柯打 ~ 香橙紅莓曲奇

今次柯打多謝花花, 是整我最鐘意吃既香橙紅莓曲奇, 呢款曲奇個味真是很對味, 同埋又唔漏, 不過都係唔好吃咁多, 因為都是牛油曲奇, 好肥呀 ~~~

柯打 ~ 杏仁朱古力曲奇

多謝各界比面, 又收到柯打, 今次也是曲奇餅, 不過只整一款, 就係杏仁朱古力曲奇, 質素方面仍有改善的空間 ~

蝴蝶酥 【Palmier】+ 玫瑰馬卡龍 【Rose Macaron】

又黎蝴蝶酥 ~ 唔係我整既 ~ 係花千金整黎請朋友食, 今次都整左原味, 玉桂同埋檸檬味 ~

同埋加映玫瑰馬卡龍, 今次個糊杰左, 所以有個尖尖...無咁靚仔 ~

所謂玫瑰味, 是用左玫瑰花茶的粉末, 所以有一陣玫瑰花茶的清香, 同埋中和左馬卡龍的甜味。 另外中間夾左朱古力軟心餡, 好味呀 ~ 做左 8 粒, 唔駛5分鐘已清貨 ~ 話都無咁快 ~ 不過我都是吃一粒就夠 ~~

皇家奶茶戚風蛋糕

奶奶生日 ~ 今次整個簡單又岩老人家食既皇家奶茶戚風蛋糕, 配上紅茶馬卡龍 ~

許個願先 ~~

今次個蛋糕出爐倒扣完之後唔知點解縮左好多, 所以比較濕, 唔夠鬆軟, 同埋不是個個都食到奶茶味, 反而個個都話個馬卡龍好味....真係奇怪 ~ 哈

煲呔酥~ 【Papillon】

繼蝴蝶酥後, 睇烹飪書見到呢款 "煲呔酥" 又好想試下, 於是買左現成酥皮整 !

可惜一開始的時間唔記得灑糖, 張酥皮癡住左, 所以唔夠煲呔...不過都幾好味, 食落同蝴蝶酥係一樣既 ~~
整左d 返公司請同事食 ~ 好有法國情調 ~~

大清貨之再戰馬卡龍 ~ 【紅茶馬卡龍】~ 附食譜

因為好烘焙材料買左都無時間整, 執執下野發覺好多都過左期唔用得, 所以睇下包日本進口既紅茶粉先 ~ 哇 ! 就黎到期唔好浪費, 快d 整左佢 ~

今次試整馬卡龍, 經過上次既失敗, 睇左好多食譜, 有d 好複雜唔想試, 想搵d 又簡單又唔會失敗的...終於比我搵到.....食譜稍後提供比大家 ~~~

用紅茶粉當然是整紅茶味 ~ 今次落左特幼杏仁粉, 唔駛篩得咁辛苦 ~~個面用風筒吹 10 分鐘左右就 ok 啦 ~~ 個面乾左可以入爐 ~~

用150度火焗15分鐘, 最尾3分鐘較少10度, 好靚既裙邊出左黎 ~ 個面無裂開啦 ~~
成盤都好成功 !

你睇幾靚 ~~ 呵呵 ~ 同埋呢個食譜唔太甜 ~ 我鐘意 !

食譜

材料 :蛋白 25g
砂糖 25g
糖霜 40g
杏仁粉 30g
紅茶粉 5g (可使用其他粉類成為其他味道如可可粉, 綠茶粉等…)

做法 :
1.) 先將蛋白及砂糖打起, 拿起時呈綾角狀

2.) 另外將糖霜, 杏仁粉及紅茶粉用細打蛋器混合

3.) 將 (1) 一口氣加入 (2), 用攪拌器拌至沒有粉狀

4.) 將麵團放入唧袋, 唧出2cm直徑的圓形

5.) 用風筒 (暖風) 在麵團上吹 10 分鐘或至觸摸時完全不黏手, 放入預熱到 140 度的焗爐內烘 15分鐘, 出爐後將兩片合上, 中間可夾入不同的餡料。

BBQ party @ home

星期五晚大伙兒黎我家 BBQ, 當然唔叉住黎燒果d, 係用我地上次買果個爐端燒 ~ 正呀 ~~ 最正原來係燒蝦 ~~
仲有燒大牛脷, 另外我地煮左薯仔, 煎大啡菇, 燒牛肉, 燒青椒, 焗本菇...不過掛住食唔記得影相....
有人是晚狂影相...

阿偉在玩健身儀器...務求食飽收身....

大契用左契仔隻鴨仔杯飲野...

花花為慶祝我做成第一單生意同埋知我想食呢個 Awfully chocolate 既 banana chocolate cake 好耐, 特登訂黎請我食 ~ 真係多謝晒 ~~~
個蛋糕切開係咁既 ~ 評語係....我整果d 好味d :p