2009年2月26日星期四

玫瑰花籃蛋糕


今日去左二記學花籃蛋糕, 呢個 course 主要係學唧玫瑰花同花籃...不過真係唔易...我諗要練返一排先得 ~
側面是花籃 ~ 可以用黎遮住蛋糕既瑕癖 ~
上面係 Rose ~

老師仲教左唧公仔...不過佢唔駛起稿...話唧就唧....呢個係 Mickey Mouse ~

仲有立體金魚 ~

仲有天鵝 ~

隻馬唧得好似 ~

呢個係雀仔 ~ 個字好鬼懷舊 feel ~
呢個仲正 ~ 好70's & 80's

仲有 Snoopy, 不過好似瘦左d ~

A貨曲奇四重奏

公司阿姐買左而家熱賣既"曲奇四重奏"曲奇餅比我地食. 呢間野仲勁過 Jenny Barkery, 好多時要排隊買餅, 仲要買唔到要訂, 最出名就係蝴蝶酥, 同事就買左咖啡果仁,夏威夷果仁, 川椒榛子同埋蝴蝶酥, 最好味都係蝴蝶酥, 比較特別既係川椒榛子曲奇, 因為無買盒裝, 見個袋都幾靚同埋可以循環再用, 所以我都整左 A 貨曲奇四重奏 ~ 包括原味牛油曲奇, 堅果曲奇同埋杏仁朱古力曲奇 ~ 入返落個袋度, 同係果度買係無分別既 ~ 哈哈 ~

原味牛油曲奇 ~ 我覺得都係未夠鬆 ~ 堅果曲奇 ~ 好多果仁, 鍾意果仁既會鐘意食 ~ 杏仁朱古力曲奇 ~ 最受歡迎, 因為大人細路都鐘意食 ~

2009年2月22日星期日

陳綺貞太陽演唱會2009

期待已久既陳綺貞演唱會終於可以在紅館睇到佢既演出, 現場版簡直無得彈, 我就坐舞台正面二十行左右, 因為得一場, 基本上全場爆滿 ~舞台方面用左 video wall, 好靚呀 ~ 尤其唱"腐朽" 時, 型到爆 !!! 綺貞唱1234567時仲攞部相機影大家 ~ 今次綺貞算換得衫多 ~ 結他都換左幾枝, 最靚係白色鑲石電結他 ~~ 好型呀 ~~

仲同隊 band 玩 Guitar Hero, 女bass 手羿妏由光頭變左蘇德華頭, 差d 唔認得佢.... 大家用返自已樂器彈, 綺貞用結他彈返一樣既野, 好特別呀 ~ 唱"還是會寂寞", 全場人一齊唱...好好 feel 呀 ~第一轉唱完, 大家都好期待佢仲未唱旅行的意義, encore 後第三首綺貞揸架綿羊仔出黎, fans 們戴晒頭盔, 大家都知乜野事啦 ~~ 綺貞唔捨得走...不停 encore.... 仲問大家紅館有沒有時限, 很想唱下去...大家都答 " 沒有" ~~ 向大家謝完幕都仲未捨得走....唱多首 " 孩子" ~~~ 正呀 !! 我好鐘意呢隻歌 ~~ 唯一可惜無唱"小步舞曲", "太聰明", 不過全場氣氛超 high ~ 好多人由 "躺在你的衣櫃裏" 已經開始企啦 ~ 企到尾咁制 ~

Run down :
1 手的預言
2 太陽
3 腐朽
4 躺在你的衣櫃裏
5 天使
6 self
7 孤獨是歌名
8 嫉妒
9 華麗的冒險(手風琴solo)
10 下個星期去英國
11 倔強愛情的勝利
12 失敗者的飛翔
13 一首歌 讓你帶回去
14 煙火
15 sentimental skills
16 我的驕傲無可救藥
17 我親愛的偏執狂(小虎solo)
18 等待
19 1234567
20 吉他手
21 讓我想一想
22 還是會寂寞
23 靈感

加演:
24 魚
25 孤島
26 旅行的意義
27 告訴我
28 距離
29 A Practice
30 會不會
31 孩子

睇返報紙, 容祖兒, 林嘉欣同盧廣仲都有去睇.... 乜隊長咁得閒去睇, 下個月輪到你啦 ~~

雜錦曲奇 ~ (附食譜)

星期四開始整 cookies , 整左 5 款 ~~ 哇 ! 用左3 日時間 ~~ 好疲倦呀,
第一款 : "咖啡唧花曲奇", 好味呀 ~~ 第一轉d 咖啡粉未溶, 仲有d 點點係度...我以為係咁, 到第次轉, d 咖啡粉自已溶左, 變返正常, 焗出黎比較乾身, 未夠鬆化, 有待改善 ~~
這是第二輪的咖啡曲奇 ~
第二款 : 黑椒芝士條, 一出爐阿仔吃左十幾條.....芝士係用 Edam Cheese, 阿仔超鐘意食 ~ 大成功 ~~
第三款 : 杏仁朱古力曲奇 ~ 跟 Tony Wong 五星級甜品內的食譜整既, 跟佢應該無衰 ~ 好味呀, 朱古力味岩岩好 ~

第四款 : 果仁曲奇 ~ 用多款果仁做成, 有合桃, 榛子, 開心果, 杏仁配上原味既牛油曲奇 ~ 好香呀 ~~
第五款 : 印模曲奇 x 字母 x 脆糖玻璃窗

因為送 比人生日賀禮, 整左波波點曲奇, 係佢個名黎架, 但無咁大個英文字模, 唯有自已介個字 ~所以無出面果d 咁靚啦 ~ 不過好型喎~

食譜
材料 :
牛油 90g
糖霜 70g
麵粉 or 低筋粉 150g
蛋黃 1 隻
Fox 果汁糖 10 粒

做法 :
1.) 先將牛油放軟, 加入糖霜用電動打蛋器打至淡黃色忌廉狀
2.) 加入蛋黃再打勻
3.) 篩入麵粉, 用手搓勻
4.) 用麵棍推薄放入雪櫃內略雪硬
5.) 然後用大心型模印出大心型, 再用細心型模印在大心型中間, 取出形成心型洞
6.) 放入預熱 190度焗爐焗8分鐘
7.) 拿出餅並將打碎的 Fox 糖 (不要太碎) , 放在心型洞中間, 再焗8分鐘, 待涼即成 ~

仲有脆糖玻璃窗曲奇, 原想做交臂餅款式, 但好難甩...所以無整到, 都是做返心型算...個糖厚得制, 下次唔好落咁多糖...咬到牙都崩...

呢包就係雜錦曲奇啦 ~ 幾靚 !

2009年2月19日星期四

姐卵新劇"熊貓人"

收到風姐卵終於開拍電視劇 ~ 但唔係心目中果d , 而係科幻 feel 類似 batman....不過是 pandaman ~ 佢一開始就左中國宣傳, 可想而知佢既對象是大陸, 不是台灣...我驚好似功夫灌籃咁....唔識笑 + 老套 , 呢樣野唔希望會發生 ~ 姐卵 ~ 希望你加油呀 ~ 唔好令我失望呀 ~~

<<轉載>>

  昨日,由周杰倫擔綱總導演的科幻偶像劇《熊貓人》在北京宣佈該劇2月25日開機,同時“熊貓人”的造型也首度在媒體上曝光。這個被現場記者質疑為“熊貓山寨版超人”的造型引發網友熱議。成都市大熊貓品牌推進工作協調小組辦公室有關人士表示,希望更多的公眾人物參與到大熊貓品牌的推廣工作中來。

  周杰倫當導演 江語晨當演員

  周董表示,其實拍攝《熊貓人》的想法在《功夫熊貓》之前就有了,只是一直沒有等到成熟的時機。而對於“熊貓人”,周董信心十足:“美國有超人、蜘蛛俠,我們也要打造令我們華人驕傲的‘熊貓超人’。”

  《熊貓人》實際上有兩個英雄,一個是熊貓超人,還有一個是熊貓俠,周傑倫說:“這兩個英雄首先個性上不一樣,兩個熊貓人一個比較有錢,一個比較貧窮,但是非常樂於助人。熊貓超人的爸爸之前是一個慈善家,有一個綁匪挾持了一個兒童,熊貓爸爸跑去救他,犧牲了自己的生命。於是這個小孩用他爸爸的頭,以熊貓的姿態,當他未來的精神。所以之後他穿熊貓裝,在社會上打抱不平。另外一個角色是在動物園做清潔工。”說到這裡周董突然住口:“其實我真的講太多了!”周傑倫表示,自己將在片中出演一個警察局長,而緋聞女友江語晨也將加盟該片。

熊貓人造型很西方 周董說那叫國際化

  在發佈會上,曝光了熊貓超人的造型。黑白兩色的熊貓頭盔乍一看上去有點像骷髏,而他的整體造型則完全是好萊塢式的超人形象。這個具有濃郁科幻色彩的中國超人,讓周董頗為得意:“他是有點不太一樣的感覺。他是披著圍巾的,他怕冷。因為我覺得很少英雄戴圍巾,圍巾還可以飄起來。”面對記者提出的“山寨”質疑時,周董只是表示,觀眾看了片子就不會這樣想了。
  有記者問,為什麼這熊貓人的形像是細長的,不太像中國人的身材。周董說:“因為這個是發生在2030年的故事,這是科技版。”他坦言,自己也受到蝙蝠俠的影響,熊貓人結合了很多像蝙蝠俠、蜘蛛俠的優點:“但熊貓俠是一個很平凡的人,私下裏他是個鋼琴老師。這些很多東西我都是借鑒西方的電影和文化精髓,但還是有東方的東西在裏面,比如雙截棍在裏面也有體現,他拿竹子打,平時他喜歡喝竹筍湯。”
  《熊貓人》如何體現中國元素?昨日記者致電《熊貓人》的製作人安景鴻先生,他說:“紅色的圍巾就代表中國風,熊貓本身已經很中國了,人們只要看到熊貓兩個字就知道是中國的英雄。”他強調:“傑倫的市場是全球的華人,我們不想打造一味地方性的英雄,我們希望外國人也知道中國的超人!”

  成都方面:希望公眾人物多推廣大熊貓
  記者就《熊貓人》的造型問題採訪了成都市大熊貓品牌推進工作協調小組辦公室相關負責人田華先生,他說:“對於利用大熊貓的形象進行文藝創作,從政府的角度無法界定,也無法制約,只要是正面的,善意的我們都擁護,都支援。其實我們一直都希望有更多的公眾人物參與到大熊貓品牌的推廣工作中來,至於有沒有其他的商業用途,現在不方便去求證,我們也不好多說什麼。”本報記者 潘媛

  鏈結
  《熊貓人》講述的是一個發生在2030年的故事。劇中,兩個充滿正義和挑戰的陽光男生,將化身“熊貓超人”和“熊貓俠”,護衛“光明市”的安全。將懲惡揚善、見義勇為的精神,投射給現實生活中的每一個人。

近排聽乜 ~ 華語編


周杰倫 ~ 龍戰騎士 MV DVD

我最愛的姐卵 ~ 等左兩年, 佢終於都出"牛仔很忙"大碟既 MV DVD, 今次同埋新碟既 MV 一齊出, 但我覺得姐卵呢兩年求其左, 以前會隻隻歌都拍一個 MV, 而家有d 偷工減料, 因為最後發現 "蒲公英的約定" & "甜甜的" 都無拍到, 只是剪輯左一d 演唱會既片段, 有d乸西, 因為我想拍得黎佢都出左"魔杰座"隻碟, 佢既世界巡迴演唱會又玩足兩年都未完, 新碟 MV 就拍晒咁多首, 可惜版權問題無出到 "時光機", 之但係佢一個造型拍兩個 MV 似乎又唔似佢一向既路線...MV 最正我覺得都應該係"依然范特西" 隻碟...好有心機拍... DVD box set 第一版送姐卵唱片封面戴住果條鍊, 但當然唔會戴出街, 我諗不如你送 Post Card / Poster 實際d ~

陳綺貞 - 太陽

買左陳綺貞香港演唱會飛 當然要買佢地新碟煲爆佢啦 ~ 等左三年啦 ~ 好彩都無令我失望, 不過今次隻碟靜d, 暫時最鍾意都係 "失敗者的飛翔" ~
五月天 - 離開地球表面

我平時無乜點聽"五月天"d 歌,之所以買都係因為 高清台勁播阿信同陳綺貞果首 "私奔到月球" , 雖然呢首歌出左一段日子, 我都想買返黎聽 ~

方大同 - Orange Moon + Bouns DVD
激死我啦 ~ 果頭買完佢隻 CD, 轉頭又出隻 CD + DVD bonus...又要買過, 今次送埋手寫 singalongsong 結他譜 ..

DVD 內容就有 台北誠品音樂會 Live 同埋 幾首 MV
1.) 春風吹 [台北誠品音樂會 Live]  
2.) 1234567 [台北誠品音樂會 Live]  
3.) 每個人都會 [台北誠品音樂會 Live]
4.) Singalongsong [台北誠品音樂會 Live]
5.) 三人遊 [台北誠品音樂會 Live]
6.) 黑白 [台北誠品音樂會 Live]
7.) 愛愛愛 [台北誠品音樂會 Live]
8.) 歌手與模特兒 [台北誠品音樂會 Live]
9.) Love Song [台北誠品音樂會 Live]
10.) 小小蟲 [台北誠品音樂會 Live]
11.) Singalongsong [MV]
12.) 為妳寫的歌 [MV]
13.) 小小蟲 [MV]
14.) 黑白 [MV]
黃小琥 The Voice1.2.3

呢隻就係我在台灣買既碟之一, 我相信個個睇完星光大道都無乜人唔識佢, 佢把聲真係聽到人地毛管動, 仲要如果唔係有掌聲, 都唔知佢原來是 Live CD 黎既....果然是 Pub 天后...
Voice 1 佢翻唱范曉萱既 "我要我們在一起" 同埋 "不只是朋友" 都是必聽既 ~
Voice 2 我未聽晒, 但 Voice 3 我就係為左 "你把我灌醉" 買, 所以我就買box set.. 另外我見到有小琥老師既 DVD, 但曲目不太吸引, 所以我都無買到 ~

2009年2月16日星期一

柚子紅莓慕絲蛋糕心型版+ 浪漫牛扒 ~

今次又整左柚子紅莓慕絲蛋糕, 不過係心型版, 不是整比我老公食, 是整比朋友 ~ 祝佢有個開心浪漫既情人節 ~~ 仲用左我在 citysuper 買既玫瑰花朱古力模整朶玫瑰花做裝飾, 我覺得幾靚, 不過枝花略微粗左少少...有d 唔合比例 ~~哈哈 ~~
是晚情人節唔出去食費是比人"略", 在家自已整牛扒 ~ 當然有人整比我吃啦 ~~~ hehe ~ 個大啡菇好好味 ~個一串紅蕃茄都好 juicy, 豬囉要求一個要生食 ~ 佢話超好味 ~

情人節快樂 ~~ 手做朱古力 ~~

情人節前席, 去左 Winnie 姐度學整朱古力, 雖然知道唔係太難, 但都想試下自已整係點既, 因為當日是2月12 日, 我估會有好多人報名, 因為我去二記時仲未見過如此多人, 仲勁過 Christmas , 非常恐怖, 但點知去學整朱古力時就得4 個同學仔 ...比我想象中要少, 可能大家都識自已整啦.....

因為人少, 是日個 recipe 原先得三款, 但我地整多左幾款口味 :松露 ~~ 我至愛 ~~
呢款就係 A 貨金莎 ~ 入面包住原粒榛子, 軟心朱古力同榛子碎, 另外出面包多一層朱古力 ~ 呢款係軟心朱古力外面加 coating ~最後發覺我唔記得攞呢款口味....所以無試到...

士多啤梨朱古力 ~ 脆脆朱古力球 ~ 超易整又好味 ~ 開心果軟心朱古力~ 但唔好用全盒食剩果d 黎整, 因為咸咸地... 仲有一款係提子冧酒軟心朱古力, 不過miss計算錯誤, 所以整得唔好, 下次應該整定個朱古力殼 ~ 不過個軟心味度 ok, 我將台灣買返黎既朱古力食剩個盒留返黎循環再用, 個個都話 " 乜個盒咁靚 ~ " 我話係呀, 成盒 Tiffaxxy咁 ~ 幾正 ~~ 是日拿走兩盒大壽司盒+ 6粒裝既朱古力, 但大強唔吃朱古力既, 好在有豬囉同我消化, 佢超鐘意食...不過食完又超興奮....

2009年2月10日星期二

台北自由行 ~ Day 4 ~

開心既時間好快過, 又要返香港啦, 因為下午飛機, 上午就去左買手信, check out 後去左酒店隔離果間 "仙芋鮮" 食個粉圓先 ~


旺旺叫左個冬瓜茶 ~
我就叫左個粉圓兩份食 ~

新光三越門前有架 Van~ 幾很意, 同佢影下相先 ~ 自已就買左好多 " 我的美麗日記 mask" 為到 $4 塊 ~ 應該平過香港買 ~

用過又真係幾好用喎, 重點係平呀嘛 ~ 不妨去之前諗下買邊隻先 ~ http://www.ppc-life.com.tw/style/content/CN-01a/product.asp?lang=1&customer_id=564&name_id=14096&rid=19282


仲有捷運地圖手巾仔 ~ 印刷精美 ~~


蛋糕書幾本 ~




仲有買左CD & DVD , 有 Southern all stars 30 years 演唱會 DVD, 黃小琥Live CD boxset, 929 首張CD, Southern all stars 精選, 陳綺貞精選, Mr. J post card...及大量食品 ~~ 好野 ~~ 財散人安樂 ~~