柯打 ~ 雜錦曲奇

好開心第一次收到柯打 ~ 今次是整雜錦曲奇, 我整左5款, 分別是香橙紅莓曲奇, 伯爵茶曲奇, 朱古力杏仁曲奇, 黑椒芝士條同埋蝴蝶酥 ~

winwin 話想我揀幾款, 我推介左呢款香橙紅莓曲奇, 我覺得呢個味好清新, 多吃都唔會漏 ~

呢款就係之前都整過既朱古力杏仁曲奇

仲有蝴蝶酥, 不過有d 硬, 可能個皮搓得唔好...有待改善...

伯爵茶曲奇 ~ 第一次整, 可以好d, 因為麵粉落多左, 有d 實 ~~

招牌貨 ~ 黑椒芝士條 ~~ 好多人都鐘意食 ~~ 大獲好評 ~~

最近聽乜...

其實上次都提過想買呢隻碟架啦, 不過今次大佬去開日本, 所以叫佢幫我買 !

呢個 AAA live 是桑田唱返咁多年黎既紅白經典名曲, 著左一半我都未出世或者未聽過, 不過都是超經典既, 好似有 "上を向いて歩こう" - 坂本九 , 寺尾聰的"紅寶石介子" (威利 - 好大個網) , Dream come ture - Love Love Love, Spiltz - ロビンソン, 松田聖子 - sweet memories (好聽過原唱好多), 中森明菜 1st single - 少女A , 仲有好比面我地中國人, 都唱返歐陽菲菲的 Love is over, 翁倩玉的 "魅せられて"同鄧麗君的"我只在乎你" 日文版, 都唱得好好聽呀~ 呢隻碟都好值得收藏 ~



另外近排買左星光三班冠軍的徐佳瑩首張個人大碟, 碟內兩首歌我最鐘意"一樣的月光" 同 "出口", 所以我買左呢隻碟啦, 支持一下原創歌手 ~

雲呢拿戚風蛋糕

花千金黎我家整蛋糕, 今次話整天使蛋糕, 我將有剩的材料整一個 4" 蛋糕仔, 好鬆軟呀今次 ~~

蝴蝶酥 【Palmier】

又去Winnie 姐度學野啦 ! 今次是學蝴蝶酥 ~ 好想試下自已整呀 ~ 不過原來整蝴蝶酥可以好簡單, 亦可以好唔簡單 ~

簡單就是買張酥皮返黎整, 唔駛煩, 唔簡單就要預早一日搓舊粉, 我地仲要搓足2個鐘....好攰呀 ~呢底整好, 開始入爐 , 蝴蝶酥要呈 "V" 型, 等佢可以有位脹起d酥皮 ~
好靚呀 ~ 好多個心型! 焗到一半時拿出黎掃糖水 ~ 今佢上色 ~
出爐啦 ~ 似唔似街買果d 呀 ?
呢款係玉桂味 ~

一共整左三款, 仲有一款是檸檬味, 我最鐘意檸檬味 ~

黑椒紅波芝士條 (附食譜)

因為烹飪班同學仔 (唔記得問你點稱呼...) 問我買左d 酥油成餅無用, 唔知點算好, 見議可以用黎焗芝士條, 不過原來之前無 post 到食譜, 而家加返 ~ 好好味, 好鬆脆架 ! 試下啦 !

黑椒紅波芝士條 (附食譜)
材 料 :
冇 鹽 牛 油 135g (溫室放暖)
豬 油 / 菜 油 / 酥油 45g
鹽 6g
紅 波 芝 士 68g (Edam Cheese)
牛 奶 150g
低 筋 粉 300g
黑 椒 醉 / Edam 芝士粉碎 少許

1. 牛 油 及 酥 油 用 打 蛋 器 切 底 打 發, 再 拌 入 鹽
2. 紅 波 芝 士 用 叉 壓 爛 再 加 入 牛 奶 坐 暖, 分 2 - 3 次 加 入 (1) 繼 續 打 發
3. 拌 入 低 粉, 用 膠 括 刀 拌 勻
4. 唧 出 自 己 喜 歡 形 狀 ( 我用1.2cm扁平有牙唧咀) , 黑 椒 碎 及 芝 士 粉 放 面 裝 飾
5. 預 熱 焗 爐 180 度, 用 160 度 焗 20-25 分 鐘 焗 至 金 黃 便 可

Heaton 學小提琴

Heaton 講左好耐話要學小提琴, 由舊年生日時, 佢已經要求我地買個小提琴比佢做生日禮物, 買左之後一路物色去邊度學, 去Tom Lee 又要等, 屋企附近的琴行又唔知好唔好, 所以遲遲都未拍板。

直至最近一次朋友聚會, 同朋友傾開, 知道 Karen 仔仔有學開小提琴, 而且都學左好幾年, 是上門學的, 價錢唔貴, 於是就搵左果位老師試一試 ~

星期三開始上第一堂, 老師劉 sir 話唔會一開始就教拉歌, 會慢慢黎, 先教好揸琴, 拍子, 然後再慢慢學拉歌。

第一堂劉 Sir 上到黎, Heaton 都有d 怕醜, 可能佢唔知點表達情緒, 佢都會有d 失控周屋跑, 劉 sir 拉歌比佢聽時, 佢會掩耳唔聽, 話好難聽....攪到劉 Sir 都有d 尷尬, 不過唔知劉sir 見過呢種小朋友未, 因為 Heaton 真是比較難攪, 亦唔太專心, 不過睇得出佢好有興趣拉小提琴。

第一堂上完之後, 都有同劉 sir 傾下計, 都是希望我地能培養 Heaton 的學習興趣, 要聽多d 歌, 唔好迫得太多令佢無興趣。 所以第一堂要練既係揸琴的料姿勢同埋4條弦既名, 下一個星期劉 sir 唔得閒, 要跳一堂, 所以呢兩個 week 要 keep 住練啦 ~

你睇下 Heaton 都似模似樣, 仲要教返我地點揸琴 ~

家庭飯局

二哥返黎香港工幹, 去左大佬度食飯聚會, 當然是晚由我阿媽煮啦 ~ 今晚好清, 有羅宋湯

醃青瓜

皮蛋肉鬆豆腐

大蝦什果沙律

鎮江肴肉 (現成老三陽買既)

瑤柱節瓜

蝦醬通菜

白切雞
海哲xx筍 (我唔知點寫, 不過上海菜館都會有呢樣冷盤野食) , 另外仲有蒸鮑魚仔同蒸魚,

不過無影相 ! 呢晚我最like 個 皮蛋肉鬆豆腐, 非常正 !! Heaton 真識食, 食左兩隻鮑魚仔, 相反表妹唔識欣賞, Heaton 吃埋佢果份啦 ~

蘋果杯子蛋糕 及 蘋果金寶

今次去 Winnie 姐度是親子烹飪課, 仲同埋 Bella, 倩怡同浩然一齊學, 同上次父親節 cup cakes 差唔多, 今次係蘋果杯子蛋糕 ~ 首先將牛油, 糖打起, 加入蛋及自發粉, 最後加人青蘋果粒。

放入紙杯度, 就可以焗啦 ~
焗出黎又幾靚幾好味, 我同豬囉一人吃左一個先, 仲有4 個可以拿走 ~

另一款蘋果金寶其實就係蘋果批入面d 餡加金寶, 不過趁熱食好味d ~ 首先煮蘋果 ~
跟住放上金寶, 合桃, 就可以入爐。
焗完就可以食得 ~~

小朋友無野做等出爐, 你睇下 Heaton 係度做乜呢 ???