古典朱古力蛋糕 ~ 大伯&大強 Happy Birthday ~~

事緣就爸爸同大伯正日生日是 Sunday, 所以又要整個 B-day cake, 但由於連整幾日, 非常彼倦, 所以整左個簡單既朱古力蛋糕...但個蛋糕好甜呀....

另外因為個面好 ugly, 個個都以為我失敗, 但其實係咁樣既, 不過味道才最重要, 下次要減一半糖, 因為真係太甜啦 ~~

祝爸爸 & 大伯 Happy Birthday ~~

伯爵紅茶朱古力蛋糕 ~ Happy Birthday to Sze & 大強

又到阿 Sze 同爸爸生日啦 ~ 今次整左伯爵紅茶朱古力蛋糕, 食譜是跟 "幸福甜蜜的蛋糕點心DIY" 裡面的食譜做既, 個 recipe 我睇左 over 20次, 都唔係幾明佢講乜, 不過好在都做到, 味度也不錯。
呢個是迷你版, 我比左自已品嘗 !~~ wakaka
是晚吃生日飯, 同場加映大契既白酒什果 Jelly ~ 正呀 ~~
你睇下兩個同年同月同日生日既人表情幾咁一致 ~~

公主蛋糕 ~ Happy Birthday to Jenny ~

Jenny 生日order 要整個公主蛋糕喎 ~ 是一個新挑戰, 但可惜我家雪櫃太細但又太多野要雪, 所以整坐係度既公主 ~

其實都有一定的難度, 因為唔知點砌個蛋糕先似條裙, 所以都幾難攪 ~

我出面用左 butter cream , 咁可以保持耐d , 無咁容易塌, 又靚 ~ 有人問我點解朵 rose 是咁既顏色, 是因為呢朵不是真 rose, 是襯返條裙者 ~~ 哈 !

香蕉雪糕 ~ 附食譜

再用雪糕機整左呢款香蕉雪糕 ~ 好好味呀 ~ 又唔煩, 咁岩家中有熟透香蕉, 更加香甜 ~~

香 蕉 雪 糕

材 料 ：
全熟香蕉 　 1 隻 半
維記高鈣低脂牛奶 　 250ml
Express 重脂肪忌廉 （ Double Cream ） 125ml - 我用左 "保利" 紙盒裝 Whipping Cream
太古純正糖粉　 75g

做 法 ：
1. 把去了皮的香蕉切粒，與牛奶 、忌廉和糖粉一起放進攪拌機內拌勻成糊狀 。(不要將香蕉攪太碎)

2. 取出預先放在冰格內的冷藏盆, 放回雪糕機上安裝好。

3. 開動雪糕機，倒入已拌勻的材料，讓雪糕機不停地攪動45-60 分鐘，直至材料變厚成雪糕狀， 可再放入冰格雪硬成硬雪糕。

Heaton 非常 happy 又有雪糕食 ~

Happy Father's day ~ 父親節 cupcakes 仔

父親節同阿仔去左 Winnie 姐度親子班 ~ 整父親節 cupcakes ~ Heaton "畢" 雪糕 ? 不是, 係將d 蛋糕漿放入紙杯度 ~
預先設計一下個 cake 點整 ~
焗好啦 ~ 整左 6 個蛋糕仔 ~~
其中一個是有士多啤梨既 ~

呢個最靚 ~ 唧左朱古力 cream ~

得五個帶走 ?? 因為 Heaton 即場食左一個 ~~

腰果曲奇 + 腰果酥

又去winnie 姐度學曲奇餅, 今次就是澳門風味的腰果曲奇同埋泰式腰果酥 ~ 呢盤就係腰果曲奇 ~ 但唔記得影製成品個樣, 因為送晒比 Thiess , 兔仔同車妮佢地, 希望佢地鐘意食 ~~

呢個就是腰果酥焗緊個樣 ~ 原未要腰果鬆化, 先要泡熱水再焗乾, 咁就會好鬆脆 ~

焗起啦 ~~ 食到停唔到口 ~~

覆盆子乳酪雪芭 【Rasberry Yogurt Sorbet】

第二次試整既就是呢個 Rasberry Yogurt Sorbet, 是跟機食譜整既 ~ 呢次好d 啦, 攪到15 分鐘就開始稠啦, 呢個味道好清新, 我最鐘意都係佢個顏色 ~~ 好靚呀 ~
爸爸食左話太酸同埋唔夠甜, d 莓味就太重, 不過我又唔覺得酸 ~ 口味因人而異....

試新野 ~ 椰子菠蘿雪糕 ~ 附食譜

第一次用雪糕機, 問左阿仔想食乜野雪糕時, 佢話要吃呢一款 "鳳梨椰奶雞尾酒冰淇淋", 因為比小朋友食, 所以我就無落到酒, 其他份量都照加 ~ 可能未掌握到部機既用法, 我打左半個多鐘都是很稀, 唔理咁多照倒出黎雪, 第二日取出時似食沙冰, 唔似雪糕....失敗...不過味道都 ok 既 ~

雖然似沙冰, 但都全部清晒 ~ 好彩我唔係整太多者 ~~

材料 :
水 40 ml
砂糖 70g
鳳梨 130g (我用原汁罐頭菠蘿)
椰漿 140 ml
檸檬汁 5ml
淡忌廉 80ml
Rum 酒 15 ml (無落)

做法 :
1.) 先將糖加水攪溶之後待涼備用 。
2.) 將 (1), 鳳梨及椰漿, 檸檬汁放入攪拌機攪勻。
3.) 加忌廉及酒入 (2) 拌勻 。
4.) 將 (3) 放入雪糕機攪 20 ~ 30 分鐘再放回冰箱結凍。

一公升雪糕機

昨日睇到頭條日報, 舍粉有得換購"一公升雪糕機", 盛惠 $168, 價錢好抵呀! 我已經想買好耐, 但因為 Kenwood 果部都要 $300, 如果唔係成日整, 又驚浪費, 所以仲唔拿拿林買 ~

呢個 brima 牌子我用過朱古力甜品機同 blender 都 ok, 可能d 膠 (透明蓋) 就化學左d , 但小心d 用應該無問題。我繼而即刻去書局買左呢本 "我愛冰淇淋", 作者是"好吃戚風蛋糕輕鬆上手" 的福田淳子 ~ 入面的食譜我款款都想整 ~~

有香草雪糕 (雲呢拿)

各款雪芭 ~

蘋果批雪糕

士多啤梨雪糕

淨係雲呢拿雪糕都有好多種整法 ~ total 有 72 種雪糕, 雪芭同沙冰既食譜 ~

呢期仲買左另外兩本同一系列的書 ~ 一本是整 cupcakes , 另一本是整 puff ~ 但我仲未試整 ~~

小一放榜感想

攪左成年, 終於在6月6日有左結果, 阿仔亦都派到第一志願 - 聖若瑟小學 - 在其中的過程也想分享一下.

阿仔於K3 上學期, 已經籌劃小一派位的事宜, 早在讀幼稚園選校時我是一心想阿仔讀 軒尼詩官立小學", 因為呢間幼稚園同軒小關係好, 獲派機會也很高, 就算派唔到, 叩門機會亦高, 所以於幼稚園階段, 已經諗緊入軒小, 其中原因再延伸到上中學, 因為軒小同 QC 有直接關係, QC 亦會一定留返d 位比軒小的學生, 但當然成績要好啦...不過呢個都是我的期望...

所以在第一輪自行分配學位時, 我阿仔得15 分, 就是適齡學童10分+ 首名子女5分 = 15分, 咁好多人都有15分, 所以在第一輪未能派去軒小上午, 其實我地都參觀過學校, 各樣如校風同教學方針都滿意, 但其中一樣野我地覺得唔太好的就是校舍太細, 同埋可能會脫龍, 程度較淺等.... 所以如果第日的情況是這樣的話, 我又唔係咁想在大抽獎時揀呢一間, 因為太多未知的可能...

最後問左好多過來人同各方既意見, 再加上統一派位呢個奇怪的遊戲玩法, 所以我以最大的機會去率去試, 我既 sequence 係:

甲部 :
(1) St Joseph (跨區我諗唔到填乜, 所以都是填返本區是想入的)
(2) 華仁下 (地個個都話唔好填, 我就照填, 因為好彩派到既, 就唔會去乙部, 既然我都想派到, 所以咪照填...)
(3) 軒小上 (都要填返呢間, 雖然轉軚, 但始終好過其他)

乙部:
頭三個志願都是一樣, 12 網我只填左11 間, 反而之後果d 志願仲難填, 因為好多位淨果幾間可想而知無乜人想讀, 佛教黃焯奄自行分配時得4 個人, 見到都有d 驚。St jo 是全個校網最多位的, 有69個, 仲有無女仔同我爭, 相對華仁 28 個位, 我想乙部得返25 個位要爭, 唔好話25個, 分分鐘超過 250 個人填第一志願, 放第二其實也是徒然, 不過叫做試下博無乜人填下午班咁解...軒小上就得60個位, 不過有女仔爭, 機會無疑都是細左。

最後終於得償所願, 派到第一志願, 但我估多數是乙部中. 據了解, 阿仔好似無同學填呢間, 因大部份都是填軒小, 不過黎緊呢6年, 有排挨....

四款曲奇

又去 winnie 姐度學野啦, 今次係學幾款曲奇, 但其實我自已都整過好多, 之不過想要佢個 recipe, 所以都去學下啦 ~~

第一款係 ~ 香橙紅莓曲奇 , 味道好清新, 四款曲奇之中我最鐘意食呢隻 ~

第二款 ~ 川椒榛子曲奇 ~ 呢款就其實是曲奇四重奏的變奏版, 人地本身是朱古力榛子底加川椒, 今次呢個就並不是朱古力, 只不過是用左黃糖, 所以比較深色, 辣味亦唔多夠, 下次自已整可落返多d ~

第三款 ~ 五穀果仁曲奇 ~ 食落有d 係麥維他, 但我就不太好, 因為佢加左好多果仁, 好有趙口, 所以唔係個個鐘意, 不過感覺好似健康d ....

最後一款 ~~ 莫加杏仁曲奇 !~ 故名思義, 就是咖啡朱古力曲奇加杏仁, 但因為份量加多左朱古力, miss 又無加返咖啡味入去, 所以其實我是吃不到咖啡的味道....
期待下一堂的腰果曲奇 ~~