復活蛋 & 復活節蛋糕

其實我點解要報呢個 course ? 復活蛋都係其次, 其實想知道乜野係復活節蛋糕 ~ 今次又去左 Winnie 姐度學 ~~呢個就係 Easter Cake 啦 ~ 入面有杏仁粒粒 ~
今次仲學到個朱古力淋面 ~原未也不太難 ~~

上面加幾粒松露朱古力同埋d 糖仔 ~ 攪掂 ~ 又幾好味喎 ~ 好美式既一款蛋糕 ~ 正!!
同埋加演復活蛋數隻 ...... 純粹比阿仔吃...好味過 kinder...

朱古力甜品製做機 - 百爵茶 / orange pekoe 軟心朱古力

其實仲有一份生日禮物收到, 不過因為是生日前收既, 所以無 list 出黎, 今日終於試用呢部朱古力甜品製做機, 雖然其實係一部好簡單既機, 但又幾好用, 起碼朱古力調溫唔駛靠溫度計, 非常方便 ~~

其實呢套野最正除左部機, 仲有好多工具同模, 整朱古力無難度啦 ~~ 多謝阿珍妮先 ~~

只要將朱古力切碎就可放入去等佢熔...熔晒之後就 keep 住溫度, 我就可以慢慢整... 做倒模一樣得 ~~
整好啦 ~~ 今次是整百爵茶軟心朱古力 同埋 orange pekoe 軟心朱古力 送比阿仔契姨既 birthday gift, 不過未比佢...哈哈, 如果好耐都見唔到面就下次再整d 酒味比你啦 ~~ 呵呵呵 ~~~

禮儀師の奏鳴曲

好耐無去戲院睇戲啦, 因為都無乜戲令我想入戲院睇, 呢套 "禮儀師の奏鳴曲" 被受好評，仲攞左奧斯卡最佳外語電影, 日本片都未試過, 就算係都是70年代黑澤明既德蘇烏扎拉 Dersu Uzala（1975年）獲獎, 呢套戲電影節睇過, 講俄文既, 都唔算係日本片, 節奏慢到訓醒一覺仍是同一畫面, 相對黑澤明大師既戲, 我都是鐘意"羅生門"同"七武士"多d。

故事好簡單, 講述小林大悟（本木雅弘飾）飾演的東京交響樂團大提琴手，因樂團老闆不堪虧損宣佈解散，而被迫放棄演奏家之工作。
失業後，他和妻子美香（廣末涼子飾）回到山形縣的老家，讀報時看到「旅途協助工作」的徵人廣告，以為是導遊工作之下前往應徵，後來才知道對方徵的是禮儀師（入殮師），社長（山崎努飾演）半推半就之下被說服開始工作。本懷著排斥心理的男主角，不敢告訴妻子這份工作之餘，及後曾因此工作被妻子唾棄。但大悟慢慢透過工作，對生命產生更深體悟，也因此鼓起勇氣面對失落已久的親情。

套戲好流暢, 表達正接, 真摯感人, 有幾個位都不其然令人掉眼淚, 但有些地方又會引人發笑....戲院內不停有人發出攞紙巾既聲音, 人心肉做...因為套戲就係講緊人人都會發生既生離死別既故事....再加上久石讓既音樂...簡直無得頂 ~

好多影評話廣末是本片既敗畢...不過講老實話真係有少少....因為佢太似少女 feel 既少婦...有點兒低能....其實佢唔細啦...應該做返成熟d. 但戲中兩人感覺相襯, 但其實差成 15 年...可見本木雅弘 keep 得幾好, 70年代生既話一定識苦柿隊 (布川敏和, 本木雅弘 和藥丸裕英), 佢地既出現, 令到之後樂壇有好多呢d 組合...光Genji, Smap ...小虎隊...草蜢....不過本木就越老越型...26 歲拍左露毛寫真我都有買一本留念...佢真係幾型...

另外戲中我覺得社長做得最好, 因為做得好自然, 又表現到對戲中的工作果份真誠 ~

最後呢套戲真係幾值得睇.....

廣仲 live @ star hall

在呢個白色情人節既日子, 去左睇廣仲隊長既 live, 第二次睇佢現場演出, 今次同 Hard Rock Cafe 唔同, 因為今次比較大型同埋有Band 同台演出, 樂隊方面有老師專用既鼓手"捲毛" 同埋 bass 手 "羿妏" ~

今次唔該 Sharie 姐姐幫我買飛同埋話我知有飛賣, 好慶幸坐到第四行, 不過因為位置比較側, 所以未能正面望到廣仲 :P

因為得一場既關係, 有好多 artist 黎棒場, 見到有阿葛, 2R, 方大同, 薛凱琪, 張繼聰, 仲有 Eason 都黎睇, 廣仲既魔力可見一班 ~~

呢個是廣仲既 "sign"

可能隊長玩開細 show, 是日表演比較緊張, 有幾次忘詞, 唱錯歌詞 及有些假音破了...不過都沒有影響樂迷的情緒, 大家依然睇得興奮 ~ 一開場便唱 "我愛你" 已經全場站起...坐我隔離有對男女, 個女的是蠟像一尊, 不過呢個都唔緊要, 因為好多香港人都係咁, 是離奇的是第一, 第二行的觀眾企左起身, 第三行的觀眾看不到自然也企起身, 但呢位姐姐即刻叫前面兩位男士坐返低...果兩位男士表示前面d 人都企係度, 咁無理由坐返低, 同行之男友同該女子講..算啦算啦...於是該女子黑面全場, 做足蠟像2 個多小時及拒絕起身及拍手...全程睇大電視。其男友十分之無癮, 唯有自已起身跳...

你睇佢條短褲幾閃 ~

仲有樣野好唔自左, 就係好多人都打錯拍, 首首歌無論快定慢都用16 拍版去拍手, 好難頂, 好心唔好拍咁快....

今次廣仲唱左好多新歌...如 I know...同埋經典英文金曲如 "Blue suede shoes", " I'll always love you", "Lovin' You" 但無唱到上次 hard rock 首閔南歌... 不過樂迷都睇得好 happy, 因為可能之前好多人都未睇過佢個 show, 有別於香港 artist, 氣氛好好, 下次我都會再棒場 !

廣仲話佢第二次於台上表演彈琴, 個琴好 paul smith feel ~

全場爆滿 ~~

P.S. 多謝阿仔契媽陪我睇呢個 show ~

Rundown : -

1. 我愛你
2. Que te pasa
3. It's like ~ new song
4. I no ~ new song
5. 破氣球

6. 吉米寶貝 ~ new song

7. Rock 'n' Roll 的 Style! (餐旦飯) ~ new song

8. I Feel Good

9. Sunday Morning

10. 1234567

11. Blue Suede Shoes

12. 淵明

13. 啊!大岩壁

14. 七天

15. I Will Always Love You

16. Loving You

17. 對你有感覺

18. 好想要揮霍

19. Boring

20. 別殺我

21. 校園美女

22. 早安晨之美 X I Feel Good

23. 一百種生活

24. 寂寞考

25. 風雨 ~ new song

26. 無敵鐵金剛

轉載 : 星島3月16日 綜合報道

Eason開口成功求新曲 盧廣仲個唱滿座笑聲不絕

台灣人氣歌手盧廣仲前晚於會展舉辦了首個香港演唱會《盧廣仲100種生活演唱會》，獲眾多圈中人支持。一向自作自唱的廣仲透露了將會為Fans之一的陳奕迅 (Eason）作曲。

前晚Eason、薛凱琪、方大同、張繼聰、黃家強及太太、葛民輝一家三口等藝人出席盧廣仲演唱會，廣仲甫開場時用廣東話跟大家問好，更說只在香港表演彈電子結他。

雖然廣仲仍是一貫的T恤及短褲造型，他一開場唱歌，台下觀眾已熱情地站起來，其後他換上搶眼的閃片短褲，模仿雲妮侯斯頓唱出《I"ll Always Love You》。廣仲在台上經常說冷笑話，但不及常常掛在口邊的一句「Yeah！」，每當他不知道要說甚麼或忘記歌詞，他都會以這句輕輕帶過，但Fans每次都被他逗得大笑！在更衣的間場時，大會播出廣仲在台灣的奮鬥史及一些搞怪片段，例如他扮俄羅斯 男高音Vitas唱海豚音。音樂會共安歌了兩次，廣仲更彈出人生中第二次的鋼琴以饕樂迷，更緊張地吐舌又拉筋。

險為失掉毛巾傷心

慶功宴時，廣仲本來要宣布跟他演出了百多場的擦汗毛巾弄掉，令他十分傷心，但轉眼間又說有歌迷交回工作人員！大會亦給愛吃菠蘿油的廣仲送上10多個麵包讓他帶回台灣。

據知Fans之一的Eason到後台探望廣仲，更希望廣仲能寫一首歌給他，令廣仲坦言有壓力，「是有點緊張，還好Eason沒有給我Deadline，因我一向都是自寫自唱，從沒作過歌給別人，所以這次我可以慢慢寫，應該蠻好玩。」廣仲還寄望將來在港舉行校園巡迴音樂會。

我的生日禮物

又大一歲啦 ~ 而家一把年紀對生日呢樣野都無乜感覺啦, 可能已經唔想記住自已幾多歲啦, 而家有人問我或者填問卷時都要計下數先知自已幾多歲 ~ 不過我成日覺得自已好後生者 ~ :P呢個第一個 birthday cake @ fat angelo, 生日去食飯會送你一客蛋糕, 有幾個味, 有 Tiramisu, chocolate tiramisu 同埋 cheese cake 揀, 嚴格黎講全部都是 cheese cake, 所以我揀左未食過既 chocolate tiramisu, 好重酒味, 幾好食, 不過呢餐好飽, 食唔晒個 cake ~
姑仔送既 Kiehl's 洗面奶同青瓜水 ~ 正呀 ~~

大伯同Lisa 姐姐送既 Bodyshop Aqua Lily 套裝 ~ 正呀 ~~

老公請我食飯 & 送既 Birthday cake ~ Mango Cream Cake ~ 正呀 ~~

yellow 小姐送既 Zoe cake shop 's 蛋糕 ~ 係咖啡味 ~ 正呀 ~~

仲有公司同事請我食飯, send message 去 fb 同 SMS 比我既朋友, 雖然都唔係乜野名貴禮物, 但我都覺得大家好有心, 非常 warm ~ 在此再次多謝各位 ~~

Fraisier 法式士多啤梨蛋糕 (附食譜)

而家係士多啤梨當造既季節 ~ d 士多啤梨好靚, 呢個係整比同事既生日蛋糕, 又係整比自已既 ~ 做法跟左 Tony Wong 既 "五星級蛋糕甜點" 本書既 recipe, 但無落果 250g 牛油, 所以吉士醬甜左d....下次記得減糖.... 整呢個 cake 順便試下新買既火槍 ~~ cake 上面既馬令用火槍噴過, 所以會焦左 ~ 枝槍又真係幾易操作 ~ 只要入火機 gas 就用得, 唔駛加罐大 gas 咁唔方便 ~

個吉士醬可能無落牛油所以比較杰...有d 去唔到個底.... 無時間整生日牌, 插了兩片朱古力算啦 ~~~ 切開個餅係咁既 ~~

士多啤梨好甜呀 ~ 一d 都唔酸 ~~ 如果吉士醬淡返d 會好正 !!

吉士醬 (粉忌廉) 材料 :

雲呢拿條半條 (無落, 用左雲呢拿糖)

牛奶 500 g

蛋黃 120g (約3個)

牛油 250g (我沒有落)

栗粉 50g

淡牛油 25 g

糖 125 g (如不下牛油, 糖減半)

其他材料 :

7吋海綿蛋糕 1 個橫切成兩片待用

士多啤梨 20 ~ 30 粒

裝飾用馬令材料 :

蛋白 60g
砂糖 6g (a)

砂糖 84 g (b)

水 25g

吉士醬做法 :
1.) 將雲呢拿條切開取其籽並連同雲呢拿條放入牛奶內煲滾後熄火焗 1 小時

2.) 將栗粉及其中一半糖用 1/5 牛奶攪至順滑, 栗粉不用篩

3.) 加蛋黃入 (2) 攪勻

4.) 將餘下的奶加入另一半糖煮滾

5.) 把 (4) 倒入(3) 攪勻再放回煲內煲滾, 煮多2分鐘, 其間不停攪至稠糊狀

6.) 將糊過篩座冰水取走雲呢拿條, 放涼至 60 度左右, 加入淡牛油 (固體)

7.) 將牛油完全溶入糊中成為吉士醬, 放入雪櫃待用。

蛋糕製作 :

1.) 把蛋糕片裁好放入6吋慕絲圈或甩底模中

2.) 塗一層薄薄的吉士醬

3.) 圍圓邊鋪好切成一半的士多啤梨

4.) 中間鋪滿差不多大小的士多啤梨 (士多啤梨不要用水洗, 因為有水份不會黏住吉士醬, 用乾淨抹手紙抹淨)

5.) 用唧袋放入吉士醬唧滿士多啤梨之間的空位並蓋過士多啤梨頂部

6.) 再鋪上另一片蛋糕

馬令製作 :

1.) 將蛋白加糖 (a) 打至起泡

2.) 把糖 (b) 及水煮至 121 度, 撞入蛋白中

3.) 再打至蛋白硬身及閃亮, 不倒下便可

4.) 入唧袋, 圖中使用平的玫瑰花及星星唧咀

5.) 再用火槍噴向馬令變焦多即成 ~

姐卵型爆 look ~

姐卵有新戲開鏡 ~ 個做型型爆 !!!! 不過要等年尾先有得睇, 今次無梳起個頭啦, 應該順眼好多 ~ 不過出品人係吳敦 + 爛片王導演朱廷平...我見到呢個名就怕怕, 唔好期望咁高....

轉載 ~
周董、林志玲、陳道明 刺陵身價逾億

台灣長宏公司耗資一億人民幣（約台幣5億1,299萬元）拍的華語大片「刺陵」，確定邀大陸一級男星陳道明取代劉德華，片中和周杰倫、林志玲一起尋寶，3大巨星的片酬加起來，超過一億台幣。

台灣長宏公司不畏金融海嘯衝擊，繼「功夫灌籃」後再拍大片「刺陵」，演過張藝謀「英雄」的陳道明，確定加入演員陣容，飾演考古天才。長宏老闆吳敦表示，原本該角色屬意劉德華，但華仔說月底開拍的檔期不能配合（香港盛傳華仔4月要結婚），導演朱延平建議找黃秋生，但吳敦考慮確定陳道明是最夠份量演出的人。
陳道明挑戲嚴謹，吳敦拿劇本親自去北京他家，陳道明一看就喜歡，他的角色是捧著24個靈位要把寶藏埋起來，為什麼？陳道明說觀眾一定好奇，他演起來會特別帶勁兒。陳道明還建議吳敦大可刪除劇本中一些旁枝末節，讓吳敦豎大拇指讚他是「戲精」。
周董在新片「刺陵」的勁酷造型曝光。照片／長宏公司提供外傳陳道明一部電影片酬市價200萬人民幣，吳敦表示簽了保密條款，陳道明、周杰倫、林志玲的酬勞都不能說。幾經追問才稍微鬆口說，周杰倫和林志玲的片酬加起來是總預算的五分之一，換算約2,000萬人民幣（約台幣1億260萬元）。若周董的片酬是傳言中的港幣2,000萬元，那林志玲差不多是台幣2,000萬元了。
周董在片中演的喬飛是大漠飛鷹轉世，能在數秒內拆解各種東西；林志玲是25歲的小說家。吳敦說志玲看起來年輕，娃娃音出唱片也許不適合，演戲必是個人特色。她怕馬，周董有僵直性脊椎炎，都不能騎馬，改騎重機車。周董演完袁和平的電影對吳敦說：「我對功夫片更有把握了」，讓吳敦對「杰玲配」很有信心。

「刺陵」還在銀川的中衛沙漠搭建約一個足球場的客棧大景耗資50萬港幣，最後要被炸光光。影片預定3月22日在北京開鏡，12月15日全球同步公映。

P.S. 都係比較期待 "不能說的秘密II"

馬德蓮貝殼蛋糕 Madeleine ~ 附食譜

兒時玩拌兼同學出黎聚會, 話想食香蕉蛋糕 ~ 可惜d蕉仲好生, 唯有整一個想整好耐既甜點 ~ 馬德蓮 貝殼蛋糕 (Madeleine) , 買左個模又未試過, 有機會試下整啦 ~ 食過我覺得係檸檬味既牛油蛋糕, 配 EarlGrey 是非常正的 ~ 希望佢鍾意食 ~

轉載 :
據法國飲食百科全書《Larousse Gastronomique》所記載，相傳十七世紀位於法國東北方的洛林省（Lorreain），當時是由法國國王路易十五的外父、皇后瑪麗（Marie Leszczynski）的父親、波蘭大公史塔尼斯拉斯．雷斯林司基（Stanislas　Leszczynski）所管轄，這位公爵極愛美食，貝殼形的馬德蓮蛋糕便由他的一名年輕女僕發明，這位來自孔梅西城（Commercy）的年輕女孩名叫馬德蓮．波米耶（Madeleine Paulmier），因此便以Madeleine為蛋糕命名。因蛋糕太美味，不久便傳至凡爾賽宮繼而風靡整個巴黎。
法國文豪馬塞爾．普魯斯特（Marcel Proust）在其巨著《追憶似水年華》中，便以第一身的序述，提及懷念早年母親為他準備的馬德蓮蛋糕配紅茶的美味滋味，因而奠定了貝殼蛋糕永垂不朽的經典地位。

材料：
無鹽牛油　60克
雞蛋　　　2隻
低筋麵粉　60克
糖　　　　60克
泡打粉　　2/3茶匙
鹽　　　　少許
檸檬皮　　少許
檸檬汁　　1 茶匙

另備溶牛油及高筋粉少許

做法：
1.) 先將牛油溶化，雞蛋和糖打起, 加鹽
2.) 加入檸檬青和汁攪勻
3.) 分2次篩入粉類伴勻
4.) 加入溶牛油攪勻 (可將少量 (3) 先放入牛油攪勻)
4.) 糕模掃油及撒上高筋粉再放入雪櫃雪10分鐘
5.) 將 (4) 放入模8成滿, 放入預熱焗爐至180℃ 焗10 ~ 15 分鐘 , 待涼取出蛋糕即成 。