【芒果布丁】

呢期除左菠蘿之外, 呂宋芒都好靚, 近排又買左 【我愛xx】系列的書 - 【我愛杯子小甜點】, 呢本書除左教布丁, 還有果凍, 慕斯...都是一杯杯的, 賣相整得好靚, 令我又想整下呢個芒果布丁 ~~

今次這個布丁是沒有果肉的, 所以阿仔不停投訴, 其實果肉是可以放的, 不過這個布丁的質地不是太實, 加了果肉可能會怪怪的, 但可自行加多點魚膠片也可以 ~~阿仔有份幫我過篩, 所以要求與製成品影張相 ~~

就是這本新書啦 ~ 阿仔話下次要試左上角果款 ~

這是書中製成品的模樣

【椰子鳳梨慕斯蛋糕】 ~Kawai 生日快樂 !!

今次慶祝 Kawai Tam 生日, 整左個椰子鳳梨慕斯蛋糕 , 好有夏日氣氛 !!
同埸整多個 慕斯杯 ~~ 找來新鮮鳳梨幫忙拍照, 這個"香水菠蘿" 真是非常香, 成間屋都聞到 !

Kawai ~~ 又大一歲啦 ~~
個邊唔靚 ~~ 聽人講, 鳳梨做慕斯會出水, 所以一定要煮過d 鳳梨先得, 我是用急凍鳳梨蓉, 所以要加熱, 呢個餅無出水, 不過就唔夠魚膠...因為我計錯份量呀 ~~~
切開係咁既 ~~ 以下是原裝版本 ....

東京事變 - 【Sports】

其實呢隻碟都出左一段時間, 不過近排才有時間聽, 比起對上的大碟 【娛樂】已經是相隔3年了, 今次這隻【Sports】絕對值得推介, 歌曲很多元化之餘, 樂隊中每一位成員都好特出, 每首歌的編曲都做得好好, 當然結他手浮雲和Bass龜田誠治是功不可沒, 還有椎名獨特的嗓子, 相信是東京事變獨有的, 還有 keyboard 的伊澤一葉, 那些帶有 Jazz 味的調子也非常突出, 最近還不停 loop 住幾首歌 ; 雨天決行 - 帶有好 fusion 的結他, 是全碟比較正常的歌曲, 能動三分間 - 是其中一首單曲歌, 由於歌曲恰好是三分鐘整，因此日後在上各個節目表演「能動的三分間」時，皆會出現倒數器，也正因為如此，有歌迷開玩笑的說：「這是一首很適合在等即 食麵的時候撥放的歌曲。」恰巧歌詞正是以「即食麵」開頭, 真是很有趣 ! 絕體絕命 - 很好的 bass 教材, 中間升半音那段好正, 龜田真是好勁呀 !

【豆腐戚風】~ 母親節快樂 !

母親節原先想整櫻花戚風, 但可能是母親節的關係, 鹽漬櫻花缺貨, 唯有整過第二樣 ~~ 都是好岩媽媽食, 清清地的豆腐戚風蛋糕啦 ~~

出爐啦 ! 整左2個細既 ~

這個是圓型底, 比較難甩模, 但都 ok ~

這個是大d 既, 用返徒手甩模法 ~~

切開的豆腐戚風蛋糕, 但吃過豆腐味其實都不太重, 今次用左啡蛋, 建議用白蛋, 咁就不會蓋過豆腐的味道。

【乳香舒芙蕾乳酪蛋糕】~ Milky Souffle Cheese Cake ~ 附食譜

這個蛋糕是為今個月生日壽星而整既 ~ 又簡單又好味 ~~

重點是今次用新焗爐整, 效果都不錯, 這但 milky soufflé cheese cake , 比一般 cheese cake 輕身同有奶香味, 因為是加忌廉和蛋白。

壽星 Ringo

壽星 Sharie

有 bear bear 熊既 cheese, 超可愛 ~~

壽星切餅 ~~

因為呢個 cheese cake 真係幾好味, 再加上食材是一次過用完唔會浪費, 附上食譜比大家參考 ~ (食譜來自【我愛乳酪蛋糕】)

材料 :
忌廉芝士 250g
砂糖 60g
蛋黃 2隻
淡忌廉 200ml
檸檬汁 1茶匙
脫脂奶粉 3湯匙
栗粉 3湯匙
裝飾糖霜少量
蛋白霜 :
蛋白5個
砂糖 30g


事前預備 :
1. 先將忌廉芝士放軟
2, 蛋黃從冰霜取出
3. 蛋糕模先塗上浴牛油 (請用甩底模)
4. 用三層錫紙包好蛋糕模, 防止入水
5. 焗爐預熱 160度

做法 :
1. 將忌廉芝士和糖打起, 攪至軟滑, 分兩次加入蛋黃 (一次落一隻), 再用攪拌機打勻。
2. 將淡忌廉分數次加入 (1) 拌勻, 再加人檸檬汁攪勻。接著加入薛過的栗粉和奶粉, 攪至沒有粒粒, 最後將所有材料過篩一次。
3. 打起蛋白霜 (蛋白加糖) 至八成企身, 將蛋白霜分3次加入 (2) 拌勻, 倒進蛋糕模, 並在烤盤上放上熱水, 以 160度焗 45 ~ 50分鐘。 (若途中乾水請再加水)
4. 出爐冷卻後放入雪櫃3小時以上才脫模, 最後灑上糖霜即成 ~

【就想賴著妳】 ~ 會令妳中毒啊 ~

很久沒有煲劇了, 最近買了兩套台劇, 一套是【就想賴著妳】同 【海派甜心】, 不過以卡士來看, 我先看【就】，因為Jerry 跟Ella 的配搭, 我兩個都喜歡 !

Jerry 喜歡很久了, 自【流星花園】開始, 當年幾乎人人都愛, 包括媽媽, 哥哥, 朋友, 同事…. 這劇簡直是經典 !!

相隔10年, 熱情減卻, 因為其實他作品不多, 之後都有買到【籃球火】, 但未曾開封, 可能是女主角的關係吧, 再加上另外有小豬同吳尊一起當男主角, 所以自然會遜色不少。

Ella 自【花樣少男少女】開始留意她, 爽朗的外型, 豪不嬌柔做作, 如果我是男的, 也會喜歡她啊 ! 所以 Jerry 跟 Ella 走在一起, 更加有衝動想看【就】劇啦 !

如我所料, 一看便中毒了耶 ! 因為除了男女主角, 配角都有睇頭呀! 故事都是一般的灰姑娘式的故事, 是老套了一點, 但認識我的人都知道, 我最不喜歡看悲情和患絕症那些劇種, 同期有【下一站‧幸福】, 也是有講到絕症的, 一點都不開心, 我還是喜歡看會令人心情愉快的劇集呀 !

劇中Jerry 飾演大律師項羽平, Ella 就是幫他打工的媬姆楊果…劇情不多說啦, 但 Jerry 的電眼跟道明寺得像, 吵架的時候也很像…從中找回了道明寺的回憶…最深刻是有一幕項律師(Jerry) 帶楊果 (Ella) 上山上開解她剛失戀的心情, 當中項律師問楊果 “有沒有看過【長假】”, 楊果完全不知是什麼來的, 也說木村都已經是爸爸囉….最後項律師問楊果有沒有看過【流星花園】楊果說 “有呀 ! 我看韓版耶 ! 具俊表超帥的 !”, 項律師一臉無耐的樣子超爆笑 ! 真是很喜歡這一幕呢 !

現在此劇在台灣仍在播放中, 所以我看的是大陸version, cut 了很多, 有時候看得不太明白, 所以現在追回台灣 version 才知道發生什麼事。
如有興趣看在網絡上 youtube 都能看到, 坊間買到的都應該是大陸 version. 有興趣可往以下網址 : http://sugoideas.com/drama-2010/down-with-love/

噢...大家都不知所措呢 !

終於接吻啦 !!

楊果這個造型只有台灣 version 才看到哦 ~

兩個就像哥兒們一樣 ~

哇 ~ 帥弊了耶 ~~

結婚照好襯啊 ~

這張也很自然呢, 好像是真的結婚照片

好溫馨啊 ~

很藝術的 Easter Holiday ~

終於放完5日假期啦, 有d 空閒之餘, 想洗滌一下心靈, 我用左呢個假期睇左3套片, 1個 show !

Day I : 我買左飛睇呢套 "媽媽離家上班去/援交/後來", 睇呢套戲的第一個原因是其中 "援交"這套短片是老朋友做導演的, 當然要棒場一下。

其中最喜歡是 "媽媽離家上班去" , 劇中主角雖然是一名菲藉演員, 但出奇地自然, 故事講述菲傭離鄉別井到他鄉工作, 看著僱主兒女長大, 一點一滴, 但不曾看到自已親生兒子的成長之餘, 亦沒有一絲感情, 是有點兒悲涼, 但相信這類故事在現實是存在的。最感人的部份是小主人知道姐姐要退休回老家, 自拍手機照片後親手做了一個雪條棍相架送給工人姐姐, 工人姐姐感動之餘亦慨歎自已的兒子也從未這樣對待過自已, 這場面表達得很好, 相信若有子女的觀眾更能被打動。

至於 "援交" 一片, 講述兩個少女想去北海道旅行, 不惜出賣自已最寶貴的東西, 道盡時下年青人對價值觀的扭曲, 尾段有點煽情, 其實不想有這樣的結局, 應該比次機會吧...

最後 "後來" 這套短片, 故事有點兒老套, 有點睇返八十年代的電視劇, 手法粗糙, 演員亦表現生硬, 燈光剪接都有點兒怪, 不像電影, 但相信又不是導體刻意的安排。最奇怪尾段男主角向妻子說 "等你生完BB我地就離婚啦" 我相信呢句說話正常人是講唔出的....導演說他想拍一個女人的故事, 但不明白身為男性的他, 將男主角的心態拍得不尋常, 希望導演要吸收今次的經驗, 下次能有更好的作品啦。

Day II :

去華星冰室吃個早餐先 ~

早餐 ~ 熱奶茶 ~ 真係好好飲 ~~

過到去尖沙咀碼頭約左 Ms Yellow 睇 HKIFF 第二套片 "殺慾魔警"

故事背景是50 ~60's 美國一小鎮發生的故事, 有一個性變態的警察, 但不明戲中個個女性都咁鐘意男主角, 最令人不安的是男主角把聲聽得好辛苦, 唔知佢喉嚨是否有事, 把聲調高8度, 不過 Ms yellow 話佢其他戲唔係咁。其實呢套戲都是普普通通啦, 無乜特別, 好多位都估到, 變態場面又唔係好夠變態...但散場都有人拍手掌....奇怪。
睇完戲去左大排檔食野 ~

炸雞翼同豬扒好好味喎 ! 多謝 Ms Yellow 推介 ~

就是呢間華香園 ~

是晚於同一地點睇 Ono Lisa , 因相隔數個鐘唔知去邊, 唯有回家 hea 下先 ~

上次錯過左 Art Festival, 今次就一於要睇呀, 今次是小野麗莎第二次黎香港表演。

好多日本人黎睇, 亦比我想像中多香港人喎, 會場門外好多人都買緊佢d 碟, 唔明點解唔一早買定先入黎聽 ?

後悔買左最平的飛, 雖然座位離舞台不太遠, 但是睇背面, 下次都是不要吝嗇啦。 另外覺得好睇的是小野唱了很多 Antonio Carlos Jobim 的歌, 可惜是無唱到 Desifinado ...最後 Encore 時段唱了 "What a wonderful World", 小野說是從未曾灌錄在唱片的, 實在是十分精彩, 最後以 "何日君再來" 作結, 下次小野再黎香港, 我一定要買貴飛 !!!!

Day III :

最後一日假期, 睇埋今次電影節最想睇的一套戲 "影子滅殺令", 睇呢套戲全因為波蘭斯基同伊雲麥葵格, 套戲果然不同凡響, 除了男主角有大量戲份之外, 導演駛出佢的絕招, 劇情緊張又不失帶點兒幽默, 實在是正 ! 不過不知是否原著的問題, 唔明白點解男主角咁坦白, 對於自已查到的重要線索都一一向當時人告知, 一點兒都不怕比人買兇 (像前槍手一樣), 我想這是呢部戲唯一的缺點。

Photo taken by Yashica