷栗子蛋糕

今日睇到報紙, 講上海有間 cafe 吃栗子蛋糕很出名, 我細個去上海阿媽成日買比我食, 呢款粟子蛋糕超好味, 因為佢唔係用普通的 Cream 是用奶油, 上海人叫 "gwei 哪又" 即係重奶油,用牛油加糖做的, 入面包住栗子茸同海綿蛋糕，仲要雪凍食先正 ~ 香港以前得超群同埋舊式有西餅賣果d茶餐廳先至食得到, 而家幾近絕跡, 因為d人為左健康, 唔會用牛油當 cream 咁用, 因為太肥 ~ 睇完凱司令數十年不變的栗子蛋糕, 我更加想去食 ~ 因為就是鐘意佢咁多年都無改變佢既做法 ~

轉載 : (星島日報 報道)
栗子蛋糕　迷倒張愛玲

李安 的《色戒》令原著作者張愛玲再次成為眾人焦點，不少人更愛猜度究竟戲內王佳芝的經歷有多少是張愛玲本人的體驗，就如戲中曾出現過的凱司令咖啡館，是否也是現實中張愛玲的最愛？據有心人士研究，張愛玲生前確實經常來到距離她所住公寓只是一路之隔的凱司令咖啡館享用咖啡及栗子蛋糕，但對當時的凱司令環境，才女筆下的形容並不算好：「只有寥寥幾個卡位，雖然陰暗，情調毫無。」只是張愛玲常到這裏，據說一是貪其夠清靜不被打擾，另一方面卻是愛上這裏的栗子蛋糕。
　　數十年後的今天，位於南京西路的這家凱司令咖啡館，仍然保留着當年樓下外賣、樓上茶座的傳統，只是環境早已翻新，也擴闊了面積，落地玻璃窗旁的座位仍在，卻增添不少像香港舊式西餐廳般的座位格局，主打美食仍是栗子蛋糕，厚厚的奶油下裹着細滑栗蓉，用料十足，每件10元人民幣，絕對抵吃。 文、圖：Rachel
　　Info
　　凱司令西餐咖啡館
　　地址：上海 南京西路1001號
　　電話：86 21 6253 5007
　　■舊日咖啡室的玻璃窗旁座位，現已改作視野更廣的落地玻璃座席。
　　■外賣的各種蛋糕十分吸引。
　　■翻新後的餐室更見寬敞。
　　■栗子蛋糕數十年樣子不變。
　　■咖啡室內外都倍見時尚。
　　(食得地道)

大黃蜂芒果鏡面o者喱夾心芝士蛋糕 (附食譜)

Heaton 5 歲生日正日, 自已整左個芒果鏡面o者喱夾心芝士蛋糕, 上面因應阿仔的要求畫左 Bella 送比佢生日禮物果隻 Transformer ~~ 大黃蜂在上面, 所以都幾難畫架, 唯有只畫個外型算, 但效果都ok ~ 因為芒果唔係時候, 所以去 Great 買左貴芒果 ~~ 好貴呀 ~ 但好甜好好味 ~~~ 都算值得既 ~ 入面用芒果 jelly 做夾心 ~ 阿仔開心死啦 ~~

最緊要阿仔鐘意食 ~ 好在都能夠清晒 ~~ 佢食左兩舊呀 ~ 個餅甜左d , 因果我落左好多芒果茸 ~~ 不過成日蛋糕都係勁多芒果 ~~ 唔似芝士蛋糕, 似芒果布甸多 d ~~

祝阿仔生日快樂, 又大一歲啦 ~ 聽教聽話 ~~

餅模 : 一個7吋圓形餅模

餅底 :
1.消化餅碎 100g
2.溶化牛油 40g
3. 芒果肉切粒 適量

餡料 :
1. 忌廉芝士 300g
2. 砂糖 85g
3. 芒果味 / 原味乳酪 180g
4. 芒果茸 95g

5. 魚膠片 12g
6. 水 75g

芒果”啫哩”(jelly)夾心 :

1. 芒果jelly粉 60g

2. 熱水 180g

3. 芒果肉 1個

鏡面裝飾 :

1. 芒果jelly粉 30g

2. 熱水 60g

3. 黑朱古力 50g
4. 芒果肉

做法 :
1. 芒果”啫哩”(jelly)夾心 : 在一個4”的圓形”批或撻”模內放入芒果條備用，再將芒果jelly粉、熱水放在碗內隔水加熱至溶化，倒入放了芒果條的模內，稍涼後放雪櫃內凝固備用。

2. 餅底 : 餅乾弄碎加牛油混合後放入模內壓成餅底放雪櫃備用。
3. 餡料 : 忌廉芝士加糖攪拌至軟滑狀，順序慢慢加入乳酪、芒果茸及已隔水加熱溶化的魚膠水拌勻。

組合 :
1. 在餅底上鋪上芒果粒，倒入一半芒果忌廉芝士液，再將己凝固了的芒果jelly夾心放在中間，再將餘下的芒果忌廉芝士液倒下。 (記得要預留1-2mm的高度做鏡面喔)

2. 用牛油紙印在你想要的圖案上, 跟住反轉張紙將溶左的朱古力沿線唧上, 待凝固。

3.) 鏡面裝飾 : 芒果jelly粉、熱水放在碗內隔水加熱至溶化, 待涼後便小心倒在已凝固的蛋糕上, 再放雪櫃凝固，脫模後將朱古力公仔貼上蛋糕面便可。

Heaton 5歲生日會

今年阿仔幼稚園最後一次生日, 出年升小學, 同學各散東西, 所以同佢去麥記攪一次幼稚園最生日 Party , 希望留下美好的回憶 ~~

今次 Heaton 好多朋友都黎到, 同學雖然唔係多, 但都係佢好好既朋友, 當然包括頌欣啦 ~ Heaton 果日玩得好開心, 亦多謝咁多人賞面黎到呢個 Birthday Party ~整唔到咁大個蛋糕 ~ 唯有買啦 ~ 我買左個好多芒果既 ~~表妹同 Bella 合照 ~表妹同 Heaton ~

當然唔少得 Heaton's best friend ~ 頌欣 ~~

你睇收獲幾豐富 ~~ 實在太幸福啦, 我地細個邊有咁多禮物...

又再凰梨卷

今次應朋友 Stella 既 order, 因為佢見到我整既鳳梨卷好似好好味, 於是落 order, 咁岩有材料, 於是整左幾包比佢嘆下 ~ 今次知道點整, 外型好好多 ~

今次用左 Winnie 姐個食譜, 加左吉士粉, 都幾好味架 ~~

焗藍莓芝士蛋糕

10 月份阿仔生日, 因為學校每個月有生日會, 所以今個月既壽星係佢, 所以我整左焗藍莓芝士蛋糕比佢帶返學校同小朋友分享 ~
今次第一次做都叫做幾成功, 但無得試食, 所以唔知味道如何.....
阿仔同個蛋糕一齊映相留念 ~

周杰倫新專輯"魔杰座出左啦 ~~

終於等到啦，又等左成年，新專輯"魔杰座"終於出版左，發售日期一拖再拖，由10月9日變左10月15 日，原先諗住出果日先買，但見 fans 們話訂購會多一個"魔杰方塊"，於是喇喇林去HMV 訂左先 ~

首先講下d歌先 :

01. 龍戰騎士 ~ 每隻碟梗有一首呢類型的歌, 我最唔鐘意呢類, 有d煩煩地, 不過好過"藍色風暴"....

02. 給我一首歌的時間 ~ 好似 "我不配", 個 MV 有d唔知想點, 個景就靚, 但去返龍捲風果個 MV 咁, 跳黎跳去無乜意思, 我覺得"我不配"拍得好d。

03. 蛇舞 ~ 又真係幾有中東風情, ok呀

04. 花海 ~ 幾好聽, 唔錯, 另一首中版歌

05. 魔術先生 ~ 我覺得呢首歌最掂, 要佩服編曲果個, 好有 feel , 我好似玩緊 Merry go round 咁!

06. 說好的幸福呢 ~ 經典彈琴招牌歌 ~ 歌詞幾特別, 有好多個"呢"字

07. 蘭亭序 ~ 此碟唯一中國風的歌 , 我鐘意加左d 唱京劇腔, 好似 one night in beijing 同埋 "霍元甲" 咁 ~ 正 ~

08. 流浪詩人 ~ ok 啦, 未聽真

09. 時光機 ~ 聽人講首歌其實就係等於07演唱會"雙截棍" Acoustic 版, 是"浪漫手機" 果d feel, MV 入面個多啦A夢結他好可愛, 但扮大雄同靜香果個就......

10. 喬克叔叔 ~ 未聽真, no comment

11. 稻香 ~ "七里香" feel , 歌詞都幾感人, 都不失為一首好作品 ~

新碟入面有張簽唱卡, 可以到 KCP (Kowloon City Plaza) 舉行的周杰倫簽唱會, 但我覺得個場安排實在太差, 雖然我15:00 先去到, 但整個商場無任何表示在哪裡可以排隊, 問服務台的小姐, 佢話已經截左龍, 咁我好無耐地話" 有卡都無得簽....況且亦未開始", 條隊就得條繩攔住, d 人又可以出出入入, 插隊又不在話下, 龍尾同龍頭又無寫清楚, 我唔知個場有無派籌比d 人, 但整個安排都是混亂得很, 個場又細, 好不知所謂 !~

我因為得一個人, 最後無排到, 在現場睇 Jay 表演, 主持"雲妮" 連簽唱會 Jay 會簽在哪裡都唔知, 又話可以簽2 隻碟, 9唔搭8, 我心諗你地趕都夾左先講出黎.....

我個人覺得講到明簽唱會, 有買隻預購版或者第一版都應該有得簽, 一係一早講到明簽幾多個, 等人地心裡有數要幾點黎排, 人地名牌限量版都有話比人地聽有幾多件貨啦, 一係就夠鐘就截, 我去度個姐姐先同我講得 2000 個額, 咁我覺得呢個活動係敷衍樂迷囉 ! 咁我駛乜買第一版 or 預購版呀 ~

就今次主辦單位同唱片公司方面都好好好失敗囉 ~ 我希望杰倫知道我地有好多歌迷身有要事唔可以好似d學生哥學生妹咁一早黎排隊，但我都盡量於活動前到達會場, 耐何安排得咁差，希望下次—可以改善啦 ! 唉 ~

P.S. 在此多謝朋友們支持, 唔係Jay既 fans 都黎陪我 ~ 多謝 !

香橙玉桂朱古力慕絲蛋糕 (附食譜)

咁 ah cell 同 jackie 生日, 今次整左個香橙玉桂朱古力慕絲蛋糕, 味道非常濃郁, 鐘意食朱古力既朋友一定鐘意 ~ 我自已就覺得幾好味, d 酒帶出朱古力味既香濃 ~ 正 !!

蛋糕底材料:
麵粉 2安士半
糖 3安士
谷古粉 半安士

牛油 1安士半
蛋 4隻

云尼拿油 少許

製法:
1. 麵粉和谷古粉篩勻數次，牛油座溶，備用。
2. 全蛋及糖打至起尖，加入麵粉和谷古粉，一面加入，一面輕手攪勻，再慢慢注入已溶牛油及云尼拿油，拌勻。
3. 注入蛋漿，放入預先開熱180度的焗爐內焗15-20分鐘。

慕絲材料:
黑朱古力 200克

淡忌廉 400克
橙酒 40克

魚膠片 5克
玉桂粉 3克

製法:
1. 先將鮮忌廉打起，如軟雪糕狀，放入雪櫃待用。
2. 魚膠片用冰水浸軟。
3. 黑朱力座熱水攪，加入玉桂粉攪勻，再加入魚膠攪勻，後再加入橙酒攪勻，朱古力醬待涼，最後分數次加入已打起之忌廉拌勻。

<如用魚膠粉5克 ，加半茶匙糖和15克 沸水>
<朱古力如入微波爐，要用中火，每次30秒>
<朱古力醬待涼時，要不時攪拌，以防碗邊朱古力醬凝固>

鳳梨卷+椰蓮一口酥加送鳳梨酥

又去上Winnie 姐既烹飪課, 今次係學鳳梨卷+椰蓮一口酥加送鳳梨酥, 雖然鳳梨卷已經學過, 但整個得唔靚, 同埋今次係自已整個餡, 所以想學下 ~ 今次好多人學呀 ~

焗緊既椰蓮一口酥
呢盤左手面果d係我地果組整既
你睇今次整既鳳梨卷肥美好多 ~
出爐啦 ~ 自已整既餡帶新鮮鳳梨既酸味, winnie 姐話原未台灣果d唔係用菠蘿整架, 係用冬瓜扮架 ~ 咁之前我地食果d原未係"冬瓜酥" !

今次既製成品, 右面兩個大概係凰梨酥 ~

香芒糯米糍&芒果布甸親子班

今日同阿仔去左學香芒 糯米糍&芒果布甸親子班 , 呢兩樣野都唔難但可以同阿仔一親整, 好好玩 之餘佢都好開心 ~
衍霆同樂樂整緊d 芒果 Jelly
"畢" d芒果肉出黎
佢地都好專心聽 Miss 教點整
做好啦 ~ 芒果布甸 ~ 好好味呀 ~
呢D 就係豬囉有份做既芒果糯米糍, 佢猛話整野食原來咁好玩 ~~

雖然又大又細粒, 但都幾好味架 ~

捷克手信 ~ 咖啡可樂

Bono 兄去完捷克旅行, 帶左d 手信比我地, 男人就試啤酒, 我地女人就試香港未有得飲既咖啡可樂 ~

淨係見到個包裝已經唔捨得開黎飲, 鋁罐質地既樽身, 黑色帶點神秘既色彩, Bono 猛叫我地快d開黎飲, 佢話好好飲 !



飲落好 Mocha 味, 有d沙士 feel, 但 Mocha 味勁過沙士, 都幾好飲, 但個人覺得甜左d , 不過都真係夠晒特別 ~


BIAK ~唔知點讀 !
50 Kcal, 勁過 coke light

另外重有捷克出名既食品 ~~ 溫泉餅 ~~ Bono 話係用溫泉水做個喎, 但我諗極都唔明用水點做餅 ??!!


你睇幾大塊 ! 我地試左朱古力榛子味 ~ 食落似威化餅 ~ 都幾好味, 因為唔太甜 ~

香蕉合桃牛油蛋糕

星期一攞左假幫阿仔報小一, 下午無野做, 見有兩隻蕉熟到爛咁滯, 於是整左呢個香蕉合桃牛油蛋糕, 我落左 poppy seed, 好味喎 ~ 唔知會唔會上隱呢 ~~ 哈哈

今次我覺得好好味, 但如果d合桃係焦糖仲正 ~ 不過又肥又多功夫, 都係簡簡單單健康d ~