阿皮日誌

2010年4月20日星期二

【就想賴著妳】 ~ 會令妳中毒啊 ~

很久沒有煲劇了, 最近買了兩套台劇, 一套是【就想賴著妳】同【海派甜心】, 不過以卡士來看, 我先看【就】，因為Jerry 跟Ella 的配搭, 我兩個都喜歡 !

Jerry 喜歡很久了, 自【流星花園】開始, 當年幾乎人人都愛, 包括媽媽, 哥哥, 朋友, 同事…. 這劇簡直是經典 !!

相隔10年, 熱情減卻, 因為其實他作品不多, 之後都有買到【籃球火】, 但未曾開封, 可能是女主角的關係吧, 再加上另外有小豬同吳尊一起當男主角, 所以自然會遜色不少。

Ella 自【花樣少男少女】開始留意她, 爽朗的外型, 豪不嬌柔做作, 如果我是男的, 也會喜歡她啊 ! 所以 Jerry 跟 Ella 走在一起, 更加有衝動想看【就】劇啦 !

如我所料, 一看便中毒了耶 ! 因為除了男女主角, 配角都有睇頭呀! 故事都是一般的灰姑娘式的故事, 是老套了一點, 但認識我的人都知道, 我最不喜歡看悲情和患絕症那些劇種, 同期有【下一站‧幸福】, 也是有講到絕症的, 一點都不開心, 我還是喜歡看會令人心情愉快的劇集呀 !

劇中Jerry 飾演大律師項羽平, Ella 就是幫他打工的媬姆楊果…劇情不多說啦, 但 Jerry 的電眼跟道明寺得像, 吵架的時候也很像…從中找回了道明寺的回憶…最深刻是有一幕項律師(Jerry) 帶楊果 (Ella) 上山上開解她剛失戀的心情, 當中項律師問楊果 “有沒有看過【長假】”, 楊果完全不知是什麼來的, 也說木村都已經是爸爸囉….最後項律師問楊果有沒有看過【流星花園】楊果說 “有呀 ! 我看韓版耶 ! 具俊表超帥的 !”, 項律師一臉無耐的樣子超爆笑 ! 真是很喜歡這一幕呢 !

現在此劇在台灣仍在播放中, 所以我看的是大陸version, cut 了很多, 有時候看得不太明白, 所以現在追回台灣 version 才知道發生什麼事。
如有興趣看在網絡上 youtube 都能看到, 坊間買到的都應該是大陸 version. 有興趣可往以下網址 : http://sugoideas.com/drama-2010/down-with-love/

噢...大家都不知所措呢 !

終於接吻啦 !!

楊果這個造型只有台灣 version 才看到哦 ~

兩個就像哥兒們一樣 ~

哇 ~ 帥弊了耶 ~~

結婚照好襯啊 ~

這張也很自然呢, 好像是真的結婚照片

好溫馨啊 ~

2010年4月7日星期三

很藝術的 Easter Holiday ~

終於放完5日假期啦, 有d 空閒之餘, 想洗滌一下心靈, 我用左呢個假期睇左3套片, 1個 show !

Day I : 我買左飛睇呢套 "媽媽離家上班去/援交/後來", 睇呢套戲的第一個原因是其中 "援交"這套短片是老朋友做導演的, 當然要棒場一下。

其中最喜歡是 "媽媽離家上班去" , 劇中主角雖然是一名菲藉演員, 但出奇地自然, 故事講述菲傭離鄉別井到他鄉工作, 看著僱主兒女長大, 一點一滴, 但不曾看到自已親生兒子的成長之餘, 亦沒有一絲感情, 是有點兒悲涼, 但相信這類故事在現實是存在的。最感人的部份是小主人知道姐姐要退休回老家, 自拍手機照片後親手做了一個雪條棍相架送給工人姐姐, 工人姐姐感動之餘亦慨歎自已的兒子也從未這樣對待過自已, 這場面表達得很好, 相信若有子女的觀眾更能被打動。

至於 "援交" 一片, 講述兩個少女想去北海道旅行, 不惜出賣自已最寶貴的東西, 道盡時下年青人對價值觀的扭曲, 尾段有點煽情, 其實不想有這樣的結局, 應該比次機會吧...

最後 "後來" 這套短片, 故事有點兒老套, 有點睇返八十年代的電視劇, 手法粗糙, 演員亦表現生硬, 燈光剪接都有點兒怪, 不像電影, 但相信又不是導體刻意的安排。最奇怪尾段男主角向妻子說 "等你生完BB我地就離婚啦" 我相信呢句說話正常人是講唔出的....導演說他想拍一個女人的故事, 但不明白身為男性的他, 將男主角的心態拍得不尋常, 希望導演要吸收今次的經驗, 下次能有更好的作品啦。

Day II :

去華星冰室吃個早餐先 ~

早餐 ~ 熱奶茶 ~ 真係好好飲 ~~

過到去尖沙咀碼頭約左 Ms Yellow 睇 HKIFF 第二套片 "殺慾魔警"

故事背景是50 ~60's 美國一小鎮發生的故事, 有一個性變態的警察, 但不明戲中個個女性都咁鐘意男主角, 最令人不安的是男主角把聲聽得好辛苦, 唔知佢喉嚨是否有事, 把聲調高8度, 不過 Ms yellow 話佢其他戲唔係咁。其實呢套戲都是普普通通啦, 無乜特別, 好多位都估到, 變態場面又唔係好夠變態...但散場都有人拍手掌....奇怪。

睇完戲去左大排檔食野 ~

炸雞翼同豬扒好好味喎 ! 多謝 Ms Yellow 推介 ~

就是呢間華香園 ~

是晚於同一地點睇 Ono Lisa , 因相隔數個鐘唔知去邊, 唯有回家 hea 下先 ~

上次錯過左 Art Festival, 今次就一於要睇呀, 今次是小野麗莎第二次黎香港表演。

好多日本人黎睇, 亦比我想像中多香港人喎, 會場門外好多人都買緊佢d 碟, 唔明點解唔一早買定先入黎聽 ?

後悔買左最平的飛, 雖然座位離舞台不太遠, 但是睇背面, 下次都是不要吝嗇啦。另外覺得好睇的是小野唱了很多 Antonio Carlos Jobim 的歌, 可惜是無唱到 Desifinado ...最後 Encore 時段唱了 "What a wonderful World", 小野說是從未曾灌錄在唱片的, 實在是十分精彩, 最後以 "何日君再來" 作結, 下次小野再黎香港, 我一定要買貴飛 !!!!

Day III :

最後一日假期, 睇埋今次電影節最想睇的一套戲 "影子滅殺令", 睇呢套戲全因為波蘭斯基同伊雲麥葵格, 套戲果然不同凡響, 除了男主角有大量戲份之外, 導演駛出佢的絕招, 劇情緊張又不失帶點兒幽默, 實在是正 ! 不過不知是否原著的問題, 唔明白點解男主角咁坦白, 對於自已查到的重要線索都一一向當時人告知, 一點兒都不怕比人買兇 (像前槍手一樣), 我想這是呢部戲唯一的缺點。

Photo taken by Yashica

2010年4月1日星期四

新玩具 ~ Yashica F521

其實呢部DC是一部極之low-tech, 可以說是玩具數碼相機, 不過佢既外型好Lomo feel, 但其實是拍不到 Lomo 的效果, 特別之處是有幾款 filter, 黑白, 復古, 紅, 藍, 綠, 負片, 暖化、高反差及日落, 唔駛自已執相。另外此機是用3粒3A電, 可用 SD / SDHC插卡 (最大8GB)卡, 有得拍 video, 幾百蚊貨仔, 算係咁啦, 不過就無Lomo菲林機果種黑角較果, 有網友黎改裝後如同 Lomo, 攪到我心思思想整添 ~

黑白加晃動效果

藍色濾鏡

綠色濾鏡

紅色濾鏡

另外有關改裝方法可參考以下連結
http://hk.myblog.yahoo.com/color-world/article?mid=1477

2010年3月30日星期二

最近聽乜? Bossa nova 篇 ~

下個星期買左飛去睇小野麗莎既 live, Lisa 較早前去了台北開演唱會, 今次是她踏上亞洲之旅的另一個開演唱會的地點, 上次香港藝術節錯過了她的演出, 今次一定要去睇啦 !!!

她亦出左新碟, 新大碟 "ASIA"正是翻唱多首亞洲地區的經典名曲, 包括為人所熟悉的" 何日君再來", "夜來香", "梭羅河畔"等, 她更以原裝的語言演釋, 雖然口音不是太正, 但另有一翻味道 !

另外重買多一隻碟, 是她於 07 年推出的大碟 "The Music of Antonio Carlos Jobim IPANEMA", 之前都想買好耐, 不過不是間間唱片店都有入呢隻貨, 好在都比我找到 !!

碟內當然翻唱多首 Antonio Carlos Jobim 多首經典名曲, 如 Girl from Ipanema, Samba de Uma Nota So 等...其中 "A Correnteza" 真是很正 !! 超好聽的 !!

當然另一推介就是她於 07 推出的 DVD "Tribute to Antonio Carlos Jobim", 就能夠睇到佢現場演釋呢堆咁精彩的作品 !

期待她的演唱會 !!

2010年3月29日星期一

【草莓白朱古慕斯】 Strawberry white chocolate mousses

今次整呢個 cake都是跟【幸福甜蜜の蛋糕點心DIY】裡面一個好靚既蛋糕，不過食譜就改良左, 之後會後補架啦 ~

上面果層是草莓果凍, 酸酸地, 同白朱古力 mousses 很對味 ~

因為個餅削左少少, 唯有用其他野黎遮醜啦 ~~~

原先個餅係咁既 ~~

今次是三月份壽星飯局, 我地去左東寶, 掛住吃無影相, 因為大好味啦 ~~ 多謝大家 !!

【食譜】
手指餅海綿蛋糕 :

材料 :
蛋白 45g
砂糖 15g
材料 A : 雞蛋半個, 蛋黃半個, 杏仁粉 18g, 砂糖 18g
麵粉 20g
糖粉少許 (我沒有使用)

草莓泥

材料 :
草莓 75g
材料 B : 冷凍木莓 (我使用了 Raspberry) 15g, 砂糖20g, 水 9g, 玉米粉 3g,
魚膠片 : 3g
水 : 3cc

白朱古力慕斯

砂糖 40g
水14g
全蛋37g
蛋黃 45g
白朱古力 107g
魚膠片 4g (浸軟助溶)
已打起淡忌廉 190g

造法 :

1. 先預早一天做草莓果凍, 將草莓一粒切成3 ~4片的薄片, 然後和 B 材料一起放入鍋內煮2分鐘, 最後放入已助溶的魚膠片。
2. 在1個 12cm 的慕斯圈上鋪上保鮮紙, 並將煮好的果凍倒入模中, 放入雪櫃。

3. 凝固後將果凍的底作為面, 放在 15cm 的慕斯圈內(當然也要鋪好保鮮紙)。

4. 手指餅蛋糕, 先將材料A拌勻, 另外將蛋白和糖打起。

5. 將打起其中一半的蛋白加入A 料, 最後加入麵粉和另一半蛋白, 用唧袋唧成兩個一大(15cm)一小 (12cm) 的圓型底座

6. 焗爐預熱 170度, 焗15分鐘。

7. 白朱古力慕絲, 先將砂糖和水煮至121度, 蛋和蛋黃打至杰身。

8. 將煮好的糖水撞入打起之蛋內, 成為沙巴翁。

9. 白朱古力坐溶, 加入"8", 再加入魚膠溶液。

10. 分兩次加入打起之淡忌廉。

組合 : 草莓果凍 --> 白朱古力慕斯 --> 手指餅蛋糕(12cm) --> 草莓--> 白朱古力慕斯 -->手指餅蛋糕 --> 一起放入雪櫃直至慕斯凝固, 倒轉脫模即成。

2010年3月15日星期一

覆盆子朱古力慕斯蛋糕【Cacao aux framboises】

今次encore 呢個覆盆子朱古力慕斯蛋糕, 因為阿花千金話好靚, 想試下, 於是我就再整, 不過今次整腰果花型 ~

上次整既時候朱古力 mousses 太硬, 想話改良朱古力 mousses, 點知今次仲硬 !!! 甩模時又唔靚, 激死 ~~~ 不過因為時間的關係, 無機會再做啦! 唯有頂硬上, 花千金, 呢度真係唔好意思啦 ~~ 下次再整好味既 cake 比你 ~~