聖誕餅乾花圈 - 聖誕吊飾參賽作品

阿仔學校又攪聖誕吊飾設計比賽, 早兩年都無諗住參加, 因為我d 勞作手工唔係幾得, 直到最近借左本整餅書, 叫"送禮西點 DIY", 入面有好多西餅甜點整到好靚咁送比人, 這是一本日本人寫的書但譯左中文, 好多西點都整得好靚, 其中有個聖誕花圈掛左好多曲奇餅在上面, 我覺得呢個吊飾幾好， 所以我就諗住借呢個 idea 做今次既聖誕裝飾, 一來配合主題, 二來阿仔可以同我一齊整。 因為唔麻煩 , 所以我買左好多餅模, 同埋一個藤圈, 焗餅先 ~~呢個就係製成品啦 ~
靈感係參考呢本書, 好想買但已經絕版.....

雖然唔知阿仔學校既比賽結果如何, 但我就已經因為呢個圈得左獎啦 !~ 好開心呀 ~


詳情請睇呢度 ~~

http://lateliervi.blogspot.com/2008/12/winners-are.html

《Once》/《一奏傾情》

較早前睇完奧斯卡, 已經留意到呢套戲因為佢攞到最佳原創歌曲獎, 我好少去戲院睇戲, 所以我等佢出碟 ~

有得睇啦 ~ 睇完覺得套戲入面d 歌真係好正, 好好 feel, 好想買佢隻 soundtrack, 故事亦好簡單, 但有令人感動的地方, 雖然男女主角興趣相投, 但大家有大家唔同既 background, 唔可以一齊, 有d唏噓, 果種表達方法而家好少戲做得到, 因為好 pure 同埋好樸實。 另外男主角爸爸支持佢兒子既意向, 都好令人感動, 因為多數老豆都唔鍾意個仔攪埋晒d藝術野不務正業...

套戲值得一睇呀, 加上出色既歌曲, 成套戲好夾, 好睇 :P




轉載 : 亞洲時報
《Once》：偶然的一戲成名 撰文 湯禎兆

《Once》（一奏傾情）的主題曲《Falling Slowly》，成為“奧斯卡”的最佳原創歌曲，令這套電影的原聲大碟，早在“香港國際電影節”前已在各唱片店熱賣。《Falling Slowly》得獎的爭議性，來自電影推出前，其實他們已灌錄了這首歌，那還算不算原創？背後的原因，正好呼應著電影中的主題。

現實中男女主角的故事無遜於電影情節。《Falling Slowly》這首歌的現場演繹版，於去年已在Youtube上發放，包括電影得獎前的Band version、及世界首映前兩位主角的現場演出，並且早已贏得觀眾歡心。《Once》是獨立電影，於美國Sundance首映。由John Carney執導，戲中的舊Band友角色，找不了大Cast，唯有叫朋友擔當主角，小本拍攝此片。《Once》暗中是想向經典愛情片《Before Sunset》（日落巴黎）致敬，說的就是偶然的愛情。片中男女主角也沒有名字，字幕也只是出“The Guy”及“The Girl”，暗示著這段緣份可以發生在任何人身上。導演和男女主角也沒有想過此片會大賣（“奧斯卡”更是遙不可及），故一早已發表歌曲。這一份“未知”和“意料之外”的緣份，簡直就如電影說的“一生一次”主題。

片中兩人因音樂相遇，與現實同出一轍。獨立電影，一向是小圈子的遊戲，戲中女主角Marketa Irglova，在現實中也是男主角Glen Hansard的女朋友。現實中，兩人的故事無遜於電影情節的浪漫，Glen（他的The Frames在愛爾蘭可是很著名的樂隊）到捷克某音樂節演出時，Marketa的家人為所有演出者舉辦了一個派對，當時Glen曾打趣邀請只有13歲的Marketa一起演出。自從此次，Glen Hansard與Marketa Irglova一直保持聯絡。有時Glen會到捷克和Marketa一起寫歌（因為Marketa懂得演奏很多樂器，音樂感也強）。年長18年的Glen說：“一直對Marketa也很有感覺，但只告訴自己她是小孩子。”終於，他倆在拍《Once》時便正式一起，那時Marketa才17歲。本片英文名為《Once》，是對“How Often Do You Find The Right Person?”的回應。戲裡男主角對女主角的眼神，女主角對男主角的笑容，表達的愛意正好得以說明。兩人因音樂相遇，更與他們真實情況同出一轍。

《Once》打正旗號定為“音樂電影”。這齣電影的成功之處，是打正旗號定性為“音樂電影”，令人不會嫌棄或質疑是“以歌補鑊”（現在太多這類型的作品，“詩意”的畫面再配上“音樂”，便想搏得大家歡心了）。因為這樣的電影，不是用音樂帶動劇情，反而音樂才屬劇情中心。本片結局出乎意料──和戲外的他們相反，他們並沒有在一起，這個結局為平庸的劇情添上神來之筆。一生一愛情，都是陳腔濫調，因為真實情況是“你身邊的，都不是你最愛”，就算是一鳴驚人的愛情，也未必有一生一世的機會，這個反高潮，為故事大大加分。反而現實世界裡Glen和Marketa相知相愛的緣份，就如《Once》名揚國際一樣罕有。註：除了《Once》的原聲大碟，男女主角曾出了一張名《The Swell Season》的專輯，亦有灌錄《Falling Slowly》等多首在《Once》裡出現過的歌曲。

小學同學聚會 @ 伊呂波燒肉

好神奇的 facebook 比我搵返失去聯絡多年的小學同學, 咁岩 Laurie 從美國返黎香港整d野, 所以攪左個小小聚會, 是晚我地約左去銅鑼灣伊呂波燒肉晚飯。

超過 20 年無見, 大家個樣都無乜點變, 個個結晒婚生晒仔, 講返當年學校既野, 令人好懷念, 難得大家仲好記得細個d野, 如 Jennifer 媽咪 Mrs. Choi 啦, 協華旅遊巴係咪 Laurie 有份啦.....

當年個個同學仔都移晒民, 我無同佢地升上同一中學, 所以一直都失去聯絡, 其實仲有好多舊同學我都好想同佢地見面, 但係好多都在外國, 唔係成日返黎, 下次有機會一定要再攪聚會呀 ~

柚子紅莓慕絲蛋糕 ~~ Rebecca's Birthday

阿姐生日, 我都諗緊整乜野蛋糕好, 因為好多款都想試, 問過同事意見, 不如整呢個柚子紅莓慕絲蛋糕 ~~ 係緊 Tony Wong 既五星級甜品本書既食譜整
因為要睇 show 既關係, http://hk.myblog.yahoo.com/vanlily/article?mid=16150

因為要睇 show 既關係, 呢個蛋糕我要分兩日整, 頭一日整左個海綿蛋糕同紅莓夾心先 ~

紅莓夾心整左2次, 第一次魚膠落得唔夠, 結唔到....唯有再加..

第二晚諗住只整個柚子 mousses , 應該好快, 但返到屋企廚房燈壞左....攪到好夜先開始到, 今次個 cream 都有少少打過龍, 個面唔夠平滑 ~

原先想做埋紅莓鏡面, 但唔夠時間, 所以唯有用其他裝飾頂檔, 不過大家都話好味, 好清新柚子味 ~ 不過最緊要壽星鍾意, 整得夜唔夠訓都無所謂既 ~

盧廣仲 Live @ Hard Rock Cafe

難得知道廣仲能再次來港獻唱, 非常高興, 第一時間去買飛, 但係已經得返 Dinner + Concert 既飛, 不過都好, 有得優先在近距離睇到廣仲個 show.

後尾知道當晚廣仲亦都係最後一個 Artisrt 在 Hard Rock Cafe Hong kong 表演, 順便 farewell 埋佢 ~

果晚是指定既 set dinner, 講真...唔係咁好味...不過都尾聲...廚師都無乜心機整....我叫左個 ribs...我覺得一般...旺旺話直頭無味呀....有 Haggen Dazs 雪糕, 不過無得揀味...都好啦 ~

有兩張生力啤酒 coupon, 不過其實佢又無限量 refill, 不過我都是飲左一杯者...因為都唔好飲....

戲肉黎啦... 我地食完飯21:00 左右工作人員開始執檯, d 人已經開始霸定位, 但又比工作人員猛叫企後d企後d, 都唔知究竟想點, 於是我地就退到去 Bar 檯度....原來佢地要拖地....但我地開頭都唔明點解要拖地, 因為我地都未黎 Hard Rock 睇過 show....就係呢個時候...拖完地就叫我地向台前坐係地下, 我二話不說就標左上前面, 坐左第二排左右, 但就同旺旺佢地失散左....因為比其他人迫實晒, 都上唔到黎我度...但其實我都迫到隻腳唔知放係邊....好辛苦...個地下又硬..... 等左幾個字, 出面持 concert 飛既朋友都入場啦, 我地見到 2R, 潚潚, 大塊田同埋阿澤都有黎睇...

22:00 正式開始啦, 廣仲一開始就唱左"Qué te pasa？你在干嘛？", 攪到大家非常 high 啦 ~~ 大碟入面唱左 "別殺我", "我愛你", "好想要揮霍" ~ 假音部份好正呀 ~ 同唱片一樣 ~, 仲有 "寂寞考", "100種生活"," Boring", "早安晨之美", encore 唱左"無敵鐵金鋼", 其間都有唱左一首閩南話既歌, 唔知叫乜野名, 仲有 Jackson Five 既" I want you back", 新歌 " 七天" 都非常好聽 ~~ 因為無band 既關係, 廣仲話帶左佢既朋友 "effect pedal" 幫佢手, 不過佢話同佢唔係咁熟...未知點用, 非常攪笑 ~

個 show 23:30 完, 雖然短短個半鐘, 但氣氛好好, 佢把聲真係好好聽 ~ 下次廣仲再黎我都會睇架 ~~

紅豆慕絲綠茶蛋糕 ~ Ricci's Birthay ~

今次再encore 整左個紅豆慕絲綠茶蛋糕 , 因為好味同埋 Ricci 鐘意吃綠茶味蛋糕, 所以做左呢個 cake ~ 無上次咁甜因果減左糖, 好日式既風味 ~

用阿仔契媽幫我買既朱古力模, 做左個生日牌, 白朱古力加左綠色襯番個蛋糕 ~

同壽星合照先 ~~

香橙朱古力Muffin (附食譜)

Baby kingdom 1103 club 既小朋友已經 5 歲啦,今年我地去左九龍灣展貿既 Party-Party 攪 party, 興之所至, 想整d 蛋糕仔送比小朋友食 ~ 諗到想整個香橙Muffin + 朱古力粒入去 ~

食譜係參考 "家庭烤箱作馬芬蛋糕" ~ (楊桃文化出版) 改既

材料 :

牛油 ....... 150g

糖霜 ........ 138g

全蛋 ........ 208g

低筋麵粉 .......251g

泡打粉 ........ 8g

鮮橙汁 .........25g

橙皮碎 ....... 1個

入爐朱古力粒 ....... 適量

糖霜裝飾 ........ 糖霜 20g + 1 茶匙橙汁

做法 :

1.) 將牛油切細粒於室溫放軟, 加入糖霜用電動打蛋器打至呈絨毛狀。

2.) 將全蛋分幾次攪入(1), 最好快速。

3.) 加入篩過的低筋粉同泡打粉入 (2), 攪勻加入橙汁和橙皮碎, 再加入朱古力粒

4.) 放入可入爐的紙杯仔內, 7至8分滿, 預熱 180 度焗25 分鐘即成。

5.) 趁蛋糕仔仲熱時可掃上糖霜裝飾。

我自已偷食左一個, 好味呀 ~ 小朋友實鐘意食 ~

Heaton 同猴子公仔人影相 ~

成班1103 小朋友合照 ~

特濃朱古力戚風蛋糕

今次整左個特濃朱古力戚風蛋糕, 但我可能用左 85% 可可勁苦朱古力, 所以個麵糊實得好緊要, 出爐後都好黏底, 所以唔靚, 好在是自已吃的.....

不過雖然係唔靚, 但好味喎, 我自已食左好多舊, 阿仔食過都話苦...不過 dark chocolate 唔怕食, 因為對身體好, 當然唔可以過量啦 ~~

勸大家下次整唔好落咁勁, below 70% 可可好啦....

轉載 :

純 黑 朱 古 力 加 強 血 液 循 環

希臘科學家發現，吃純黑朱古力除了可滿足口腹之慾，純黑朱古力更有效加強 血液循環，減少血液凝結血塊。該研究發現，健康的成年人每吃一百克純黑朱古力，有效改善心血管功能三小時。研究顯示，純黑朱古力可增加包圍著血管的內皮約兩成，有效阻止破壞血管的不穩定氧化物進侵。過去已有研究顯示，純黑朱古力具有抗氧物黃酮類化合物，但牛奶朱古力則沒有這種抗氧物。

海角七號

雖然仲有幾日先上畫, 但已經睇左啦, 見呢套戲在台灣票房咁勁, 梗係要睇左先啦, 不過睇完之後我明白呢套戲在台灣點解咁犀利, 但我相信在香港上影時無台灣咁叫好叫座.....開頭果一個鐘其實悶得好緊要, 唔係王家衛果種, 係我唔知佢想表達乜野, 唔知係個導演定係剪接問題, 定想玩野, 個鏡頭成日拍緊一d 進行緊既野, 但忽然又 pan 左去第二個 shot, 另外我自已覺得唔好睇既地方係.. 第一, 太多閩南話對白, 唔識聽就算睇字幕都唔明乜野意思, 或者唔係當地人唔能夠睇會到...第二, 個女主角 d 戲好差.....第三, 男女主成套戲上半 part 灑花槍但唔知為乜, 後尾又無啦啦一齊...唔夠 touch 囉.....我又唔覺有幾感動....至於影片cast入面話有梁文音, 如果想睇佢而去睇呢套戲會好失望... 上面張經典劇照我明白點解做封面啦....大家睇完就會明白....

最好睇係最後表演果幕, 其實我話果封60年前封信既事...有d畫蛇添足既感覺。最後我都係唔明點解呢套戲咁收得.....比起楊德昌既" 牯嶺街少年殺人事件", 佢又拍唔到呢d feel, 同起岩井俊二既 "情書" 比又仲差幾皮, 起碼無討論既價值, 因為套戲無野要你諗

轉載 : 聯合新聞網
【海角七號 Cape No. 7】╱劇情.電影介紹
故事描述一場在恆春夏都沙灘酒店沙灘上舉辦的大型演唱會，由於當地人的堅持，暖場樂團將由在地的樂手們組團演出，於是代班郵差阿嘉和一群連業餘樂手都算不上的當地人七拼八湊組成了一個半吊子樂團，讓個性嚴謹、心情煩悶的演唱會日本籍監督友子小姐傷透腦筋，其中總是不肯好好配合練團的主唱阿嘉更是無時無刻不惹毛她，隨著演出時間愈來愈近，兩人的衝突也愈演愈烈，沒想到一份裝在寫著日據時代舊址「恆春郡海角七號番地」郵包裡的過期愛情，竟在半世紀後，悄悄牽起了另一段跨國之戀...

每個人心中都有一封寄不出的情書，不管是寄到天涯，還是..
跨越六十年的七封情書 追尋一輩子的音樂夢想....

60多年前，日軍戰敗，一名在台的日籍老師隨著日軍撤退，將心愛的情人遺棄在相約私奔的碼頭上。60多年後在恆春，日本來的公關友子得負責組成一個超強搖滾樂團，好為日本超級巨星的演唱會暖場，因為民代的施壓，友子被迫用當地人組成的樂團，這個樂團的組合很兩光，六個團員年紀從10到80歲都有，來自各行各業，除了樂團主唱阿嘉有專業經驗外，其他人根本沒上過台!
在此同時，表面兼差送信，實際上卻把信件都堆在房間裡的阿嘉，收到了一個來自日本，寫著「恆春郡海角七番地」的郵包，他好奇打開，發現裡面全是日文，於是又把它丟回床底下，直到友子發現這個郵包是當年一名日籍男老師寫給台灣愛人的情書，於是要求阿嘉一定要將這個郵包送到，只是，經過六十年的時代變遷，「海角七號」這個地址卻早已不復存在。
阿嘉與友子之間的情愫在互相敵對中，慢慢滋生。就在演唱會即將舉辦前，友子找到了郵包主人的地址，卻也接到了日本唱片公司的工作邀約…

在此關鍵的時刻，這群破銅爛鐵的組合可以順利完成演唱嗎？阿嘉可以找到郵包的主人嗎？他和友子之間的愛情又該何去何從呢？面對著音樂和愛情夢想的追求，該是他們放手一搏的時候了！

大膽的冒險實踐家：魏德聖 導演
曾任楊德昌「麻將」副導演及電影「雙瞳」策劃。1999年以「七月天」驚艷台灣影壇；2004年，為了突破台灣電影市場受限於資金規模而無力拍攝大格局、大製作的現實困境，自籌250萬元資金，拍攝了「賽德克．巴萊」5分鐘試拍片，企圖證明台灣的影像創作實力，震撼台灣影壇。08年推出個人首部劇情長片「海角七號」，耗資台幣5000萬拍攝而成，被譽為是全台灣電影圈都期待拍出的一部電影，榮獲台北電影節百萬首獎。

《你污的七億呢?》

今日睇報紙見阿扁既報導 ─ 總統陳水扁因涉嫌貪污被收押，在獄中度第一天。陳水扁獲禮遇未鎖手銬，並入住單人囚房，須裸體半蹲接受肛門、生殖器等檢查，尊嚴掃地..... 有人見咁既情況將姐卵新碟其中一首歌改左歌詞黎形容佢, 非常攪笑, 所以我打左出黎比大家睇下 ~






原唱的 MTV ~

蝦子札蹄好好味呀 ~

其實想試陳意齋果d 蝦子札蹄好耐架啦, 但因為平時唔會經過又無話特登行去買, 今日阿姐去開果頭, 買左好多野返黎食, 慘啦 ~ 呢鋪肥死啦 ~~個蝦子札蹄真係好好味呀 ~ 好夠味仲有好香既蝦子味, 不過原來要成 $13 一條, 都幾貴下 ~
仲有買左燕窩糕, 杏仁餅, 鳳皇卷, 牛肉乾, 牛肉球, 蝦子麵, 蛋黃餅....今日真係有食神 ~

天使蛋糕 ~ Crunch Cake (附食譜)

老友wing生日, 問佢想吃乜野蛋糕, 因為佢平時唔鐘意食mousses cake 同埋 cheese cake, 忌廉蛋糕都麻麻地, 諗住都是焗個古典朱古力蛋糕算, 點知有日話我知佢好鐘意食crunch cake, 因為佢公司同事去 cafe lanmark 食左個好正的 Crunch cake.... 呢期呢個 cake 大熱, 美心, starbucks, 各大餅店都賣, 最貴要成 $120 一 件 !!!! 仲話要預早訂先有, 但其實我知做呢個蛋糕唔難, 因為其實是戚風蛋糕加 cream 再加焦糖脆脆, 所以我上網搵 recipe, 終於比我搵到 ~~

為左要做到好似美心果個咁, 我買左個矽膠中空模, 因為我買唔到7 吋既戚風模, 但我未用過矽膠焗蛋糕, 已經有d 驚驚地, 點知真係失敗, 因為個蛋糕升得好高, 好快焦但入面又唔熟, 但底又係燒焦左, 個賣相唔得之餘仲食到有少少膠味, 好彩我早有準備，買多左個中空筒加落個七吋模度再焗過....呢次終於成功。

整個焦糖脆脆都係整左兩次, 第一次都是完全失敗 ~ 激死我 ~~ 又係煮過左火, 其實d 糖開始無咁白既時候就要離火, 因為加左 baking soda 後就超級加熱, 攪多幾下就超越黎越深色, 第二次好好多同埋無苦味啦 ~~ 仲好脆添 ~

戚風蛋糕
材料:
3隻蛋黄
4隻蛋白
70g 砂糖
80g 低筋麵粉
50ml 水
50ml 菜油
雲呢拿油少許

做法:
(1) 蛋黃加一半份量的砂糖攪勻
(2) 分幾次加入菜油攪勻, 再加入水攪勻
(3) 篩入低粉攪勻, 加入雲呢拿油
(4) 蛋白分數次加入砂糖打起至企身, 分3次加入 (3) (動作要快, 切記輕手, 否則會破壞蛋糊的細泡, 焗好的蛋糕便不夠鬆軟)
(5) 倒入7吋戚風模內 (蛋糊流下來時呈絲帶狀), 放入已預熱180oC的焗爐內焗約30分鐘

脆脆焦糖
材料:
100g砂糖

25g粟膠/粟米糖漿 (corn syrup)

25g水

5g梳打粉 (baking soda, bicarbonate of soda)
做法:

(1) 用一個長柄小鍋 (不用易潔), 加人砂糖, 粟膠和水拌勻

(2) 中火煮滾約5分鐘, 期間不用攪拌, 糖慢慢會變得較稠, 顏色變成淺黃

(3) 繼續用中火煮, 期間拿起鍋的長柄慢慢搖一下, 確保焦糖顏色均勻, 直至糖變成金黃色便離火(4) 一手加入梳打粉, 另一手用木匙快速拌勻約20秒, 期間不要停手, 直至膨脹減慢, 快手倒入已鋪好焗爐紙的焗盆內

(5) 靜待約15分鐘焦糖已完全冷卻後, 將它放入密實袋內封好, 用麵掍輕輕打碎至每粒約手指頭大小, 即成為脆脆焦糖

小貼士:

(1) 煮焦糖全程約為10分鐘, 但由於每個爐具的火力不同, 就算同是中火, 火力也會不同, 所以時間不能作準, 最好憑顏色斷定, 如果用易潔鍋, 鍋本身的顏色難以斷定煮焦糖顏色的轉變, 故宜用普通有柄小鍋

(2) 煮焦糖的頭5分鐘, 糖漿看起來顏色不會有改變, 只是質地略稠, 期間不要動它; 要小心糖漿一開始變為淡黃色, 很快顏色便變深成金黃色, 淺啡色, 茶色, 所以要小心看着, 一變成金黃色便要離火, 否則做成的脆脆焦糖已燶

(3) 離火的意思是熄火並移離爐具

(4) 煮好成金黃色的焦脆有餘力, 一加入梳打粉後熱力會持續煮焦糖, 所以煮焦糖至金黃色便可以, 待拌勻梳打粉後便剛好成焦糖, 如果將焦糖煮至淺啡色甚至茶色, 一加入梳打粉後熱力便會將焦糖煮燶有苦味

(5) 梳打粉的作用是做出那脆脆焦糖的一個個小孔, 形成脆脆的特質, 所以一加入梳打粉便要快手攪拌, 確保拌勻, 而且時間太久的話, 鍋的餘溫會令焦糖變燶

(6) 脆脆焦糖做好後連密實袋放於存氣的密實盒內保持香脆

(7) 剩下的脆脆焦糖除了可以伴雪糕外, 還可以代替咖啡糖來調咖啡, 咖啡會變成焦糖咖啡, 帶一點Starbuck Caramel Machiato味道

(8) 沾有焦糖的用具如小鍋和木匙只要用水浸約15分鐘, 糖便會溶掉方便清洗

裝飾
材料:
植脂忌廉 300g

做法:
(1) 忌廉打起作裝飾用
(2) 戚風蛋糕橫切成兩半, 中間塗忌廉, 再將忌廉均勻塗上蛋糕面

(3) 臨吃前伴以脆脆焦糖

參考網頁

http://hk.myblog.yahoo.com/jw!2Kps5N2LHRRXCTWzeGjcQjovOKdi/article?mid=489

銅鑼燒與草餅

今日又去左 Winnie 姐到學整和果子, 整左呢個銅鑼燒與草餅, 銅鑼燒就即係叮噹豆沙包, 草餅就好似大福餅咁, 不過落左d 艾草落去, 所以會有好特別既味道 ~ Yummy ~

小室哲哉涉詐財1.5億 被捕落淚

小室哲哉是90 年代紅極一時既日本創作歌手兼監製, 當年可以話係紅霸日本樂壇, 但當年仲係o靚妹既我就唔係咁鐘意聽佢或者佢旗下歌手既歌, 因為我覺得佢d 歌有d 煩, melody 重覆又重覆, 果d dance beat 既野就黎黎去去都係咁, 但最唔明點解佢咁紅....咁耐以黎只是買過一張1992年佢自已出既 CD, 叫 Hit Factory, 入面係佢自已唱番佢寫比其他人既歌, 好似當時好紅既松田聖子首 "Kimono Beat", 仲有小泉今日子 "Good morning call" , 中山美穗的 "50/50" 等...., 後尾我先知呢d歌係佢作既, 但佢自已唱返就....所以我無再買佢d 碟, 其實到 Globe, 安室, TRF, 華原朋美等我無一個鐘意, 頂晒龍都係買過 TRF 一張精選碟, 因為我見人人都聽, 真係咁好聽 ? 最後發覺我其實唔鐘意聽呢類歌....

Hit Factory 隻碟封面 (我曾經見到有唱片鋪當它是死貨)

到 90 年代末期, 小室漸漸無乜人聽, 鬼咩, 呢類型既歌非常唔襟聽, 佢又無改變佢既風格, 所以愈來愈唔掂, 最後攪成咁. 不過就今次事件我覺得佢咁做好可惜, 佢好大喜功, 攪到之前賺返黎既老本無晒兼去呃人, 真係唔應該。

轉載 :
小室哲哉涉詐財1.5億 被捕落淚
【聯合報╱編譯高國珍／報導】

今日被押90年代紅極一時的日本流行樂製作人兼歌手小室哲哉，因涉嫌詐欺，4日被大阪地檢署收押。（法新社）

昔日風光90年代活躍於日本流行樂壇的小室哲哉（左），曾一手打造安室奈美惠（右）成為舞曲天后，如今卻被逮捕。（美聯社）

日本流行樂壇教父小室哲哉因涉嫌詐欺5億日圓（約台幣1.5億元），4日遭大阪警方逮捕，小室被捕時落淚並坦承犯行。

小室是日本流行樂壇最出名的製作人兼歌手，舞曲天后安室奈美惠就是他一手提拔的。小室被捕的消息震驚了日本樂壇。

小室2006年與兵庫縣蘆屋市一家行銷公司老闆簽約，協議以10億日圓出售自己創作的806首歌曲，對方履約先付出半數款項5億日幣作為訂金，但遲遲未能拿到版權轉讓書，後來才發現這些歌曲的所有權已不屬於小室，而屬於製作公司。小室交不出版權，對方要求歸還訂金，小室卻無力退還，對方怒而告上法院。

小室刻意隱匿音樂所有權歸屬，將歌曲賣給行銷公司，把得款用來償還龐大的贍養費及債務，終至落得被依「詐欺罪」起訴。

4日早上，大阪地檢處特別搜查部前往小室位於東京港區的豪宅，進行搜查並逮捕小室。同案被捕的還有兩名共犯，都是娛樂界資深人士。三人都已坦承犯行。

小室現年49歲，1984年大學時期就以TM Network團員身分出道，被塑造成音樂才子，90年代組成GLOBE樂團，事業達到顛峰，之後更與GLOBE樂團主唱KEIKO（本名山田桂子）結婚。

小室活躍於日本流行樂壇，曾一手把安室奈美惠打造成舞曲天后。據統計，他在90年代曾賣出1億7千萬張唱片，全盛時期1年的收入就高達20億日圓（台幣6億7000萬元）。他還曾為2000年的八國（G8）高峰會製作主題曲，把沖繩傳統樂器的聲音和他的招牌電子舞曲熔於一爐。

他的奢華行徑也令人咋舌，曾以2000萬日圓（台幣670萬元）包下飛機頭等艙，從日本飛往洛杉磯。

但是，近年來他未寫出暢銷歌曲，加上海外投資失敗，離婚後又須負擔巨額贍養費，讓他債台高築。

小室所屬的艾迴音樂公司表示，因為此案，原本GLOBE預定在本月26日和下月17日由日本艾迴音樂發行的「Get Wild」以及「Self Control」兩張單曲，還有官方網站、音樂下載等有關小室的部分全部喊停。